Upp í vindinn - 01.05.2014, Page 13

HJÓLASTÍGUR FRÁ FLUGSTÖÐ LEIFS EIRÍKSSONAR TIL REYKJAVÍKUR
sömu áferö og hefðbundið malbik og
hentar því vel til hjólreiða. Endurunnið
malbik er umhverfisvænna en nýtt malbik
eins og gefur að skilja. Því á vel við að
nota það í stfga fyrir hjól og ýta þannig
undir umhverfisvænni samgönguhætti
með notkun á umhverfisvænni efnum.
Kaldblandað 100% endurunnið malbik
myndi henta einkar vel í hjólastíg
frá Reykjanesbæ til Reykjavíkur þar
sem endurunna efnið er geymt við
malbikunarstöð MHC í Kagelluhrauni í
Hafnarfirði og flutningur efnisins þess
vegna lítill.
Endurunna malbikið er um helmingi
ódýrara en heitblandað malbik í háum
gæðaflokki eða um 10.000 kr/tonn
samanborið við 20.000 kr/tonn. Reikna
má með að svipaður kostnaður sé við
útlögn og flutning kald- og heitblandaðs
biks eða um 600 kr/m2. Ef reiknað er með
að 140 kg af malbiki þurfi á hvern fermetra
stígs þá fæst að kaldblandað malbik
kostar 1.400 kr/m2 og heitblandað malbik
2.800 kr/m2. Reikna má með að flutningur
og útlögn kosti um 600 kr/m2. Á 20 km af
þessum 54 km heildarleiðarinnar þarf að
leggja malbik (16 km af malarvegum og 4
km þar sem enginn stígur er nú til staðar).
Ef stígurinn er 2,5 m breiður þá eru þetta
50.000 m2 sem þarf að malbika. Ef
kaldblandað endurunnið malbik er notað
er kostnaðurinn um 100 millj. kr. en fyrir
heitblandað malbik er kostnaðurinn um
170 millj. kr. í þessu verki geta því sparast
um 70 millj. kr, eða um 20% ef miðað er
við að heildarkostnaður sé 330 millj. kr,
með því að nota endurunnið malbik í stað
hefbundins malbiks.
Fjármögnun
Árið 2007 voru hjólastígar í fyrsta sinn
skilgreindir í vegalögum. Þessi breyting
á lögum varð til þess að aðkoma
Vegagerðarinnar við stígagerð er
möguleg. Vegagerðin er í samstarfi við
sveitarfélög á höfuðborgarsvæðinu um
fjármögnun á gerð hjólastíga. I júlí 2012
skrifuðu Reykjavíkurborg og Vegagerðin
undir samstarfssamning sem markaði
nýja tíma í hjólreiðaátaki borgarinnar.
Reykjavíkurborg og Vegagerðin ætla
að verja milljarði hvor í átakið á næstu
þremur til fimm árum [16]. Með þessu
setti Vegagerðin fordæmi fyrir önnur
sveitarfélög innan höfuðborgarsvæðisins
sem búast væntaniega við svipuðum
samstarfssamningi.
í núgildandi samgönguáætlun er lögð
áhersla á sjálfbærar samgöngur þ.á.m.
hjólreiðar [3]. Sjálfbær samgönguáætlun
á að vera unnin í samvinnu við
sveitarfélög með yfir 5.000 íbúa [3],
en Reykjanesbær hefur yfir 14.000
íbúa. Vegagerðin vinnur í samræmi við
markmið samgönguáætlunar og ber
ábyrgð á að sjálfbær samgönguáætlun
sé unnin þar sem grunnnet hjólastíga
á að vera skilgreint [17]. í sjálfbærri
samgönguáætlun á að forgangsraða
fjármagni í uppbyggingu nets
hjólastíga [3]. Uppbygging stíga innan
höfuðborgarsvæðisins er nú í forgangi en
samstarfssamningur Reykjavíkurborgar
og Vegagerðarinnar nær til 2015-2017.
Eftir þann tíma gæti fjármagn losnað
fyrir uppbyggingu á hjólastígum utan
höfuðborgarsvæðisins. Reykjanesbrautin
er einn umferðarþyngsti þjóðvegur utan
þéttbýlis og væri því eðlilegt næsta skref,
eftir að hægjast fer á fjármögnun við
stíga innan höfuðborgarsvæðisins, að
bæta aðstöðu hjólreiðafólks eftir henni.
Reykjanesbrautin er umferðarmeiri
en lengstu hlutar Suðurlandsvegar og
Vesturlandsvegar [9] en samkvæmt
vegalögum er heimilt að veita fé til
almennra stíga meðfram umferðarmestu
þjóðvegum [3] og ætti því Reykjanesbraut
að vera í forgangi hvað hjólaleiðir frá
höfuðborgarsvæðinu varðar.
Sveitarfélög sem eiga hlut að þessum
hjólastíg eru Reykjanesbær, Vogar,
Hafnarfjarðarbær, Garðabær, Kópavogur
og Reykjavík. Til þess að Vegagerðin
komi að fjármögnun stfgsins þurfa þessi
sveitarfélög að vera tilbúin með skipulag
að legu hjólastígsins [3]. Samkvæmt
aðalskipulagi Reykjanesbæjar á aðgengi
fyrir hjólreiðafólk að vera gott meðfram
svokallaðri lífæð [18]. Samkvæmt
aðalskipulagi Voga á að leggja stíga
sem tengja byggðina við nærliggjandi
sveitarfélög [19]. Hingað til hafa
viðkomandi sveitarfélög borið helming af
kostnaði við lagningu hjólastíga meðfram
stofnbrautum á móti Vegagerðinni en
í samgönguáætlun kemur fram að
kostnaðarþátttaka Vegagerðarinnar
getur orðið meiri á langleiðum utan
höfuðborgarsvæðisins [3].
Hugsanlega geta einkaaðilar komið að
fjármögnun þessarar hjólaleiðar. Eins
og fram hefur komið á Isavia í viðræðum
við Reykjanesbæ um þessar mundir um
lagningu hjólastígs milli Flugstöðvar Leifs
Eiríkssonar og Reykjanesbæjar. Með því
á starfsfólk Isavia á Keflavíkurflugvelli
að geta hjólað til og frá vinnu. Rio
Tinto Alcan lagði stíg frá Hvaleyrarholti
að álverinu í Straumsvík í samvinnu
við Hafnarfjarðarbæ árið 2005 [20].
Hjólaleiðin sem er fjallað um í þessari
skýrslu liggur meðfram álverinu og því
má kanna hvort að Rio Tinto Alcan vilji
koma að fjármögnun. Malbikunarstöðin
Hlaðbær Colas gæti hugsanlega gefið
afslátt af efni og sóst eftir kynningu
á endurunnu malbiki í staðinn. Þetta
verkefni hentar vel fyrir endurunna
malbikið vegna þess hve framkvæmdirnar
eru nálægt lager af endurunnu malbiki.
...upp í vindinn I 13