Tíðindi Prestafélags hins forna Hólastiftis - 01.01.1984, Side 76

80
TlÐINDI
Innihald og tilgangur sumarbúðanna var að sjálfsögðu að
auka börnunum þroska, leiða þau í trúariðkun, fræða þau og
kenna þeim. Helgistundir voru kvölds og morgna, að jafnaði
önnur þeirra í Hóladómkirkju en hin í setustofu skólans. Þar
var einnig komið saman eftir hádegi, sungið og lesið. Dag-
skráin var að öðru leyti einnig fjölbreytt. Frjálsar íþróttir og
boltaleikir toku sinn tima, sundkennsla var á morgnanna og
síðar hvern dag var frjáls tími í sundlauginni. Á lítilli tjörn
fyrir ofan staðinn var siglt á prömmum, sem smíðaðir voru af
börnunum sjálfum. Að vísu reyndust þeir valtir og fékk
margur maðurinn kalt bað í tjörninni gegn vilja sínum. Ekki
síst vakti hestamennskan áhuga en starfsmenn skólans höfðu
á hendi kennslu í meðferð hesta. Það sama var um kennslu í
skógrækt að segja. Laxeldisstöðin á Hólum var skoðuð og
sagði Jón skólastjóri, börnunum frá fiskirækt og gildi hennar,
greindi frá loðdýraræktinni og annarri starfsemi á Hólum.
Fyrsta morguninn, sem hver flokkur var á Hólum var farið
í kirkjuna þar sem staðarprestur sýndi kirkjuna sagði sögu
hennar og gaf fyrsta yfirlit yfir kirkjusögu Hólastaðar. í
framhaldi af því var farið í vettvangskönnun. Á dvalartíma
hvers hóps var farið einu sinni upp í Gvendarskál. Þar var að
sjálfsögðu kjörið að segja frá Guðmundi biskupi góða og fleiri
góðum mönnum.
Reynslan af sumarbúðum þessum er ákaflega góð og eru
allir á einu máli um það, sem þeim kynntust, en skagfirskir
prestar voru einn til tvo daga hver við búðlrnar. Börnin voru
flest húnvetnsk og skagfirsk. Það er áhugamál okkar að festa
sumarbúðirnar í sessi og er það trú mín, og miða ég það við
reynsluna, að það gangi best með góðu samstarfi presta og
leikmanna. Svo er um allt safnaðarstarf. Guð gefi því ávöxt.
Hann gefi að verkamennirnir vinni vel og vinni saman á
akrinum, sem þegar er hvítur til uppskeru.