Skógræktarritið - 15.10.2000, Síða 129

MINNING
Guðmundur H. Jónsson
F. 1. ágúst 1923 • d. 22. nóv. 1999
Guðmundur H. Jónsson, fyrrv. forstjóri BYKO og
Fljótalax fæddist á Neðra-Haganesi en ólst upp á
Móskógum og Molastöðum í Fljótum. Foreldrar
hans voru Jón Guðmundsson bóndi og síðar bókari
hjá BYKO, f. 3. 9. 1900 d. 30. 1. 1988, og Helga Guð-
rún Jósefsdóttir húsfrú, f. 12. 7. 1901 og d. 22. 5.
1971. Guðmundur ólst upp íþrettán systkina hópi.
Þann 15. febr. 1947 kvæntist Guðmundur fyrri
konu sinni, Önnu Bjarnadóttur frá Öndverðarnesi í
Grímsnesi.
Guðmundur og Anna eignuðust 5 börn sem öll
eru myndar-og dugnaðarfólk.
Seinni kona Guðmundar er Helga Henrýsdóttir.
Snemma varð Guðmundur athafnasamur, 11 ára
hóf hann störf hjá Kaupfélagi Haganesvíkur, auk bú-
starfa heima hjá sér. Guðmundur fór hefðbundna
skólagöngu þeirra tíma en með harðfylgi lauk hann
námi við Samvinnuskólann í Reykjavík sem vafa-
laust varð honum gott veganesti í þann starfsvett-
vang sem hann valdi sér. Eftir lokapróf frá Sam-
vinnuskólanum hóf hann störf hjá samvinnuhreyf-
ingunni og lengst af þar við Byggingavörudeiid
Sambandsins eða þar til að hann stofnaði fyrirtækið
Byggingavöruverslun Kópavogs (BYKO) ásamt mági
sfnum, Hjalta Bjarnasyni. BYKO var ekki stórt í snið-
um í upphafi, aðeins lítill skúr við Kársnesbrautina í
Kópavogi, en fyrirtækið óx og dafnaði í höndum
þessara útsjónarsömu manna.
Guðmundur átti mörg áhugamál. Hann hafði góða
söngrödd og söng með Tígulkvartettinum og einnig í
Þjóðleikhúskórnum og með karlakórnum Fóstbræðr-
um í mörg ár. Hann starfaði í Lionshreyfingunni en
ræktun lands og þá helst skógræktin var hans
stærsta áhugamál og má sjá verk hans á þeim
grunni bæði hér í landi Kópavogs og í Skagafirði og
e.t.v. víðar.
Fyrir rúmum 30 árum fékk Guðmundur um 7 ha.
spildu í landi Vatnsenda sem var stórgrýtt holt.
Þarna hóf hann ræktun með konu sinni og börnum.
Fyrst var ræktunin mest kartöflur og rófur sem bæði
var til heimilisnota og selt. En síðar var tekið til að
rækta skóg á þessu svæði með sama dugnaðinum. Á
þessum tíma þótti mönnum þetta rpikil bjartsýni og
sagði Guðmundur undirritaðri margar skemmtilegar
sögur frá úrtölumönnum sem skoðuðu svæðið hjá
honum. En í dag er þarna hinn vöxtulegasti skógur
sem ræktaður var af miklum dugnaði og bjartsýni
sem Guðmundur hafði svo mikið af.
í febrúar árið 1998 færði Guðmundur og fjölskylda
hans Skógræktarfélagi Kópavogs að gjöf þennan reit
sem er um 7 ha. auk húsakosts. Félagið hefur nefnt
þennan reit Guðmundarlund. Þessi höfðinglega gjöf
er mikil Iyftistöng fyrir alla starfsemi félagsins og
fyriralla útivistarunnendur á höfuðborgarsvæðinu.
Guðmundarlundur var ekki eina svæðið sem Guð-
mundur ræktaði, jörð hans á Minna-Grindli f Fljót-
um ber vott um jafnmikla eljusemi. Á Minna-Grindli
er kominn mikill skógur og skjólbelti og þar var hug-
ur Guðmundar bundinn ræktuninni til hinstu stund-
ar þrátt fyrir mikil veikindi.
Guðmundur Halldór Jónsson var einn af stofnend-
um Skógræktarfélags Kópavogs og mikill velunnari
félagsins alla tíð. Guðmundur var gerður að heiðurs-
félaga árið 1998. Áhugi Guðmundar á ræktun lands
og lýðs var mikill. Undirrituð á þessum heiðurs-
manni svo margt að þakka, óbilandi trú og traust á
það sem ég gerði var gott veganesti til að halda
áfram að gera Guðmundarlund að fallegu útivistar-
svæði. Ég er afar þakklát fyrir að hafa kynnst slíkum
heiðursmanni.
Sigríður lóhannsdóttir
SKÓGRÆKTARRITIÐ 2000
125