Úrval - 01.01.1971, Qupperneq 93

MORÐ í MISSISSIPPI
91
Klansamtakanna opinbera viður-
kenningu sína árið 1915. Þannig
urðu samtökin lögleg þar í fylki.
Þessi nýju samtök, er nefndust Ku
Klux Klan hf., höfðu það á stefnu-
skrá sinni að viðhalda yfirráðum
hvítra manna og að berjast einnig
gegn „hættum“ þeim, sem stöfuðu
af útlendingum, stjórnleysingjum
(anarkistum), kaþólikkum, Gyðing-
um og verkalýðsfélögum.
Þegar komið var fram á miðjan
þriðja áratuginn, höfðu þessi ný-
endurvöktu samtök breiðzt til ann-
arra landshluta og töldu nú orðið 4
milljónir félaga innan vébanda
sinna. En það fór á sömu leið sem
fyrr. Ofboðsleg ofbeldisverk urðu
til þess, að samtökunum fór nú óð-
um að hnigna aftur. Einnig átti
kreppan sinn þátt í því.
Önnur endurvakning samtakanna
hófst svo árið 1954 við úrskurð
Hæstaréttar um samskólun hvítra
og svartra í opinberum skólum.
Klókir framámenn og skipuleggj-
endur Ku Klux Klansamtakanna
gripu nú tækifærið og notfærðu sér
útbreiddan ótta hvítra manna vegna
úrskurðar þessa. Þeir héldu því
óspart fram, að það væru komm-
únistar, sem stæðu fyrst og fremst
að baki hinni vaxandi mannrétt-
indabaráttu.
Um gervöll Suðurríkin spruttu
nú upp Ku Klux Klansamtök að
nýju. Þau voru sjálfstæð hver um
sig, og á milli þeirra voru aðeins
lausleg tengsl. Ku Klux Klansam-
tökin hófu aftur göngu sína í Miss-
issippifylki snemma árs 1963 sem
angi „Hinna upprunalegu riddara
Ku Klux Klansamtaka Louisiana-
fylkis“. Síðan hófust deilur um
fjármál innan samtakanna, og þá
slitu meðlimir Mississippideildar-
innar samstarfinu og stofnuðu sjálf-
stæð samtök. Sam Bowers tók þá
við formennsku í samtökum „Hvítu
riddaranna".
Bowers var mjög stoltur af þeirri
staðreynd, að afi hans hafði verið
þingmaður fyrir Mississippifylki á
Alríkisþinginu og að fyrirrennarar
hans höfðu verið meðal fyrstu land-
nemanna í Virginíufylki. Meðal fé-
lagsmanna var hann álitinn gáfað-
ur menntamaður. Flestir félags-
menn höfðu jafnvel ekki lokið mið-
skólaprófi, en Bowers hafði sótt
sumarnámskeið við Suður-Kalifor-
niuháskólann eftir þjónustu í flot-
anum í síðari heimsstyrjöldinni.
Síðan gerðist hann kaupsýslumað-
ur í bænum Laurel í Mississippi-
fylki og hafði allmikil umsvif á
sviði sjálfsala.
Vinir hans voru stórhrifnir af því
að hann gat þulið heilu pistlana úr
Biblíunni máli sínu til sönnunar í
rökræðum og deilum. En þeim
fannst framkoma hans líka oft og
tíðum í hæsta máta furðuleg. Eitt
sinn sást hann setja nazistamerki á
handlegg sér, setja sig síðan í her-
mannastellingar að nazistasið og
heilsa síðan hundinum sínum með
nazistakveðjunni og „Heil Hitler"
hrópi.
Bowers hélt því fram, að mann-
réttindabaráttan væri aðeins „sam-
særi Gyðinga og kommúnista", og
að kommúnistar væru að þjálfa
negraher á Kúbu, sem ráðast ætti
inn í Bandaríkin. Lið þetta átti að
ráðast til landgöngu á strönd Miss-