Bergmál - 01.05.1955, Blaðsíða 66

Hitt og þetta
BAKSÍÐUMYNDIN.
Aítan á þessu hefti er enska leik-
konan Joan Greenwood. Hún er mjög
vel þekkt í leikhúsum Lundúna, en
jafnframt hefir hún leikið í kvikmynd-
um og nú nýskeð var sýnd í Reykjavík
kvikmyndin „The Importance of being
Earnest", eftir samnefndu leikriti
Oscars Wilde, en þar lék Joan Green-
wood eitt aðal-hlutverkið.
Þessi mynd hér er tekin af henni, er
hún lék Peter Pan, í jólaleikriti eftir
J. M. Barrie, sem naut gífurlegra vin-
sælda og fékk allsstaðar góða dóma.
Joan Greenwood segist vera afskap-
lega þæg og góð við blaðamennina
þegar þeir biðja um samtal við hana,
um daginn tók hún til dæmis á móti
nokkrum blaðamönnum heima hjá sér
sem spurðu hana hvað hún ætlaði að
gera um páskana, og hún sagði þeim
strax hreinskilnislega að hún ætlaði
að sofa mikið og borða mikið líka.
Og svo sagði hún þeim í óspurðum
fréttum, að hún væri að fá sér tígris-
dýrshvolp og hann yrði blaðafulltrúi
sinn framvegis, Þeir gætu svo hvenær
sem væri spurt eftir Oom Pom Tin,
því að hvolpurinn ætti að heita það.
SKRÍTLUR.
Kennarinn var að reyna að útskýra
fyrir nemendunum hvað ekkjumaður
væri.
„Hvað munduð þið nefna mann, sem
misst hefði konuna sína skyndilega?"
spurði hann.
Einn drengjanna rétti upp hendina.
„Ég myndi kalla hann bölvaðan
trassa."
★
Tveir piparsveinar lentu í heitum
umræðum út af bók nokkurri. Að
lokum sagði annar þeirra, sem sjálíur
var rithöfundur: „Nei, John, þú
kannt ekki að meta bókina. Þú hefir
aldrei skrifað bók sjálfur."
„Nei, veit ég vel,“ svaraði John, „ég
hefi heldur aldrei verpt eggi, og þó
hefi ég betra vit á eggjakökum en
nokkur hæna.“
ATHUGASEMD.
í aprílhefti Bergmáls var skopþáttur, sem heitir Gestabókin. Á einum stað í
þeim þætti var vísupartur, sem átti að vera þannig:
„Heimabakaðar Hansenkökur, lostæti mesta,
hafa jafnan laðað að, fjölda gesta."
64