Læknaneminn - 01.04.2021, Blaðsíða 76

74 Læknaneminn
Ástblær 2021
Ástblær er nýstofnað undirfélag Ástráðs og er undirtitill þess
hinsegin félag læknanema. Félagið var stofnað á félagsfundi Ástráðs
í nóvember 2020. Auglýst var eftir framboðum í stjórn Ástblæs og var
fyrsta stjórn félagsins kynnt í framhaldi af því í febrúar 2021. Stjórn
félagsins skipa þau Ívan Árni Róbertsson, Bríet Jónsdóttir, Snædís
Inga Rúnarsdóttir ásamt undirritaðri, sem gegnir stöðu formanns.
Fyrsta verkefni félagsins var að komast að því hver reynsla
nemenda væri af Læknadeild þegar kæmi að hinsegin mál efnum.
Við sendum því út könnun sem hægt var að svara nafn laust.
Niðurstöður hennar sýndu svart á hvítu að það má ýmislegt bæta.
Nemendur sögðu að það vantaði mikið upp á sýnileika hinsegin
nemenda í Læknadeild og að oft liði hinsegin nemum eins og þeir
væru einir á báti. Auk þess fannst nemendum vanta umræðu og
fræðslu þegar kæmi að hin segin málefnum. Í heildina má segja
að niðurstöður hafi undir strikað að mikil þörf væri á að stofna
hinsegin félag og gátum við sett okkur skýrari markmið eftir að hafa
heyrt frá nemendum.
Sýn félagsins er að öll þau sem stunda nám í læknisfræði við
Háskóla Íslands finni fyrir öryggi og líði vel innan deildar innar,
burtséð frá kynhneigð, kynvitund eða kyn tjáningu. Auk þess viljum
við stuðla að því að hinsegin nemar finni að þau séu velkomin innan
Læknadeildar. Við viljum vera til staðar fyrir hinsegin læknanema
og gefa þeim öruggt rými og stuðning til að koma sínum málefnum
á framfæri og getum einnig verið trúnaðaraðili og milliliður komi
upp erfiðar aðstæður innan Læknadeildar. Það að starfrækt sé
hinsegin félag innan Læknadeildar eykur sýnileika nemenda sem
skil greina sig sem hinsegin og varpar um leið ljósi á $ölbreytileika
fólks innan Læknadeildar.
Annað markmið félagsins er að auka þekkingu læknanema og
þar með verðandi lækna á málefnum hinsegin fólks, þá sérstaklega
innan heilbrigðiskerfisins. Það er mjög mikilvægt að verðandi
læknar hafi innsýn í reynsluheim hinsegin fólks, þekki hugtök
tengd hinseginleika og svo framvegis. Það eru allt of mörg dæmi
þess að hinsegin fólk sem leitar heilbrigðisþjónustu þurfi að byrja á
því að útskýra og í raun fræða heilbrigðisstarfsfólk um hugtök tengd
sinni kynhneigð eða kynvitund. Þetta er hægt að koma í veg fyrir.
Guðrún Anna Halldórsdóttir
Formaður Ástblæs 2020–2021
Aukinni fræðslu fylgir að fyrirfram ákveðnum og oft yfirborðs-
kenndum hugmyndum fólks fækkar, til dæmis um einstaklinga
sem tilheyra ákveðnum hópi. Þannig er hægt að koma í veg fyrir
fordóma. Þess vegna langar okkur að skipuleggja málstofur eða
fræðsluerindi fyrir læknanema, til dæmis um reynslu hinsegin
fólks af heilbrigðiskerfinu, andlega líðan hinsegin fólks og þar fram
eftir götum
Í byrjun árs fórum við í stjórn Ástblæs á fund framkvæmdastjóra
Samtakanna ‘78 og forseta Q-félagsins og var mjög fróðlegt og
skemmti legt að heyra hvað þau höfðu að segja. Því næst skipu-
lögðum við þriggja vikna fræðslu um hinseginleikann á Instagram
reikningi Ástráðs.
Okkur langar á komandi mánuðum að auka samheldni meðal
hinsegin nema með því að skipuleggja viðburð þar sem við getum
komið saman, spjallað um reynslu okkar – eða bara hvað sem er
til að kynnast betur! Ég er mjög spennt fyrir komandi tímum með
þessu nýja félagi. Mig langar að þakka meðlimum í stjórn Ástráðs
fyrir að fá þá frábæru hugmynd að stofna hinsegin félag og hrinda
henni í framkvæmd – og stjórn Ástblæs fyrir ótrúlega skemmtilega
fundi og vel unnin störf.