Tíðindi Prestafélags hins forna Hólastiftis - 01.01.1984, Page 118

122
TtÐINDI
Glæsibæjarkirkja 110 ára
Glæsibæjarkirkja var reist á árinu 1866 og sá athafnamað-
urinn og kirkjusmiðurinn, Þorsteinn Daníelsson á Skipalóni,
um smíði hennar. Má það vera til merkis um dugnað og
atorku þessa manns að hann skyldi hafa tvær kirkjur í takinu
samtímis því að Möðruvallakirkju reisti hann og hafði til-
búna til vígslu síðsumars þetta sama ár.
Glæsibæjarkirkja er timburkirkja er stendur á grunni eldri
kirkju sem var torfkirkja, reist 1795. Nokkurn hluta þess efnis
sem Þorsteinn notaði við kirkjusmíðina tók hann úr timbur-
húsi að Ósi í Hörgárdal, sem hann hafði reist nokkrum árum
áður fyrir séra Þórð Jónasen og Margréti fósturdóttur sína.
Séra Þórður, sem þjónaði Möðruvallaklaustri, var þá fluttur
að öðrum bæ í sókninni, Þrastarhóli, og hafði ekki lengur not
fyrir Ósstofuna.
Glæsibæjarkirkja var upphaflega turnlaus en laust fyrir
1930 var settur á hana turn og forkirkja og fékk hún þá þann
ytri bunað sem hún enn hefur. Að öðru leyti er kirkjan óbreytt
frá fyrstu gerð hið ytra sem innra.
Þegar leið að 110 ára afmæli kirkjunnar var ljóst að hún
þarfnaðist mikillar viðgerðar ef hún átti enn að gegna hlut-
verki sínu um ókomin ár. Má líka segja að tímamótanna hafi
fyrst og fremst verið minnst með átaki í viðgerðarmálum.
Mest var gert á árinu 1978 og var kirkjan þá lokuð um nokk-
urra mánaða skeið en athafnir færðar í Möðruvallakirkju.
Viðgerðin var fólgin í því að endurnýja fótstykki á norður- og
vesturhlið kirkjunnar, endurnýja stoðarenda í veggjum og
þverbita undir gólfi þar sem fúa varð vart, svo og að treysta
grunn og endurnýja allar undirstöður undir gólfbitum. Þá var
gólfið einangrað og skipt um klæðningu að hluta auk annarra
smærri lagfæringa á tréverki. Framkvæmd þessi var gerð í