Skinfaxi - 01.04.2023, Blaðsíða 22
22 S K I N FA X I
Haukur Friðgeir Valtýsson er frá Nesi í Fnjóska-
dal en hefur lengst af búið á Akureyri. Íþrótta-
ferill Hauks hófst hjá Héraðssambandi Suður-
Þingeyinga (HSÞ), en þar keppti hann m.a. í
glímu á árunum 1971 til 1976 og varð Íslands-
meistari einu sinni. Haukur er reyndar þekkt-
ari sem blakmaður og hefur leikið um 1.200
leiki í meistaraflokki með Íþróttafélagi Mennta-
skólans á Akureyri, Íþróttafélagi stúdenta og
Knattspyrnufélagi Akureyrar. Haukur keppti
með menntaskólaliðinu á árunum 1973–1977,
en á þeim tíma var það eitt af aðildarfélögum
Íþróttabandalags Akureyrar. Með Íþróttafélagi
stúdenta landaði hann tveimur bikarmeistara-
titlum. Haukur bætti við tveimur Íslandsmeis-
taratitlum með KA og fleiri titlum eftir því sem
árunum fjölgaði. Að auki lék hann 27 lands-
leiki í blaki. Haukur hefur einnig þjálfað nokk-
ur blaklið Akureyringa í gegnum tíðina auk
þess að vera öflugur á öldungamótum í blaki.
Haukur hefur látið til sín taka í félagsstörfum,
var kosinn í varastjórn Íþróttabandalags Akur-
eyrar 2009 og sinnti þar störfum samhliða því
að taka sæti í stjórn UMFÍ. Hann var varafor-
maður UMFÍ 2011 til 2015 og síðan formaður
til 2021. Á sama tíma sat hann í fjölda nefnda,
m.a. í framkvæmdastjórn UMFÍ, mótanefnd-
um, nefnd um inngöngu íþróttabandalaga að
UMFÍ, nefnd um skiptingu fjármagns til UMFÍ
o.fl. Hann átti einnig sæti í byggingarnefnd
Bogans á Akureyri og var í undirbúnings-
nefnd vegna byggingar nýrrar aðstöðu fyrir
frjálsar íþróttir sem skilaði sér í nýjum fjöl-
notavelli á svæði Þórs.
Í formannstíð Hauks hjá UMFÍ var m.a. tekið
það sögulega skref að aðildarumsókn íþrótta-
bandalags Akureyrar, Íþróttabandalags
Reykjavíkur og Íþróttabandalags Akraness að
UMFÍ var samþykkt. Það gerðist eftir tilraunir
í áratugi.
Þó að Haukur hafi stigið til hliðar sem for-
maður UMFÍ hefur hann áfram unnið að ýms-
um félagsstörfum og tekur þátt í mörgum
verkefnum íþróttahreyfingarinnar, mætir á
fjölmarga viðburði og situr m.a. fyrir hönd
UMFÍ í Íþróttanefnd ríkisins.
Á sambandsþingi UMFÍ á Húsavík 2021
var Haukur sæmdur gullmerki UMFÍ, gull-
merki ÍSÍ og heiðursskildi UMSK. Þá er hann
heiðursfélagi ÍBA.
Tveir nýir heiðursfélagar UMFÍ
Guðmundur Kr. Jónsson og
Haukur F. Valtýsson voru gerðir
að heiðursfélögum UMFÍ á Sam-
bandsþingi UMFÍ í október. Voru
þeir sæmdir heiðursfélagakrossi
UMFÍ, sem er æðsta heiðursmerki
samtakanna. Haukur er fyrrverandi
formaður UMFÍ og Guðmundur Kr.
var lengi í forystu Héraðssamband-
sins Skarphéðins (HSK) og Ung-
mennafélags Selfoss. Báðir hafa
þeir verið sæmdir næstum öllum
viðurkenningum fyrir störf sín sem
hægt er að veita þeim innan íþrót-
tahreyfingarinnar.
Guðmundur Kr. Jónsson
Guðmundur Kr. Jónsson t.v. og Haukur F. Valtýsson t.h.
Guðmundur Kristinn Jónsson er frá Selfossi
og hefur alla sína tíð starfað innan Ungmenna-
félags Selfoss. Guðmundur hóf ungur að iðka
íþróttir og varð fljótt góður spretthlaupari og
stökkvari. Hann vann mörg glæsileg afrek í
frjálsum íþróttum bæði á héraðs- og landsvísu
og var meðal annars stigahæsti keppandinn
í karlaflokki á Landsmótinu fræga á Laugar-
vatni árið 1965, móti sem í hugum margra er
samnefnari allra góðra móta í sögu UMFÍ.
Guðmundur varð snemma mjög öflugur
félagsmálamaður og tók virkan þátt í starfi
Ungmennafélags Selfoss. Hann var formaður
frjálsíþróttadeildar í nær áratug og gegndi
auk þess starfi vallarstjóra og framkvæmda-
stjóra félagsins um árabil. Hann var síðan for-
maður Umf. Selfoss frá 2014 til 1017.
Guðmundur varð formaður HSK árið 1981
og hélt um stjórnartaumana í átta ár með mikl-
um myndarskap. Hann sat auk þess í aðal-
stjórn ÍSÍ í tvö ár.
Guðmundur Kr. tekur enn virkan þátt í ýms-
um störfum sambandsins. Oft er leitað til hans
sem þular á frjálsíþróttamótum HSK, enda
röggsamur og vel til forystu fallinn. Í bókinni
HSK í 100 segir um Guðmund Kr. að á engan
sé hallað þótt hann sé talinn einn af dugmestu
og starfsömustu foringjum Héraðssambands-
ins Skarphéðins.
Guðmundur hefur fengið fjölda viðurkenn-
inga fyrir margháttuð störf sín fyrir hreyfing-
una í áratugi. Hann er heiðursfélagi Umf.
Selfoss, HSK, ÍSÍ og FRÍ. Hann var gerður að
heiðursformanni HSK árið 2018 og er sá
þriðji í sögu sambandsins til að hljóta þá
nafnbót. Guðmundur fékk starfsmerki UMFÍ
árið 1979 og var sæmdur gullmerki UMFÍ
2010.
Haukur F. Valtýsson