Skógræktarritið - 15.10.2014, Page 84

SKÓGRÆKTARRITIÐ 201482
Skógræktarfélag Íslands hélt 79. aðalfund sinn á
Akranesi dagana 15. – 17. ágúst 2014 og mættu vel á
annað hundrað fulltrúar skógræktarfélaga alls staðar
af landinu á fundinn. Skógræktarfélag Akraness, í
samstarfi við Skógræktarfélag Skilmannahrepps, var
gestgjafi fundarins. Fundarstjórar voru Bjarni O.V.
Þóroddsson, Skógræktarfélagi Skilmannahrepps og
Laufey B. Hannesdóttir, Skógræktarfélagi Borgar-
fjarðar, en fundarritarar voru Ólafur Thoroddsen
og Sigurður Arnarson, báðir frá Skógræktarfélagi
Eyfirðinga.
Föstudagur 15. ágúst
Magnús Gunnarsson, formaður Skógræktarfélags
Íslands, setti fundinn og bauð fundarmenn velkomna.
Hann fór í stuttu máli yfir starfsemi félagsins á því ári
sem liðið er frá síðasta aðalfundi í Garðabæ, helstu
verkefni þess og rekstur félagsins. Einnig minntist
hann félaga og velunnara skógræktarhreyfingarinnar
sem fallið höfðu frá milli funda. Kom Magnús einnig
sérstaklega inn á þær breytingar sem orðið hafa á
upplýsingatækni og miðlun upplýsinga um skógrækt.
Næstur tók til máls Sigurður Ingi Jóhannsson,
umhverfis- og auðlindaráðherra. Kom hann meðal
annars inn á mikilvægi skógræktarfélaga við land-
græðslu og verndum jarðvegs og hvatti skógræktar-
hreyfinguna til að láta í sér heyra í tengslum við
stefnumótun um landsskipulag, sem væri í vinnslu.
Jens B. Baldursson, formaður Skógræktarfélags Akra-
ness, steig því næst í pontu og bauð fundarmenn
velkomna. Sagði hann frá upphafi starfs Skógræktar-
félags Akraness og helstu þáttum starfseminnar.
Næstur tók til máls Jón Loftsson skógræktarstjóri
og fjallaði hann meðal annars um starf Skógræktar
ríkisins, þar á meðal endurkortlagningu birkiskóga,
rannsóknir á Mógilsá og vefsjá um skóga landsins.
Ólafur Adolfsson, formaður bæjarráðs Akraness,
hélt því næst ávarp og fjallaði um hvernig skógrækt
kæmi inn á borð bæjarfulltrúa. Einnig sagðist hann
hafa gengið í Skógræktarfélag Akraness þá um
morguninn og hlaut hann lófatak fundargesta fyrir
þá yfirlýsingu.
Að þessum ávörpum loknum fór Magnús Gunnars-
son stuttlega yfir starfsskýrslu Skógræktarfélags
Íslands, en hún lá frammi á fundinum. Brynjólfur Jóns-
son, framkvæmdastjóri Skógræktarfélags Íslands,
Aðalfundur
Skógræktarfélags Íslands 2014