Iðjuþjálfinn - 2023, Blaðsíða 34

Iðjuþjálfinn I Fagblað iðjuþjálfa I 1. tölublað 2023 34
Kristín Stefánsdóttir,
iðjuþjálfi.
Nýtt á Íslandi
Opinn leikskóli Memmm Play
Samvera-leikur-söngur-fræðsla
„Það hefur glatt barnið mitt
óendanlega mikið að sjá aðra
krakka, nýtt dót og syngja
saman og á eftir að hjálpa henni
með að aðlagast í leikskólanum
seinna meir þar sem dagmamma
var aldrei í boði fyrir hana“
Um mikilvægi opna leikskólans
- svar notanda úr þjónustukönnun,
maí 2023
Hvað er Opinn leikskóli?
Hugmyndafræði opna leikskóla Memmm Play er sótt til
Svíþjóðar og gengur út á að bjóða foreldrum og fjölskyldum
með börn að koma og eiga notalega stund í leik á fjölskyldu-
vænum stað. Í opna leikskólanum hittast fjölskyldur, taka þátt
í söngstund, leika, tengjast og þiggja
reglulega fræðslu frá fagaðilum, t.d. um
málörvun og skyndihjálp ungra barna.
Notendur opna leikskóla Memmm Play
eru fjölskyldur barna á aldrinum 0-3ja ára
og mæta foreldrar/forsjáraðilar og börn
saman, en eldri börn eru að sjálfsögðu
einnig velkomin. Þjónustan er gjaldfrjáls
og þarfnast ekki skráningar, fjölskyldur
mæta þegar hentar á opnunartíma og
eiga skemmtilega stund saman, kynnast
öðrum fjölskyldum, spegla sig í jafn-
ingjum og leika sér.
Í Svíþjóð hafa opnir leikskólar (öppna förskolor) verið hluti af
velferðarþjónustu sveitarfélaga frá um 1977 og í dag eru þar
starfræktir um 480 opnir leikskólar í 209 sveitarfélögum (af alls
290) og eru þeir reknir ýmist af sveitarfélögum, kirkjum, fyrir-
tækjum eða félagasamtökum. Markmiðið hefur ávallt verið að
veita fjölskyldum gæðaþjónustu, allt frá
fæðingu barns, með stuðningi fagfólks í
málefnum barna og fjölskyldna. 
Mikill ávinningur er af starfsemi opinna
leikskóla fyrir fjölskyldur og samfélagið
allt, en hér á landi virðist vanta púsl í
púsluspilið þegar kemur að almennri
og ókeypis þjónustu við fjölskyldur
allra yngstu barnanna á vegum sveitar-
félaganna. Sú þjónusta hefur nánast
alfarið verið í höndum heilsugæslunnar og trúfélaga, ásamt
einka aðilum og fyrirtækjum sem rukka fyrir þátttöku. Opni
leikskóli Memmm Play er frábær vettvangur fyrir allar fjöl-
skyldur, óháð trúar- eða lífsskoðun og efnahags eða félags-
legri stöðu í samfélaginu. 
Hverjir standa að Opna leik-
skóla Memmm Play?
Stofnendur opna leikskóla Memmm
Play eru þær Helga Hreiðarsdóttir
leikskólakennari, Kristín Stefánsdóttir
iðjuþjálfi og María Ösp Ómarsdóttir
kennari og skólastjórnandi. Þær hafa
allar brennandi áhuga á fjölskyldu- og
barnamenningu og ákváðu að láta til
skarar skríða í miðjum heimsfaraldri og
hófu að þróa og raungera drauminn um
opinn leikskóla á Íslandi. Þær fengu tækifæri til þess að nýta
ástandið í samfélaginu og fengu til afnota frábæra aðstöðu
í Dal fjölskyldukaffihúsi, sem er staðsett í Farfuglaheimilinu
í Laugardal, þar sem ferðamannastraumurinn var ekki upp
á marga fiska vegna faraldursins. Memmm Play bauð þá
fjölskyldum upp á samverustundir alla miðvikudaga og
laugardaga, söng, gleði, fræðslu, spjall
og kaffi, ásamt skapandi smiðjum fyrir
allan aldur. 
Þarna bauðst tækifæri fyrir börn og
fjölskyldur að byrja í rólegheitum
að kíkja út fyrir heimilið í vernduðu
umhverfi og brjóta þannig þá
einangrun sem heimsfaraldurinn
hafði í för með sér. Þörfin fyrir þessa
“Having a welcoming and safe
environment to take my child
to on a regular basis where I am
able to chat (or not chat, when
I’m not up to it) has been a
lifesaver for my sanity.”
Um mikilvægi opna leikskólans
- svar notanda úr þjónustukönnun,
maí 2023