Læknaneminn - 01.04.2005, Blaðsíða 39

Sumarvinna í héraði
Heilsugæslan á Ólafsvík
Upplýsingar frá Hrafni V. Friðrikssyni, yfirlækni.
Heilsugæslustöðin er í Ólafsvík, stærsta þéttbýlinu í Snæfellsbæ
á Snæfellsnesi. Stöðin er H2 stöð. Um 2,25 klt akstur til Reykja-
víkur. Ýmist er ekið yfir Fróðárheiði eða um Grundarfjörð yfir
Vatnaleiðina svonefndu. Vegir yfirleitt góðir. Snæfellsbær nær frá
Staðarsveit sem er sunnanvert á Snæfellsnesi, í kringum
Snæfellsjökul að Búlandshöfða að norðanverðu. Helstu þéttbýli
eru Ólafsvík, Hellissandur, Rif og Arnarstapi. Sjávarútvegur er
helsta atvinnugreinin en nokkur landbúnaður til sveita. Mikill
vöxtur er í ferðamennsku síðustu ár einkum með tilkomu
Snæfellsjökulsþjóðgarðsins. Meðaltími á Sjúkrahús Akraness
með sjúkrabíl 1,5-2 klt, en til LSH 2-2,5 klt. allt eftir færð á
vegum. í bráðatilfellum er þyrluþjónusta Landhelgisgæslunnar
oft nýtt og má reikna með 1 klt frá útkalli til komu á LSH. Sjúkra-
flug tekur samtals um 2,5 klt að minnsta kosti. Upptökusvæði er
Snæfellsbær með tæplega 1.800 íbúa. Tveir læknar eru við
stöðina. Alltaf einn læknir á vakt og hinn á bakvakt en í reynd er
ekkí kallað á bakvaktina. Heilsugæslustöðin leggur til húsnæði
fyrir lækni og fjölskyldu, læknir hefur vaktbíl á vakt. Leiga og
ferðakostnaður er samníngsatriði. Læknir fær greiðsluseðla
(grænir seðlar) greidda á vöktum. Læknir er einn á vakt nema
um helgar þá er hjúkrunarfræðingur á bakvakt og á staðnum.
Vakt er að jafnaði annan hvern dag eða viku eftir samkomulagi
starfandi lækna. Álag er mismikið á vakt, frá 0-7 sjkl.. Dagvinnu-
tími er frá kl. 08-16 og vakt og bakvakt greidd frá þeim tíma.
Ekki er greitt fyrir vottorð. Gott samstarf er við Grundarfjörð sem
er næsta heilsugæsluumdæmi.
Heilsugæslan á Kirkjubæjarklaustri
Upplýsingar frá Helgu Elídóttur, lækni.
Heilsugæslan er staðsett á Kirkjubæjarklaustri. Þetta eru 270
km frá Reykjavík þannig að á löglegum hraða er maður 3 tíma á
leiðinni í bæinn en í sjúkraflutningi er þetta ca 2,5 tími þegar
færðin en góð. Ef flutningur er frá sveitunum getur þessi tími
verið lengri. Yfirleitt er fólk lagt inn á LSH en þó kemur fyrir að
við leggjum inn á Selfoss og það eru þá aðallega hjartabilanir,
COPD, lungnabólgur, cellulitar og sárameðferð, kviðverkir
stundum ofl. íbúar eru í kringum 540. í þorpinu eru ca 130 og
restin hér í sveitunum í kring. Þetta er landfræðílega stórt hérað
og getur verið þungt yfirferðar á veturna. Þetta eru Skaftártunga,
Landbrotið og Meðalland, austur fyrir Núpsstað, Álftaver ( leita
reyndar mest til Víkur) Öræfin (tilheyra Höfn en leita mikið á
Klaustur). Heilsugæslustöðin erH1-stöð. Samstarfvið Lækninn
í Vík eftir þörfum. Hér er 240 fermetra læknisbústaður með risa-
vöxnum garði. Bíll fylgir stöðinni og notar hjúkkan hann líka í
sínar vitjanir. Húsaleiga eftir samkomulagi, hefur oft verið 20.000
+ hiti og rafmagn sem er 30.000 á mánuði. Væri örugglega
hægt að díla um þetta. Húsið er stórt og ágætt en dálítið orðið
sjúskað og þarfnast málningar og endurnýjunar á baðher-
bergjum. Sauna er við húsið. Þegar læknir hefur verið hér fast-
ráðinn hafa sumarafleysingar ekki haft þetta hús heldur litla
skonsu sem er byggð við Heilsugæsluna.
