Læknaneminn - 01.04.2005, Síða 48

Fregnir numdar af Forvarnastarfinu
Kristján Þór Gunnarsson
I. _ ■ formaður
M.
Meðal okkar í stjórn forvarnastarfsins gætir ákveðinnar bjartsýni.
Á fimm starfsárum sínum hefur forvarnastarfi læknanema vaxið
allnokkur fiskur um hrygg og tekist að smeygja sér inn í almenna
þjóðfélagsumræðu. Það takmark virðist nú í sjónmáli að gera
okkur sýnilegri út á við og að við séum nefnd í sömu andrá og
rætt er um kynlíf unglinga í sinni víðustu mynd. Vissulega er
björninn ekki unninn og oft látið hjá liggja að geta starfs okkar,
jafnvel af fagaðilum sem ættu að vita betur. Þar er að mörgu leyti
ómaklega þagað, þar eð læknanemar hafa lagt á sig mikla vinnu
gegnum árin. Um leið og við þökkum þeim fyrir er axlað hafa
sínar byrðar (og híum á hina) viljum við líka minna á að þó oft beri
lítið á starfi okkar á yfirborðinu, þá er eftir okkur tekið í grasrót-
inni og það rækilega í þokkabót. Skemmst er frá því að segja að
forvarnastarfið hefur gengið vonum framar: Er jafnan meðal
þess sem unglingum í menntaskólunum hefur þótt standa uþþ
úr vetrarstarfinu, eftirspurnin eykst jafnt og þétt og teljum við
okkur geta séð árangur af vinnunni.
En áður en lengra er haldið er ekki úr vegi að kynna ýmsar
þreytingar sem standa eða hafa staðið yfir, þar á meðal nýjan
meðlim sem bættist í hóp okkar á haustdögum.
Ástráður - Ráðunautur elskenda, vinur litla mannsins
Félag um forvarnastarf læknanema er, eins og flestir sjá, ekkert
ofurþjált nafn, sérstaklega ekki þegar skrifað er undir sem
formaður. Ennfremur lýsir það ekki gegn hverju verið er að verj-
ast: Reykingum? Kynsjúkdómum? Offitu?
Þess vegna var það okkur kærkomið þegar Ástráður gekk til
liðs við okkur og féllst jafnframt á að vera í fylkingarbrjósti og
Ástráður 2004-05
Eyjólfur Þorkelsson
meðstjórnandi
andlit okkar út á við. Ástráður er aðeins eldri en við (og ungling-
arnir), þekkir kynlíf af eigin reynslu og veit því vel hvað hann er
að tala um. Hann er að auki læknismenntaður, með doktorspróf
í Logia Venerealis (má þar með titla sig Dr. LoVe.) og er Ástráður
því kjörinn aðili til að veita ráð um ástarmál.
Þessi þreyting á ytra útliti starfsins býður upp á afar mikla
möguleika. Hún veitir þeim er gegnir svarþjónustunni ákveðinn
front og stuðning („Hvernig myndi Ástráður svara þessu?“) auk
þess að gefa henni persónulegan blæ. Hún gerir það að verkum
að auðveldara verður að gera hluta af heimasíðunni gagnvirka,
þar sem Ástráður bregst við áreiti þess sem skoðar síðuna (t.d.
á FAQ síðu). Síðast en ekki síst getum við nýtt þetta til að allt
sem við látum frá okkur beri sama heildarsvipinn: Smokk-
aspjöld, plaggöt, heimasíða, og síðast en ekki síst þeir sem fara
í bekkina. Enda voru síðastliðið haust prentaðir bolir með
Ástráði, sem „Ástráðunautar" fengu afhenta til að klæðast í fyrir-
lestrum sínum.
Að lokum er okkur Ijúft og skylt að minnast á nýja veffangið
okkar, www.astradur.is og nýtt netfang, leyndo@astradur.is þar
sem Ástráður situr nú fyrir svörum.
Ch-ch-ch-ch-changes...
Ýmislegt annað hefur breyst eða bæst (/-við). Til dæmis má
nefna að síðustu tvö ár höfum við haldið hópefli fyrir 2.árið í
upphafi vorannar, til að tendra áhuga þeirra á ný, tengja stjórn-
ina enn betur við „fólkið á gólfinu" og til að gefa þeim tækifæri á
að kynna sér nýtt og athyglisvert efni sem tengist starfinu. Þessir
fundir hafa hlotið nafnið KYNHVÖT (Kynningar- og Hvatningar-
fundur Ötulla Táningafræðara) og á þeim hafa fyrirlesarar hingað
til flutt erindi um getnaðarvarnahringinn og HRV rannsóknina
frægu.
Skipan og verkefni stjórnarinnar hafa ennfremur breyst
nokkuð. T.d. kemur ritari nú af 2.ári og er því í nánari tengslum
við þá sem fara í fyrirlestrana, auk þess sem meðstjórnendur af
2. ári eru nú þrír í stað tveggja áður. Þeim var einnig úthlutað
ákveðið verksvið og þar með aukin ábyrgð. Einn þeirra gegnir nú
því hlutverki að hafa yfirumsjón með mönnun ferða og virkja
bekkjarfélaga sína, annar sér um að jafnan sé það sem til þarf í
dótakössunum og möppunum, en sá þriðji fylgist með að nóg
46
LÆKNANEMINN
2005