Goðasteinn - 01.06.1986, Blaðsíða 5

Avarp til lesenda
Goðasteinn, tímarit um menningarmál, hóf göngu sína árið
1962. Það ár kom aðeins út eitt hefti, en síðan komu út tvö hefti á
ári frá 1963 til 1973, nema 1964, er heftin voru þrjú. Á árunum 1974
til 1979 kom út eitt hefti á ári og á árunum 1980 til 1985 birtist aðeins
eitt hefti annað hvert ár. Árið 1986 kemur síðan enn eitt hefti og er
það lokaheftið í útgáfu okkar, hinna upphaflegu útgefenda. Með
þessu síðasta hefti hefur Goðasteinn komið út í aldarfjórðung og
eru heftin orðin 34 að tölu.
Goðasteinn mun þó halda áfram að koma út. Sýslunefnd og
sýslumaður Rangárvallasýslu hafa áhuga á að hefja útgáfu héraðs-
rits í Rangárþingi. Þessir aðilar hafa leitað til okkar og einkum haft
áhuga á að halda sama nafni á hinu nýja héraðsriti. Varð að sam-
komulagi að þetta nýja ársrit fengi nafnið Goðasteinn, þegar við
hættum okkar útgáfu. Hið aldarfjórðungs gamla tímarit okkar
Skógamanna mun því halda áfram með vissum hætti og ganga í
endurnýjun lífdaganna. Biðjum við áskrifendur okkar að hafa
þetta í huga og helst styðja Goðastein hinn nýja með því að halda
áfram að kaupa ritið.
í fyrsta hefti Goðasteins árið 1962 boðuðum við í inngangs-
orðum, að við myndum einkum birta endurminningar um merka og
sögulega atburði, frásagnir af atvinnuháttum og lífi fólks á fyrri
tímum, ferðasögur, þjóðsögur, minningargreinar, þætti um bók-
menntir og sagnfræði, smásögur, lausavísur og sitthvað fleira.
Hvernig til hefur tekist, látum við lesendum okkar eftir að dæma.
Vafalaust má segja að ýmislegt hefði betur mátt gera, en þó
þykjumst við þess fullvissir að ýmsu höfum við bjargað frá glötun
og birt margt efnið, sem annars hefði hvergi komið út á prenti.
Goðasteinn
3