Goðasteinn - 01.06.1986, Blaðsíða 75

Risaskutla í geimferðastöðinni í Houston.
Ekki voru farþegar með í ferðinni og áhöfnin komst lífs af. Var þá
fengin bandarísk skíðaflugvél til að sækja fólkið upp á jökulinn.
Lenti vélin hjá fólkinu, en tókst ekki að hefja sig til flugs á ný. Var
áhöfninni síðan bjargað af leiðangri, sem kom að norðan og flutti
allt fólkið niður af jöklinum og til byggða. Nokkru eftir þetta var
George O. Hambrick fenginn til að reyna að bjarga skíðaflugvélinni
af jöklinum. Ferðaðist hann þá talsvert hér á landi og kynntist
ferðagörpum eins og Guðmundi Jónassyni og ýmsum öðrum, sem
voru með honum til aðstoðar. Ekki tókst honum að bjarga flugvél-
inni, því að hún var þá mjög komin á kaf í snjó. Gerði hann þó allt
sem hann gat í því skyni og lenti í ýmsum mannraunum á jöklinum.
En eftir þessa dvöl hér og kynni af landi og þjóð, bar hann mikinn
hlýhug til íslendinga. Þótti mér frásögn mannsins svo skemmtileg
og merkileg að ég fékk hann til að skrifa grein um leiðangurinn er
birtist í Lesbók Morgunblaðsins 4. apríl 1981.
Þannig leið tími okkar í Texas. Sífellt var eitthvað að gerast og
eitthvað nýtt að sjá. Fyrr en varði lauk þessari sex vikna kynnisdvöl
i landinu. Brottfarardagurinn rann upp og við kvöddum fagurt land
og gestrisið og gott fólk á flugvellinum í Dallas. Flugum við síðan
Goðasteinn
73