Læknaneminn - 01.04.2005, Blaðsíða 4

Ritstjórapistil!
Ritstjórapistill
Læknadeild Háskóla íslands er um margt frábrugðin öðrum
deildum Háskólans sem og deildum annarra æðri menntastofn-
ana. Flestir nemendur Háskólans velja sér reglulega ný fög af
mislöngum listum og móta þannig nám sitt eftir smekk og þörf.
Þannig undirbúa þeir sig fyrir atvinnumarkað með óskýrum
útlínum og lausgerðum landamerkjum. Þetta á ekki við um
læknanema. Læknanemar vita að eftir útskrift bíður þeirra starf
sem læknar en einungis fáir leita út fyrir þann ramma. Við útskrift
má í grófum dráttum ætla að allir kandídatar geti starfað sem
aðstoðarlæknar á öllum deildum, geti í raun allir sinnt sömu
störfunum. Sú staðreynd veitir læknanemum visst öryggi,
meðan næg eftirspurn er eftir vinnuaflinu. Þetta öryggi hefur það
einnig í för með sér að þörfin fyrir val og sérhæfingu innan
grunnnámsins er minnkuð og er það enda raunin; læknanemar
klára 180 einingar af skyldufögum í sínu námi. Læknanemum
gefst ekki kostur á að velja fög eða hafna, heldur ber að fylgja í
öllu þeirri námsskrá sem Kennsluráð Læknadeildar samþykkir
frá ári til árs.
Það er varla fyrr en eftir útskrift úr Læknadeild sem valið hefst.
Þá fyrst er hægt að velja sér viðfangsefni frekara náms og um
leið vinna við það sem áhuga vekur. í framhaldinu er svo stutt
stórra ákvarðana á millí, á að vinna í héraði, hvar verður sótt um
deildarlæknisvist, hve lengi á að vinna sem unglæknir og hvar á
að taka sérfræðingsgráðu. Stærsta spurning allra spurninga og
sú spurning sem læknanemar eru spurðir svo oft að svarið
rennur uppúr þeim eins og hvert annað frumstætt viðbragð er:
„í hverju ætlar þú að sérhæfa þig?“
Að öllu þessu undansögðu er þó Ijóst að eitt í faglífi lækna-
nemans er háð eigin vali og vilja og það er atvinnan utan skól-
ans. Eftir því sem árunum í deíldinni fjölgar opnast fleiri og fleiri
möguleikar til atvinnu á heilbrígðissviði og eitt af því sem eldri
læknanemum stendur til boða eru afleysingar á heilsugæslu. í
þessu hefti Læknanemans er að finna allítarlega úttekt á flestum
heilsugæslustöðvum og heilbrigðisstofnunum utan höfuðborg-
arinnar. Það er von okkar að með slíkri umfjöllun sé eldri lækna-
nemum gert kleift að taka upplýsta ákvörðun um sumarstarf eftir
fjórða og fimmta ár auk þess sem upplýsingarnar geta nýst
unglæknum sem hyggjast leysa af á heilsugæslu. Samantekt
þessi mun vonandi verða aðgengileg um nokkurn tíma á heima-
síðu læknanema, laeknanemar.is.
Ritstjórn Læknanemans hefur að auki gert sitt ítrasta til að
sýna fram á í þessu tölublaði Læknanemans hvað læknanemar
hafa tekist á hendur undanfarið innan deildarinnar auk þess sem
í blaðinu má finna umræðu um eðli læknanámsins, fræðagreinar
frá læknanemum og sérfræðingum, almennar fræðslugreinar
um framhaldsnám og skiptinám, um kynfræðslu og kjaramál og
margt fleira. Einnig birtum við hér útdrætti úr rannsóknarverk-
efnum árganga þeirra sem nú eru á fjórða og fimmta ári, en
vegna breytinga í námsskipulagi í Læknadeild voru tveir
árgangar sem framkvæmdu slík verkefni síðastliðið ár.
Það er von mín sem ritstjóra Læknanemans að efni þessa
blaðs verði til nokkurs fróðleiks og skemmtunar fyrir læknanema
og lækna um allt land, og geri sitt til að skapa áþreifanlegri teng-
ingu milli verðandi og verandi lækna.
Kristján Dereksson, ritstjóri Læknanemans 2004-2005.
Lesaðstaða iæknanema í nýjum litum:
Læknanemar hafa lengi nýtt sér þriðju hæð gömlu heilsugæslunnar á
Barónsstíg til lestrar en hafa undanfarið lært þar í skugga hótunar um að
þeir missi aðstöðu sína undir eitthvert skrifræði. Þetta sérstæða hús er
hugverk Guðjóns Samúelssonar (1887-1950), líkt og aðalbygging
Landspítalans.
Mynd: Hlynur Georgsson, 2005.
2
LÆKNANEMINN
2005