Goðasteinn - 01.09.2022, Blaðsíða 124

122
Goðasteinn 2022
Þann 30. mars var haldin hátíð þar sem upphafi framkvæmda á skólasvæði
á Hellu var fagnað.
Í frétt sem birtist í fréttabréfi Rangárþings ytra og á vef sveitarfélagsins kom
eftirfarandi fram:
„Það var gleði og eftirvænting í lofti á Hellu meðal nemenda og starfsmanna
leik- tónlistar- og grunnskólans í morgun þegar efnt var til sérstakrar skólahá-
tíðar í tilefni af upphafi framkvæmda við uppbyggingu skólasvæðisins. Fjöldi
íbúa tók einnig þátt í þessari stuttu en afar skemmtilegu athöfn með nemendum
og starfsfólki skólanna en í kjölfarið hefur verið opnuð kynning á verkefninu
á efri hæð Íþróttahússins fyrir alla áhugasama. Sú kynning mun standa fram á
vorið og eru allir velkomnir.
Björk Grétarsdóttir oddviti og stjórnarformaður Odda bs flutti stutt ávarp
og Birgir Teitsson og Eyrún Margrét Stefánsdóttir arkítektar kynntu verkefn-
ið. Þá undirrituðu Ágúst Sigurðsson sveitarstjóri og Ólafur Einarsson forstjóri
Þjótanda ehf verksamning fyrir 1. áfanga uppbyggingarinnar sem er einmitt
að hefjast í dag. Þá fluttu nemendur úr leik-, grunn- og tónlistarskóla tvö lög
úr Ávaxtakörfunni við frábærar undirtektir viðstaddra. Kennarar úr Tónlistar-
skóla Rangæinga sáu um glæsilegan undirleik. Þetta var sannarlega hápunktur
hátíðarinnar. Að lokum mynduðu allir viðstaddir stóran hring og framkölluðu
táknræna og minnisstæða kraftbylgju sem þær Björk Grétarsdóttir og Margrét
Harpa Guðsteinsdóttir sveitarstjórnarfulltrúar leiddu. Bylgjan endaði síðan hjá
Ólafi Einarssyni verktaka og Tómasi Hauki Tómassyni forstöðumanni eigna-
og framkvæmda sem ætla sér að nýta kraft bylgjunnar til að hefja framkvæmd-
ir með farsælum og aflmiklum hætti.“
Framkvæmdir við 1. áfanga eru komnar vel á veg og verið að vinna að út-
boði 2. áfanga.
Ef litið er til sögunnar, þá eru skólabyggingar mikil langtímafjárfesting og
þurfa að miðast við að geta sinnt hlutverki sínu í jafnvel eina öld. Elsti hluti
grunnskólans á Hellu var byggður á árunum 1959–1963 og með góðu viðhaldi
þá verður hann að öllum líkindum enn í notkun árið 2060. Það þarf því að
vanda það sem lengi á að standa. Mikilvægast af öllu er að sú skólaaðstaða sem
byggð er upp þjóni tilgangi sínum – nemendum, kennurum og öðru starfsfólki
líði vel og njóti sín og nái árangri við nám, störf og leik. Þá er mikilvægt að
skólabyggingar séu hagkvæmar í byggingu og rekstri og séu staðarprýði. Það
eru því miklar væntingar til þessa mikilvæga verkefnis en vandaður undirbún-
ingur bendir til að þetta eigi að geta heppnast vel.
Framkvæmdastjóri eigna- og framkvæmdasviðs hefur yfirumsjón með verk-
efninu.