Umsögn unglæknis:
Var á Kirkjubæjarklaustrí júlí/ágúst 2003. Héraðið er mjög stórt
að flatarmáli og þetta er einmenningshérað. Vinnuálagið var
mjög temmilegt í dagvinnunni, í raun ekki mikið álag þ.e. stofan
er aðeins opin 1/2 daginn. Við bætist svo umsjón með dvalar-
heimili sem er heimsótt fast 1x í viku og eftir þörfum. Hinsvegar
var oft hringt af túristum og málin mis alvarleg. Hár meðalaldur
er í héraðinu. Vinnuaðstaðan var ágæt þó að stöðin sé ekki búin
öllum græjum. Einbýlishús eða lítil íbúð til umráða. Bæði ágætt.
Annað starfsfólk er hjúkka og móttökuritari. Maður sér sjálfur um
apótekið þegar stöðin er lokuð. Laun há en greidd voru stað-
gengilslaun yfirlæknis þó að það sé ekki gefið. Krónísk vakt en
þó hægt sé að semja við Vík.
Heilbrigðisstofnun Patreksfjarðar
Ekki bárust upplýsingar frá Heilbrigðisstofnun Patreksfjarðar.
Umsögn unglæknis:
Unglæknir var á staðnum sumarið 2004. Alltaf var reyndur
læknir á staðnum sem hægt var að leita til. Álagið á dagvinnu-
tíma var hóflegt. Móttakan var yfirleitt ekki full og því oftast hægt
að bera strembin mál undir sérfræðinginn. Vaktirnar eru
tvískiptar. Oftast komu ekki nema einn til tveir sjúklingar á vakt.
Á þeim 45-50 vöktum sem ég tók var ég vakinn átta sinnum um
nótt. Álagið á vöktunum er mest frá 15. júní og fram yfir verslun-
armannahelgi, eftir það minnkaði álagið til muna. Vinnuaðstaðan
var til fyrirmyndar, þarna eru tvö vel útbúin skoðunarherbergi,
aðgerðarstofa og aðstaða til ungbarna- og mæðraverndar. Á efri
hæðinni er hjúkrunardeild þar sem hjúkrunarfræðingur er alltaf á
vakt og hægt að leggja sjúklinga inn til eftirlits og einfaldari
meðferðar. Þarna er meinatæknir í vinnu sem getur mælt allt það
helsta í blóði og þvagi. Tækjakostur er almennt góður, þ.á.m.
nýlegt röntgentæki. Auk þeirra tækja sem ég nefni að ofan eru
öll helstu tæki þar sem þarf til skoðunar. Heilbrigðisstofnunin
býður uppá ágætlega útbúna þriggja herbergja íbúð sem er um
300 metra frá Heilbrigðisstofnuninni. Starfsfólkið er allt mjög
vinalegt og tók mér vel. Þarna eru allir tilbúnir að sýna og kenna
á þau tæki sem maður ekki kann á. Sérfræðingarnir voru tvær
vikur í senn, þannig að með mér voru sex sérfræðingar yfir
sumarið. Allir voru þeir vanir héraðsvinnu og tóku því mjög vel ef
til þeirra var leitað. í héraðinu er maður í öllum störfum, taka
röntgenmyndir og lesa úr, sauma sár, gifsa ofl. ofl. Auðvitað var
mikið af því sama en svona í það heila voru það afar fjölbreytileg
vandamál sem upp komu. Hvað viðvíkur launum þá er krónu-
talan nokkuð há og sanngjörn myndi ég segja. Ég var á jafnað-
arkaupi þannig að launin voru föst frá mánuði til mánaðar.
Meðan ég var þarna voru launin svolítið á reiki. Ég mæli með því
að næsti læknanemi sem fer þangað negli niður krónutöluna
fyrirfram. Patreksfjörður er ágætur staður, allt til alls. Falleg nátt-
úra í kring (Rauðisandur, Látrabjarg ofl.). Á Patreksfirði er svo 9
holu golfvöllur, ef einhver nennir svoleiðis. Mæli sérstaklega með
pizzunni á veitingastaðnum Pósthúsið á Tálknafirði.
LÆKNANEMINN
2005
37