Skógræktarritið - 15.05.2001, Side 31

Frá opnun sýningarinnar Skógur og skógarmenn á Akureyri. Frá v.: Sigurður Blöndal, Óskar Sigurðsson,
formaður Skógræktarfélags Árnesinga, Magnús [óhannesson, formaður Skógræktarfélags Islands,
Guðni Ágústsson landbúnaðarráðherra og Gísli Gestsson.
Skógur og skógarmenn
Inngangur
Það mun líklega hafa verið fyrir um einu ári að við áttum tal saman Sigurður Blöndal og ég. Vorum þá eins
og endranær að ræða um efni í Skógræktarritið enda oft ærið tilefni til. Sjálfsagt hefur það ekki farið fram hjá
vökulum augum lesenda að Sigurður er okkar helsti burðarás í skrifum ritsins. Virðist hann frekar færast f auk-
ana eftir því sem árin líða og eys þar af sínum ótæmandi viskubrunni og fróðleik og gerir það á svo skemmti-
legan og aðgengilegan hátt að allir hafa bæði gagn og gaman af.
En auðvitað vorum við ekki að ræða um þetta, heldur barst aðalfundur Skógræktarfélags íslands í tal sem þá
hafði verið ákveðið að halda á Akureyri. M.a. var fitjað upp á þvf að gaman væri að draga fram í dagsljósið
andrúmsloft fyrri aðalfunda Skógræktarfélags íslands með myndum og texta. Hugmyndin blundaði með okkur
fram á vor og var borin undir stjórn félagsins þar sem hún fékk góðar undirtektir.
Þegar fundur félagsins á Akureyri nálgaðist sl. sumar ráðfærðum við okkur við Gísla Gestsson f Ljósmyndavör-
um sem hefur áratuga reynslu af ljósmyndun og kvikmyndagerð og hefur reynst mikill velgjörðamaður
skógræktarmálefnisins.
Niðurstaðan varð í stuttu máli að til varð tvfþætt sýning: ljósmynda Sigurðar Blöndals frá fyrri aðalfundum
félagsins og hins vegar myndir Gísla Gestssonar og C.E. Flensborgs frá Hallormsstað. Sýningin var sett upp á
aðalfundi félagsins á Akureyri f ágúst sl. Ljósmyndavörur ehf. kostaði uppsetningu sýningarinnar, stækkanir og
myndvinnslu og víst er að án þess velvilja hefði sýningin ekki orðið að veruleika. Sýningin vakti mikla athygli
fundarmanna og því fannst ritstjóra Skógræktarritsins við hæfi að gefa lesendum kost á að sjá smásýnishorn af
myndum, sem prýddu afmælisfund félagsins.
R itstjóri