Bókatíðindi - 01.11.2024, Page 12

Barnabækur
SKÁLDVERK
SVK
Ég og Milla
Allt í köku
Höf: Anne Sofie Hammer
Myndir: Sofie Lind Mesterton
Milla og Milla eru bestu vinkonur sem heita ekki
aðeins sama nafni heldur eru jafn góðar í að finna
upp á einhverju sniðugu . Þess vegna fjallar þessi bók
um allt í senn, undarlegar kökur, óperur, gerviaugu,
Línu kennara, Bassa hund, Jónas stóra bróður og
heimsins fullkomnasta prump! Bráðskemmtileg og
lifandi saga með stóru letri og fyndnum myndum .
168 bls .
Forlagið - Vaka-Helgafell
KIL RAF HLB
Amma slær í gegn
Höf: Gunnar Helgason
Listakonan amma Köben slær í gegn og vill bjóða
allri fjölskyldunni í heimsókn . Hljómar vel, hvað
gæti klikkað? Tvíburarnir kunna þó ekki á kopp
(Stella verður að redda því eins og öðru) og svo
er nýi danski kærasti ömmu full-fáklæddur fyrir
þeirra smekk . Þessi bók ætti eiginlega að heita
Amma Köben og mesta rugl í heimi!
165 bls .
Forlagið - Mál og menning
IB
Bannað að vekja Grýlu
Höf: Hjalti Halldórsson
Myndh: Magnús Dagur Sævarsson
Fjör á hrekkjavöku! Jólasveinarnir hafa verið ósköp
prúðir síðustu áratugina . En þegar Stekkjastaur fréttir
af hrekkjavökunni rifjast upp fyrir honum hvað þeir
bræður voru áður miklir hrekkjalómar . Ó, þvílíkt fjör
hjá þeim . . . en bæjarbúar eru ekki eins ánægðir . . .
54 bls .
Bókabeitan
IB
Baukað og brallað í Skollavík
Höf: Guðlaug Jónsdóttir
Myndh: Hlíf Una Bárudóttir
Í Skollavík situr enginn aðgerðalaus, þar er
nóg að gera þótt engir vegir liggi þangað og
símasamband náist aðeins á einum hól . Nú
hefst allskonar bauk og brall - stíflugerð í ánni,
sandkastalasmíð og vegalagning í fjörunni .
178 bls .
Bókafélagið
KIL
Binna B Bjarna: Besta hlutverkið
Höf: Sally Rippen
Í þessari bók er bekkurinn á leið í dýragarðinn . Binna
er umsjónarmaður og reynir að halda röð og reglu .
Eru ekki örugglega allir að hlusta á hana? Bækurnar
um Binnu B henta vel fyrir yngstu lesendurna .
44 bls .
Rósakot
KIL
Binna B Bjarna: Safnar peningum
Höf: Sally Rippen
Í þessari bók langar Binnu mikið í bangsakanínu
en hún á ekki næga peninga . Hún fær sér
ýmsa aukavinnu og sem betur fer hjálpar
Jónsi vinur hennar til . Bækurnar um Binnu
B henta vel fyrir yngstu lesendurna .
44 bls .
Rósakot
IB
Dagbók Kidda klaufa 18
Ekkert mál
Höf: Jeff Kinney
Þýð: Helgi Jónsson
Hér er komin 18 . bókin í þessum vinsælasta
bókaflokki heims . Skólagangan hjá Kidda klaufa
hefur ekki alltaf verið dans á rósum . Hann er því
ekkert of órólegur þegar fréttist að eigi að loka
skólanum vegna skemmda, en brátt fara að renna
tvær grímur á Kidda . Íslenskar þýðingar Helga
Jónssonar á Kidda klaufa eru margverðlaunaðar .
224 bls .
Sögur útgáfa
IB
Dótarímur
Höf: Þórarinn Eldjárn
Myndh: Þórarinn Már Baldursson
Nýr rímnaflokkur handa börnum á öllum aldri .
Rímurnar eru tíu talsins, hver og ein snýst um
tiltekið dót eða leikföng . Þar gengur á ýmsu og
flest reynist dótið frekar misheppnað . Allt þar til
kemur að níundu rímu sem fjallar um bækur . Í
beinu framhaldi kemur tíunda og síðasta ríman
en þar birtist loks besta dót sem við eigum .
70 bls .
Gullbringa ehf.
IB
Dýrabær
Höf: Huginn Þór Grétarsson og George Orwell
Huginn endursegir Animal farm eftir George
Orwell á 74 myndskreyttum blaðsíðum . Verkið
á brýnt erindi í dag þar sem lýðræði á víða undir
högg að sækja og valdhafar ríghalda í völd sín og
nota til eigin hagsbóta . Mannréttindi eru fótum
troðin, líka hér á Íslandi, og þeir sem brjóta á
réttindum lítilmagnans eru varðir af kerfinu .
78 bls .
Óðinsauga útgáfa
B Ó K A T Í Ð I N D I 2 0 2 4 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa12
Barnabækur SK ÁLDVERK
Skáldverk