Læknablaðið - 01.04.2023, Blaðsíða 39

L ÆKNABL AÐIÐ 2023/109 207
Lára Ósk
Eggertsdóttir Claessen
Dagur í lífi sérnámslæknis í
bráðalækningum
Lára í vinnunni sinni á Landspítala um
daginn. Mynd/vinkona hennar
06:30 Vekjaraklukkan hringir en ég
er nú þegar vakandi því litla 30 vikna
bumbukrílinu mínu finnast næturnar
vera tilvalinn tími fyrir sparkæfingar.
Hún hefur greinilega hug á ferli sem
knattspyrnukona. Læðist niður til þess
að vekja ekki manninn minn og dóttur
mína. Meira að segja hundurinn nennir
ekki að vakna svona snemma og færir
sig úr eldhúsinu inn í myrkrið í forstof-
unni til þess að fá frið.
07:00 Legg af stað niður á Landspít-
alann á Hringbraut. Um þessar mundir
er ég að vinna á svæfinga- og gjör-
gæsludeild, sem er hluti af sérnáminu
í bráðalækningum. Sérnámslæknar
í bráðalækningum vinna í 6 mánuði
á svæfinga- og gjörgæsludeild til
þess að fá þjálfun í svæfingum,
öndunarvegameðferð og innsýn í með-
ferð sjúklinga á gjörgæslumeðferð.
07:15 Renni í hlað á Landspítala.
Helstu kostirnir við það að dagurinn
á svæfingunni byrjar snemma er að
umferðin er lítil og hægt að velja úr
bílastæðum!
07:30 Morgunfundur hjá svæfinga-
læknum. Farið yfir stöðuna á gjörgæsl-
unni, þar sem ég er staðsett þessa vik-
una, og dagskipulagið á skurðganginum.
08:00 Læknarnir sem eru á gjörgæsl-
unni þessa vikuna fá ítarlegra rapport
frá næturvaktinni um þá sjúklinga
sem eru inniliggjandi. Við skiptum
með okkur sjúklingunum og vinnan
hefst. Sem sérnámslæknir í bráðalækn-
ingum er mjög lærdómsríkt að vinna
á gjörgæslunni undir handleiðslu
svæfinga- og gjörgæslulækna. Hér fæ
ég að vera hinum megin við borðið og
sinna áframhaldandi meðferð bráðveikra
sjúklinga sem í sumum tilfellum flytj-
ast beint af bráðamóttöku á gjörgæsl-
una. Undanfarið hefur verið nokkuð
um sjúklinga með alvarlegar, ífarandi
streptó kokkasýkingar þar sem gjör-
gæslumeðferð hefur verið nauðsynleg.
Sjúklingurinn sem ég sinni í dag lagðist
inn með sýklasótt vegna alvarlegrar
streptókokkasýkingar en er nú á bata-
vegi eftir gjörgæslumeðferð og kemst
líklegast á deild í dag.
15:30 Dagurinn líður hratt enda hefur
enginn skortur verið á verkefnum. Þar
sem dagurinn á gjörgæslunni byrjar að-
eins fyrr er hann líka búinn aðeins fyrr.
Ég næ því yfirleitt að vera á undan um-
ferðinni heim til þess að sækja tímanlega
á leikskólann.
16:00 Rölti yfir götuna til þess að
sækja þriggja ára dóttur mína á leikskól-
ann. Hún er alger félagsvera og hleypur
alltaf í burtu þegar hún sér foreldra
sína koma. Dagurinn í dag er engin
undantekning. Hún er úti að leika sér
með vinum sínum og er alls ekki tilbúin
til þess að yfirgefa partýið. Ég neyðist
til þess að kjaga fram og til baka á leik-
skólalóðinni áður en ég næ að króa hana
af inni í leikkofa. Eftir nokkuð strangar
samningaviðræður fellst hún á að koma
heim gegn því að fá kex og áfram-
haldandi útiveru . . .
16:30 Við sækjum heimilishundinn
Sölku og förum í fjölskyldugöngutúr
niður að Rauðavatni. Litlu dömunni þyk-
ir æðislegt að henda steinum í vatnið og
Salka fylgist áhugasöm með en er ekki
hrifin af því að blotna.
20:00 Háttatími hjá barninu. Bókin
sem varð fyrir valinu í kvöld fjallar
um hænu sem keypti sér of þröngar
gallabuxur en fann á endanum sjálfs-
traustið til að ganga í þeim óháð því
hvað hinum dýrunum fannst. Allt er gott
sem endar vel.
20:30 Fullorðinstími! Undanfarin ár
hef ég stundað doktorsnám við lækna-
deild Háskóla Íslands. Rannsóknarverk-
efnið fjallar um áhrif heilahristings hjá
íþróttakonum á sálræna líðan, taugasál-
fræðileg próf og á heiladingulsstarfsemi
og er unnið í samvinnu sálfræðideild
Háskólans í Reykjavík. Nú stendur til
að framkvæma nokkur hormónapróf
til viðbótar svo kvöldið fer í að hringja
og senda tölvupóst á þátttakendur.
Verðlaunin mín þegar því lýkur eru
sjónvarpsgláp og prjónaskapur. Heim-
ferðarsett bumbukrílisins sem er vænt-
anlegt í vor prjónar sig ekki sjálft . . .