Úrval - 01.03.1975, Blaðsíða 123

ÞAÐ SEM VIÐ VITUM NÚ UM PILLUNA
121
sjaldnar en konur, sem nota aðrar
getnaðarvarnir. Þessir góðkynjuðu
þrimlar í brjóstum kvenna hafa
lengi verið álitnir mögulegir fyrir-
rennarar brjóstkrabba.
Krabbamein í leghálsi er lækn-
anlegt ef það uppgötvast nógu
fljótt. Aðeins ein kona af hverjum
fimm fá leghálsskoðun árlega —
nema þær sem nota pilluna, og eiga
að koma til læknis síns einu sinni
á ári til að fá nýjan lyfseðil. Sú
rannsókn, sem læknir hennar á að
gera þá, er ef til vill besta vörn
konunnar gegn krabba.
ÞEGAR ÉG HÆTTI AÐ NOTA
PILLUNA TIL AÐ VERÐA ÞUNG-
UÐ, VERÐUR ÞÁ BARNIÐ MITT
HEILBRIGT? í maí á síðasta ári
var birt bráðabirgða læknisskýrsla
í Bretlandi, er náði yfir 46 þúsund
konur — helmingurinn notaði pill-
una — sem fylgst hafði verið mjög
nákvæmlega með síðan 1968. Þess-
ar konur hafa nú eignast næstum
tíu þúsund börn, og fjórðungur
mæðranna eru fyrrverandi pillu-
notendur. Þau börn, sem fæðst hafa
eftir notkun pillunnar, hafa ekki
reynst óheilbrigðari en börn þeirra,
sem aldrei hafa notað hana. Þessi
rannsókn — umfangmesta vísinda-
lega rannsóknin, sem nokkru sinni
hefur verið gerð varðandi pilluna
náði einnig yfir óvænta þung-
un, sem átti sér stað þrátt fyrir,
að konur tækju pilluna. Ekki fannst
neitt afbrigðilegt við þau börn, sem
þannig urðu til.
Skýrsla frá heilsugæsludeild New
York ríkis telur samt, að það sé
ofurlítil hætta á því — við fimm af
hverjum þúsund fæðingum — að
barn vanti lim eða hluta af lim,
þegar fóstrið hafi snemma á með-
göngutímanum orðið fyrir áhrifum
af kynhormónum eins og þeim, sem
eru í pillunni. Þannig ráðleggja
læknar nú konum, sem óska þess
að eignast barn, að. forðast snögg
umskipti frá því að nota pilluna
til þess að nota enga getnaðarvörn,
og stinga upp á því, að þær noti
einhverja aðra tegund af verjum í
þrjá mánuði, eftir að þær hætta i-’■
taka pilluna.
HVAÐA LÍKUR ERU Á ÞVÍ, AÐ
ÉG FÁI BLÓÐTAPPA AF ÞVÍ AÐ
TAKA PILLUNA? Á því er raundr
meiri hætta, en ef þú notar ekki
pillu. En þar sem blóðtappi er
mjög sjaldgæfur hjá ungum kon-
um er hættan mjög hverfandi.
Þessi hætta er raunar þrenns
konar: Æðahnútar (venjulega á fót-
um); blóðtappi i lungum; slag (af
blóðtappa í heila). Hættan á ein-
hverjum af þessum þremur sjúk-
dómum er fjórum til sex sinnum
meiri fyrir þær konur, sem nota
pilluna, en þær sem ekki gera það.
Samt sem áður sýnir fyrrnefnd
bresk skýrsla, að af þeim 46 þúsund
konum, sem þar voru rannsakaðar,
fengu aðeins 41 æðahnúta á fætur
á sex árum — á móti 10 konum,
sem ekki notuðu pilluna. Slag var
ennþá sjaldgæfara, 16 tilfelli meðal
þeirra sem notuðu pilluna, 4 meðal
þeirra sem ekki notuðu hana. Það
voru svo fá dæmi um blóðtappa í
lungum, að þau voru ekki skrásett.