Ársrit Skógræktarfélags Íslands - 15.12.1990, Qupperneq 85

HULDA VALTÝSDÓTTIR
Átak um landgræðsluskóga 1990
Eins og öllum er kunnugt var ákveðiö fyrir
tveimur árum á aðalfundi Skógræktarfélags
íslands að standa að sérstöku átaki í tilefni 60 ára
afmælis félagsins 1990 sem telja mætti óbeint
framhald „Árs trésins" 1980 sem félagið stóð að á
50 ára afmælinu.
Til samstarfs við skógræktarfélögin gengu
Skógrækt ríkisins, Landgræðslan og Landbúnað-
arráðuneytið. Það samstarf hefur verið svo gott
að ekki verður á betra kosið.
Undirbúningsstarfinu miðaði vel áfram - skip-
aðar voru framkvæmdanefnd, fagnefnd og fræðslu-
Skógrœktarfélag Garðabœjar setti upp fallegt skilti á
Smalaholti, þar sem plöntun Landgrœðsluskóga hófst.
Mynd: Sig. Blöndal, 10-05-90.
nefnd. Ráðinn var starfsmaður til að annast fjár-
öflun og kynningu. Strax í upphafi var ákveðið
það markmið að gróðursetja allt að eina og hálfa
milljón plantna umfram það sem gróðursett er ár
hvert. Landgræðsluskógar skyldu þessir skógar
heita og markmiðið að endurheimta íslenska
birkiskóginn og gera íslenskt gróðurríki fjöl-
breyttara og sterkara en það áður var. Hann
skyldi rækta á lítt eða hálfgrónu landi og þannig
að gróðursetningu staðið, að sameinaðar væru
aðferðir landgræðslu- og skógræktarmanna.
Hér var færst mikið í fang - menn völdu ekki
auðveldustu leiðina, allir vissu að verkel'nið yrði
vandasamt og það hlaut að vera afar mikilsvert
fyrir framtíð skógræktar á Islandi að vel tækist til.
Átakið átti að bæta við einni varnaraðferð til
þess að hægt væri að stöðva uppblástur á íslandi -
og staðfesta að hægt væri að auka flatarmál skógi-
vaxinna svæða með þessum hætti. Og loks áttu
framkvæmdir að sýna að fagmannlega hefði verið
staðið að verki.
Enginn í röðum skógræktarmanna gekk til
þessa verks með hálfum hug. Ábyrgðin var mikil
en allir voru staðráðnir í því að gera sitt besta.
Það var veganestið. Þetta átak var tvímælalaust
eitt stærsta verkefni sem áhugamannafélög hafa
tekist á hendur hér á landi.
Undirtektir almennings voru ótrúlega góðar.
Valdir voru reitir innan girðinga á 74 stöðum víðs
vegar um land og samkvæmt skýrslum, sem borist
hafa, var varla nokkurs staðar skortur á sjálf-
boðaliðum til starfa. Þeir skipta þúsundum sem
lagt hafa hönd á plóginn skráðir um 8 þúsund
ÁRSRIT SKÓGRÆKTARFÉLAGS ÍSLANDS 1990
83