Læknaneminn - 01.04.2021, Blaðsíða 67

65 Badmintonmót læknanema
Badmintonmót
læknanema
Það var í mars 2021. Rúmt ár var frá því að samkomutakmarkanir
voru settar á og allir voru bugaðir og brotnir eftir ítrekaðar bylgjur,
félagslífsskort og óhóflega einveru. Læknanemar voru sérstaklega
viðkvæmir um þetta leyti þar sem árshátíð Félags læknanema,
uppáhalds viðburður okkar allra, hefði undir venjulegum
kringumstæðum verið haldin á þessum tíma. En eins og annað
var hún aðeins $arlægur draumur og ekkert til að hugga sig við
nema hlýjar og óljósar minningar. En þá gerðist nokkuð. Örsmá
vonarglæta birtist á sjóndeildarhringnum, smitum fækkaði og
takmarkanir rýmkuðu. Þá, öllum að óvörum, reis eins og fönix
úr öskunni viðburður sem enginn sem þá stundaði nám við
Læknadeild mundi lengur eftir; Badmintonmót læknanema.
Prinsinn á hvíta hestinum, eða réttara sagt hvítu flugunni,
kominn til að bjarga félagslífi læknanema. Eins og alþjóð veit eru
læknanemar ekki bara klárir á bókina heldur líka klárir í slaginn
og íþróttamenn upp til hópa. Því tók ekki langan tíma að fylla
skráningu á mótið.
Laugardaginn 20. mars héldu 32 galvaskir læknanemar
suður með sjó með spaða í hönd. Mótið var haldið í íþróttahúsi
Akurskóla í Reykjanesbæ og var aðstaðan öll hin glæsilegasta.
Keppt var í tvíliðaleik og, eins og þeir sem ekki hafa tapað allri
stærðfræðikunnáttu eftir innritun í Læknadeild hafa nú þegar áttað
sig á, voru 16 lið skráð til leiks. Eftir stutta upphitun hófst mótið
en liðunum hafði verið skipt af handahófi í $óra riðla. Þegar öll lið
höfðu keppt innan síns riðils röðuðust þau í nýja riðla eftir því í
hvaða sæti liðin lentu, þ.e.a.s. öll liðin sem lentu í fyrsta sæti lentu
saman o.s.frv. Þá gat keppnin hafist fyrir alvöru. Ótrúlegt var að
fylgjast með töktunum á mótinu og hefðu margir þarna vafalaust
getað náð langt á þessu sviði hefði læknisfræðin ekki sett strik
í reikninginn. Spaðinn var handleikinn af sömu einbeitingu og
natni og saumaskæri í skurðaðgerð og flugan þaut á milli hraðar en
læknanemi þegar hann fær sms um að það sé krufning eftir korter.
Eftir þrjár klukkustundir, 48 leiki, mikinn svita, töluvert
orðaskak og lágmarks barsmíðar (bara eitt tilvik sem vitað er um og
svo það sé tekið fram sló sá sig sjálfur í höfuðið með spaðanum) var
mótinu lokið. Sigurvegarar riðlana voru leystir út með páskaeggjum
af stærri gerðinni og en þeir sem ekki komust á pall fengu smærri
egg í sárabót. Þeir sem unnu efsta styrkleikariðilinn, og þar
af leiðandi mótið, voru þeir Teitur Ari Theodórsson og Jóhann
Ragnarsson fimmta árs læknanemar. Þess ber að geta að Teitur hafði
ákveðið forskot á mótherja sína þar sem hann spilaði á heimavelli
enda alinn upp í Njarðvíkinni.
Badmintonmót læknanema 2021 var vel heppnaður viðburður
í alla staði og er það klárt mál að hann verður aftur fasti í félagslífi
læknanema, með fyrirvara um frekari faraldra.