Iðjuþjálfinn - 2023, Blaðsíða 5

Iðjuþjálfinn I Fagblað iðjuþjálfa I 1. tölublað 2023 5
Greina mátti mikla tilhlökkun í hópnum með að hittast aftur að
ári en fundurinn 2024 verður haldinn í tengslum við Evrópu-
ráðstefnuna í Kraków 15.-19. október. Ég bendi félagsfólki á að
kynna sér starfsemi COTEC á heimasíðunni þeirra.
Samstaða og samfélag
Eins og áður sagði tók IÞÍ þátt í undirbúningi og fram-
kvæmd kvennaverkfallsins sem eitt af aðildarfélögum BHM.
Fjölmennasti og fallegast útifundur sem haldinn hefur
verið í sögu þjóðarinnar. Stemningin sem og krafturinn var
magnaður, samstaðan áþreifanleg. Nú þurfa stjórnvöld og
atvinnulíf að láta verkin tala og lagfæra kynbundinn launamun
og vanmat á virði kvennastarfa! Við sem iðjuþjálfar, þar sem
98% félagsfólks eru konur, með fjögurra ára háskólamenntun
að baki hið minnsta, samþykkjum ekki lengur að launasetning
okkar á opinberum vinnumarkaði sé lægri en hjá karlægum
stéttum – að menntun okkar sé minna virði en sambærileg
menntun í fjármála- og tæknigeiranum. Við viljum leiðréttingu
strax!
Málþing IÞÍ var haldið á alþjóðlegum degi iðjuþjálfunar þann
27. október í samstarfi stjórnar og fræðslunefndar félagsins.
Yfirskrift dagsins í ár var „Samstaða og samfélag“ (e. Unity
through Community). Málþingið var afar vel sótt bæði á
TEAMS og á staðfundi. Kynnt voru verkefni og rannsóknir sem
rímuðu við yfirskrift dagsins. Helga Sif Pétursdóttir iðjuþjálfi
og meistaranemi í heilbrigðisvísindum sagði frá fyrstu niður-
stöðum rannsóknar sinnar á þýðingu og staðfæringu matslista
um kulnun í foreldrahlutverkinu. Carmen Fuch iðjuþjálfi kynnti
verkefnið „Þroskafjör“ á vegum Hafnarfjarðarbæjar. Markmið
verkefnisins er að gefa börnum flóttafólks kost á að taka þátt í
leik og iðju sem eflir þroska, þátttöku í leik og tengslamyndun.
Gunnhildur Gísladóttir iðjuþjálfi og sérfræðingur í vinnuvernd
hélt erindi um starf iðjuþjálfa á verkfræðistofu þar sem sjónum
er beint að mikilvægi þess að vanda vel til hönnunar og aðbún-
aðar til að tryggja sem besta líðan fólks og líkamsbeitingu við
störf, þannig að koma megi í veg fyrir stoðkerfisvanda. Fram
kom að 60% veikindafjarvista starfsfólks í Evrópu megi rekja
til slíks heilsufarsvanda.
Í lok málþingsins var yfirlýsing frá stjórn Iðjuþjálfafélags
Íslands lesin upp og send á fjölmiðla í kjölfarið. Ég lýk þessum
pistli með því að birta yfirlýsinguna hér:
Yfirlýsing frá Iðjuþjálfafélagi Íslands
Málþing í tilefni af alþjóðlegum degi iðjuþjálfunar:
„Samstaða og samfélag“
Stríð og hryðjuverk ógna mannréttindum, lífi og heilsu fólks.
Átök bitna mest á almennum borgurum með hörmulegum og
langvarandi afleiðingum fyrir einstaklinga og samfélög. Öryggi
sem og venjur hversdagsins eru hrifsaðar af fólki, tækifæri til
þátttöku og iðju verða að engu. Undir öllum kringumstæðum
skal virða alþjóðalög og útvega fólki neyðaraðstoð, tryggja
öryggi og aðgengi að brýnni heilbrigðisþjónustu. Stríðsátök
koma hvað harðast niður á konum, börnum og fötluðu fólki.
Veita þarf þeim sérstaka vernd. Árásir á skóla, heilbrigðis­
starfsfólk og sjúkrahús eru algerlega óásættanlegar og þeim
verður að linna.
Iðjuþjálfafélag Íslands fordæmir með öllu hryðjuverk og
stríðsátök hvar sem er í heiminum. Félagið vill með þessari
yfirlýsingu sýna almennum borgurum í Úkraínu, Palestínu og
Ísrael sem og þeim sem lifa á öðrum stríðshrjáðum svæðum
stuðning. Hugur okkar er hjá iðjuþjálfum og öðru heilbrigðis­
starfsfólki sem sinnir störfum sínum við þessar erfiðu og
lífshættulegu aðstæður. Vegna átakanna munu félagar okkar
í löndunum fyrir botni Miðjarðarhafs ekki fagna alþjóðlegum
degi iðjuþjálfunar líkt og við sem búum á Norðurlöndunum.
Iðjuþjálfafélag Íslands skorar á íslensk stjórnvöld að taka skýra
afstöðu gegn stríðsglæpum, taka þátt í samtali og stuðla
að friði á alþjóðavísu auk þess að leggja sitt af mörkum til
mannúðar hjálpar á átakasvæðum.
Reykjavík 27. október 2023. Stjórn Iðjuþjálfafélags Íslands
Með samstöðu getum við breytt heiminum!
kær kveðja Þóra