Iðjuþjálfinn - 2023, Blaðsíða 36

Iðjuþjálfinn I Fagblað iðjuþjálfa I 1. tölublað 2023 36
Framtíðarsýn
Opna leikskóla Memmm Play sækja um og yfir 100 fjölskyldur í
hverri viku og fer notendum hratt fjölgandi með hverri vikunni
sem líður. Reykjavíkurborg er eina sveitarfélagið á höfuð-
borgarsvæðinu sem býður upp á gjaldfrjálsan opinn leikskóla
í samstarfi við Memmm Play, enn sem komið er. Hins vegar
koma fjölskyldur í opna leikskólann úr flestum nærliggjandi
sveitarfélögum og í síðustu þjónustukönnun voru einungis
um 60% notenda búsett í Reykjavíkurborg. Ákall foreldra um
meiri þjónustu og fjölskylduvænna samfélag er hávært um
þessar mundir og á Reykjavíkurborg hrós skilið fyrir að ríða
á vaðið og bjóða fyrst sveitarfélaga upp á gjaldfrjálsan opinn
leikskóla, sem þó er öllum opinn. 
Eitt af markmiðum Memmm Play er að innleiða hugmynda-
fræðina um opinn leikskóla inn í íslenskt samfélag og stuðla að
starfsemi þeirra á landsvísu. Með aukinni þekkingu á mikilvægi
geðheilbrigðis foreldra og tengsla þeirra við börn sín má segja
að opnir leikskólar gætu verið vettvangurinn sem sveitarfélögin
geti boðið upp á til að stuðla að fjölskylduvænna samfélagi
og bættu aðgengi allra að stuðningi, fræðslu og samskiptum
á jafningjagrundvelli. Samvinna við Heilsugæsluna er einnig
mikilvæg og stefnum við að frekara samstarfi við ungbarna-
vernd og hjúkrunarfræðinga sem gætu nýtt vettvanginn til
miðlunar fræðslu og upplýsinga til foreldra.
Heimasíðan og samfélagsmiðlar       
www.memmmplay.is 
Instagram: memmm_play 
hlekkir: 
https://www.vallentuna.se/forskola­och­skola/forskola­och­
pedagogisk­omsorg/nyheter/oppna­forskolan­50­ar­firas­
med­tartkalas/
https://www.mfof.se/foraldraskapsstod/arenor­for­foraldra­
skapsstod/oppen­forskola.html