Læknaneminn - 01.10.1991, Page 98

a.m.k. 20 mín ísenn þrisvarí viku. Streitulosunin varð
að vera ódýr og hættulaus og hluti af daglegum
störfum hvers og eins. Sjálfur hef ég um árabil stundað
hlaup sem streitulosun. Ég hleyp um götur
Reykjavíkur 20-50 mín. þrisvar-fimm sinnum í viku
og reyni að láta þreytuna og spennuna líða úr
Iíkamanum. Fyrir mér eru hlaupin lífsnauðsyn og
sjálfsögð meðferð við spennu daglegs lífs. Fyrir lækni
eru hlaupin sérlega mikilvæg bæði vegna þess hversu
heilsubætandi þau eru og auk þess valda þau
ákveðinni ró hugans sem hverri manneskju er
nauðsynleg. Hlaupin eru stund sem ég á einn með
sjálfum mér og get þá hugsað og velt fyrir mér öllum
þeim vandamálum sem leysa þarf á hverri stundu. Þau
auka mér vellíðan og trú á eigin líkama og hæfni hans
til að fást við margs konar vandamál.
Lokaorð
Streita er óumllýjanlegur förunautur nútíma-
mannsins. Líkaminn bregst við streitu á aldagamlan
hátt og býr sig undir átök, hlaup, flótta eða slagsmál.
Otal breytingar verða á líkamsstarfsemi sem gera eiga
líkamann hæfari til að standast áföll og deilur. Líf
nútímamannsins einkennist af mörgum þáttum og ótal
áreiti sem valda stöðugri streitu og spennu. Það er því
ákaflega holll að reyna að gera sér grein fyrir
sambandinu milli alls konar sjúkdóma og streitu og
áhrifum langvinnrar streitu á margvíslega
líkamsstarfsemi. Skipulagning, aðhald í mataræði og
reykingum og líkmaleg áreynsla nokkrum sinnum í
viku eru þær aðferðir sem einfaldast er að grípa til svo
að áhrif streitunnar verði ekki allt of mikil á líf, heilsu
og starf.
96
LÆKNANEMINN 2 1991 44. árg.