Tímarit lífeindafræðinga - jul. 2006, Side 7

TÍMARIT LÍFEINDAFRÆÐINGA 2006 / 1. árgangur / 1. tbl. 
Leiðari
Merk tímamót
Tímarit lífeindafræðinga hefur nú
göngu sína og leysir af hólmi Blað
meinatækna. Blað meinatækna kom
síðast út árið 2004, 31. árgangur.
Ekkert blað var gefið út á síðasta ári.
Ný lög um lífeindafræðinga voru sam
þykkt á Alþingi í fyrravor. Á fram
haldsaðalfundi í Meinatæknafélagi
Íslands, 11. júní 2005, samþykktu
fundarmenn hið nýja nafn, lífeinda
fræðingur, og að félagið skyldi heita
Félag lífeindafræðinga.
Síðastliðið haust settust fyrstu líf
eindafræðinemarnir á skólabekk í
Háskóla Íslands. „Loksins,“ segir undir
rituð því henni virtist þetta liggja
beint við fyrir um 25 árum. Betra er
seint en aldrei. Vel hefur farið um
okkur í Tækniháskóla Íslands (THÍ)
en í Háskóla Íslands munum við læra
við hlið þeirra sem við eigum flest
eftir að starfa með.
Full ástæða er til að þakka formanni
okkar, Kristínu Hafsteinsdóttur, hina
nýju skipan. Klókindi hennar og elju
semi áttu mestan þátt í að koma námi
okkar inn í Háskóla Íslands undir nýju
nafni.
Við horfum bjartsýn fram á veginn
en það er líka við hæfi að minnast á
nokkra samferðamenn sem hafa látið
sig varða menntun stéttarinnar. Hin
síunga Bergljót Halldórsdóttir hefur
nú látið af störfum vegna aldurs. Hún
kenndi vökva- og þvagrannsóknir við
Tækniskóla Íslands (TÍ) síðar THÍ í
rúm 20 ár og sl. haust einnig blóð
meinafræði.
Sigríður Claessen féll frá á síðasta
ári. Hún kenndi blóðmeinafræði í
meira en 20 ár við TÍ og síðar THÍ.
Guðmundur M. Jóhannesson læknir
varð bráðkvaddur nú í byrjun júní.
Hann kenndi lífeindafræðingum og
var auk þess hálfgerður heimilislæknir
lífeindafræðinganna á Blóðmeinafræði
deild og Kl. lífefnafræðideild LSH við
Hringbraut. Fyrir nokkrum árum féll
frá Sigurlaug Aðalsteinsdóttir en hún
kenndi líffærameinafræði við TÍ og
síðar THÍ frá árinu 1981 og var lektor
við sama skóla. Skarð þeirra er vand
fyllt og enginn fer í sporin þeirra en
reynum samt.
Með óskum um bjarta framtíð.
Steinunn Oddsdóttir
ritstjóri
Lynghálsi 11 • 110 Reykjavík • Sími 510 0400 • cetus@cetus.is • www.cetus.is