Upp í vindinn - 01.05.2014, Síða 46

BYGGINGARREGLUGERÐ,
ORKUSPARNAÐUR OG
HITAEINANGRUN
Magnús Sigfússon
Lauk sveinsprófi í
húsasmíði 1978,
Byggingariðnfræði frá
Tækniskóla
íslands 1993 og
Iðnrekstrarfræði frá
sama skóla 1993.
Byggingafræði frá
Háskólanum í Reykjavík
2011.
Starfar sem sölustjóri
hjá Steinull hf
Mikið hefur verið fjallað um uppfærða og endurbætta byggingarreglugerð 112/2012 sem tók gildi í byrjun
árs 2012. Eins og vænta mátti þá voru breyttar áherslur og breyttar kröfur frá reglugerð 441/1998 sem
bæði koma með tilskipunum vegna EES samnings og einnig vegna innleiðingar leiðbeinandi staðla
sem öðlast hafa gildi.
Umfjöllun í þessari grein er 13. hluti nýju
reglugerðarinnar. Fljótlega eftir gildistöku
hennar olli þessi hluti töluverðu fjaðrafoki. Voru
margir alls ekki sáttir við eitt af markmiðum
reglugerðarinnar að hugað skyldi að orkusparnaði
og að hús skyldu hönnuð og byggð með breyttum
áherslum. Samkvæmt þessum markmiðum
var krafa um leyfilegt hámark U-gilda lækkað
sem þýddi meiri einangrun og minna orkutap
í hverri íbúð. Því miður þá féllu þessi áform í
grýttan jarðveg og kom andstaðan bæði frá
hönnuðum og verktökum. Margur hönnuðurinn
taldi orkuverð svo hagstætt á fslandi að engar
forsendur væru til að auka kröfur og spara orku
og ítrekað hefur því raunar verið haldið fram á
opinberum vettvangi að verið væri að innleiða
evrópskar kröfur um einangrunarþykktir þó ekkert
sé fjarri sanni. Þannig þarf meira en tvöfalda
einangrunarþykkt til að uppfylla kröfur dönsku
byggingarreglugerðarinnar miðað við þá íslensku
og frá og með 2015 verða kröfurnar þar auknar
enn frekar. Af hálfu verktaka var andstaðan
vegna aukins byggingarkostnaðar og ótta þeirra
við hærra íbúðarverð. Niðurstaðan af þessari
andstöðu varð sú að upphaflegri reglugerð var
breytt í fyrra horf og eru því kröfur um U-gildi
þau sömu og voru í reglugerð 441/1998 og eru
í raun frá 1992, sem segir sitt um viðhorf okkar
íslendinga til orkunýtingar og langtímahugsunar
í mannvirkjagerð.
Samkvæmt reglugerðinni er gerð skýlaus
krafa um að með hönnunargögnum skuli fylgja
útreikningar á heildarleiðnitapi byggingar þar
sem tekið er tillit til allra kuldabrúa og U-gilda
allra viðeigandi byggingarhluta. Heildarleiðnitap
mannvirkis má því ekki vera hærra en fæst
þegar einvörðungu er tekið mið af nettóflatarmáli
byggingarhluta og hámarks U-gildum samkvæmt
töflum í reglugerðinni.
Útreikningar á leiðnitapinu leiða fljótt í Ijós
veikleika hefðbundna íslenska steinveggsins,
sem einangraður hefur verið að innanverðu og
46 I ...upp í vindinn