Ársrit Skógræktarfélags Íslands - 15.12.1990, Blaðsíða 9

Skógræktarstjórar Norðurlanda á SNS-fundi í Holstebro, Danmörku, 14. okt. 1986. Frá vinstri: fremri röð: Sigurður
Blöndal, íslandi, Hakon Frölund, Danmörku. Aftari röð: Jaakko Piironen, Finnlandi, Bo S. Hedström, Svíþjóð,
OlufAalde, Noregi. Mynd: Jens Bach.
Suðurlandi er líka gleðilegt dæmi um gott rann-
sókna- og þróunarverkefni. Eg er sannfærður
um, að þar eru miklir möguleikar. Raunar var
áformað í Mosfellsáætluninni 1988 að rækta
alaskaösp sem eina af þremur aðaltrjátegundun-
um.
Að því er varðar erlend samskipti skógrækt-
armanna hér á landi þá ber að geta þess að Hákon
Bjarnason á þar drjúgan skerf og þar er reyndar
eitt af hans stóru framlögum til íslenskrar skóg-
ræktar. Hann hélt alltaf uppi góðu samstarfi við
erlenda skógræktarmenn og af miklum dugnaði,
ekki síst við fræöflun. Og á því hefur skógræktin
á íslandi byggt til þessa dags.
Snemma á síðasta áratug urðu Islendingar
virkir aðilar í SNS, sem er samstarfsnefnd um
norrænar skógræktarrannsóknir. Við höfum
tekið þar þátt í vinnuhópum og komist inn í sam-
norræn rannsóknarverkefni.
Skógræktarfélag Islands gerðist aðili að NSU
(sem er samband skógræktaraðiija á Norður-
löndum) árið 1976 og þar hefur samstarfi verið
haldið uppi síðan. Loks má geta þess að nýlega
höfum við tekið upp formlega samvinnu við Kan-
ada um rannsóknaverkefni ásamt Landgræðsl-
unni“.
UM FRAMTÍÐARSÝN?
„Núna blasir við að skógrækt er vaxandi þáttur
í ræktun landsins - og skjólbeltarækt mun aukast
til muna. Hún mun síðan ryðja brautina fyrir
skógrækt í stærri stíl. Eg sé fyrir mér Suðurlands-
sléttuna þéttriðna skjólbeltaneti. Ég óska þess að
hin almenna landgræðslu- og verndarskógrækt
ARSRIT SKÓGRÆKTARFÉLAGS ÍSLANDS 1990
7