Skinfaxi - 01.04.2023, Blaðsíða 37

S K I N FA X I 37
Má henda þessu?
Í byrjun árs 2022 var sagt frá því þegar Erla
Þórey Ólafsdóttir, framkvæmdastjóri Ung-
mennasambands Vestur-Skaftafellssýslu
(USVS), sat í kringum flutninga uppi með
nokkra kassa af gömlum rykföllnum bikurum
frá ýmsum tímabilum í íþróttasögu Skaftfell-
inga. Enginn vissi hvað átti að gera við bikar-
ana en enginn vildi heldur bera ábyrgð á því
að henda þeim.
Sumir þessara bikara voru frá um 1970, frá
alls konar viðburðum, afhentir á stigamótum,
héraðsmótum og við ýmis tækifæri. Erla ætl-
aði að henda þeim en var snarlega bent á að
það tíðkaðist ekki, bikarar hefðu afar mikið
tilfinningalegt gildi fyrir ýmsa félagsmenn.
Ekki væri vel séð að sjá slíkt í ruslinu.
„Við höfum afhent bikara við allt of mörg
tilefni. En ég held að þessi hugsun sé að
hætta, enda orðið léttvægt að fá bikar fyrir
skammvinna viðburði og stutt mót. Við verð-
um líka að gera það, því hætt er við að við
sitjum uppi með gamla bikara sem taka pláss,
safna ryki og enginn veit hvað á að gera við,“
sagði Erla.
Gefðu
bikarnum
nýtt líf
Veistu ekki hvað á að gera
við bikarana í kössunum í
bílskúrnum? Þá er um að gera
að senda póst á netfangið
studiofletta@studiofletta.is.
Einnig er hægt að kíkja á
vörur Fléttu í Hönnunarsafni
Íslands. Við mælum með að
koma verðlaunabikurum
áfram í góðan farveg ef þeir
eru að safna ryki hjá félaginu
ykkar eða með gömlum
bókum í geymslunni heima.
Vöruhönnuðirnir Hrefna Sigurðardóttir og Birta Rós Brynjólfsdóttir.