Læknaneminn - 01.04.1988, Blaðsíða 60

Um endurskipulagningu á námi
í læknisfræði við H.í.
Frá kennslumálanefnd F.L.
Ari Víðir Axelsson læknanemi, Gunnlaugur Sigfússon læknanemi
Inngangur
Fyrir um 2 árum síðan hófst
undirbúningur að grundvallar
endurskipulagningu á námi og
breytingu á kennslufyrirkomulagi í
læknisfræði við læknadeild
Háskóla íslands. Saga þessa máls
hefur þegar verið rakin í skýrslu
formanns kennslumálanefndar
F.L. 1986-87, sem birtist í síðasta
tölublaði læknanemans. Lækna-
nemar eru mjög ánægðir með að
forráðamenn deildarinnar hafi
komið af stað tímabærri umræðu um
kennslumál lækndeildar og fylgt
henni jafn vel eftir sem raun ber
vitni og ber að þakka það framtak. í
því starfi sem þegar hefur verið
unnið hafa læknanemar tekið virkan
þátt, bæði í umræðu í kennslunefnd,
á deildarfundum og komið fram
með eigin tillögur í upphafi þessa
máls þegar okkur þótti um of vegið
að klíníska þætti námsins.
Á deildarfundi 1 1.
nóvember 1987 lögðu Kristján
Erlendsson, Sigurður Guðmunds-
son og Guðmundur Þorgeirsson
fram uppkast að nýskipan
læknanáms. I þessum drögum er
lögð megin áhersla á aukna
samhæfingu námsgreina, form-
lega þjálfun í vísindalegum
vinnubrögðum, aukin áhersla á
mannúðarþátt læknisfræðinnar,
umhverfi sem orsök sjúkdóma,
heilsugæslu og heilsuvemd. (Sjá
nánar grein Kristjáns um þetta
málefni í þessu blaði). Tillögurnar
fengu á þessum fundi mjög góðar
undirtektir hjá kennurum
deildarinnar sem og læknanemum.
Þó komu fram vissar efasemdir um
hvemig til tækist að koma þeim í
framkvæmd þar sem það krefst
náinnar samvinnu og mikils
samstarfsvilja kennara deildar-
innar. í framhaldi af þessum fundi
er nú unnið að nánari útfærslu
hugmyndanna og stendur til að
reyna að hefja kennslu samkvæmt
nýja fyrirkomulaginu á fyrsta ári
næsta vetur og gangi breytingin
sfðan í gegn á næstu sex árum.
Um tillögurnar
Við munum ekki fjalla um
tillögumar í einstökum atriðum
enda er það gert annars staðar hér í
blaðinu. Hins vegar munum við
reyna að draga fram ákveðin atriði
sem við teljum að séu til bóta miðað
við núverandi kennslufyrir-
komulag og þau sem mættu e.t.v.
betur fara.
Mjög til bóta er markviss
kennsla í vísindalegum vinnu-
bröðum og sama má segja um
valnámskeið, sem æskilegt er að
einnig væri hægt að taka erlendis
(“electives”) og ætti hvoru tveggja
að færa okkur “akademiskari”
lækndeild. Einnig er mjög gott að
námið miðist strax frá byrjun að því
að’ mennta lækna. Okkur Iíst vel á
að komið verði á stöðugu mati á
ferli hvers nemenda sem og
hugmyndir um virkra handleiðslu
(“tutorar”). Þá koma einnig inn
nokkur athyglisverð námskeið s.s.
atferlisfræði og bráðalækningar.
Tillögurnar fela væntan-
iega í sér heidur minna klínískt
nám en vonandi betur skipulagt og
því betur nýtt. í tillögunum þykir
okkur kennsla í geð-, tauga-, bama
og fæðinga og kvensjúkdómafræði
skipt nokkuð óhentuglega upp á
síðustu námsárin þ.e. hluti á fjórða
ári og hluti seinna, þó e.t.v. þurfi að
kynna þessi fög eitthvað áður en
nemendur velja sér vísindalegt
verkefni. Teljum við þetta skapa
hættu á tvíkennslu og að kennslan
nýtist ekki sem skildi. Gert er ráð
fyrir prófum á tveggja ára fresti en
teljum við heppilegra að hafa þau
árlega. Forsendur þess að hafa próf
svona sjaldan eru að læknanemar
fái frið til lestrar, hafi aðgang að
lesstofum og bókasöfnum m.a.
búnum bókum og tölvum til að
kanna þekkngu sína.
Lokaorð
Hvemig árangurinn verður
af þessari endurskipulagningu á
læknanámi veltur fyrst og fremst á
samvinnu og samstarfsvilja og að
menn séu opnir fyrir nýjum
hugmyndum og stundum róttækum
breytingum. Á þetta við um
læknanema sem og lærifeður
þeirra. Um fram allt vonum við að
allir sem málið snertir leggi sig
fram við að sníða af þá vankannta
sem í ljós kunna að koma, þannig að
vel megi til takast og árangurinn
verði betra nám í læknisfræði í
læknadeild við Háskóla ísiands.
58
LÆKNANEMINN 1/1988-41. árg.