Tíðindi Prestafélags hins forna Hólastiftis - 01.01.1984, Síða 131

PRESTAFÉLAGS HINS FORNA HÓLASTIFTIS
135
Gefendum færum við kærar þakkir fyrir rausn þeirra og
þann hlýhug sem þeir sýna kirkjunni.
Sóknarprestur Garðskirkju er sr. Sigurvin Elíasson á
Skinnastað.
Þórannn Þórarinsson, Vogum,
formaður sóknarnefndar.
Fréttir frá sóknarnefnd
Skinnastaðarkirkju
Kirkjan varð 125 ára 1979. Var fyrirhugað að halda upp á
þau tímamót, en það fórst fyrir sökum slæms tíðarfars.
A undanförnum árum hefur kirkjan verið mikið lagfærð.
Gólf endurbætt og teppalagt. Bekkir lagaðir og bólstraðir með
svampi og áklæði. Veggir málaðir og gömul rósamálning gerð
upp. (Sú málning var upphaflega gerð af Arngrími málara
Gislasyni og fyrir þá sök m.a. mjög merkileg. S. G.).
Rafmagnshitun sett i kirkjuna. Altaristaflan löguð. Kirkjan
máluð að utan. Það verk gerðu frú Elísabet Arnórsdóttir
fyrrum prestfrú á Skinnastað og börn hennar. Gáfu þau
kirkjunni fleiri gjafir, mest peninga. Allar gjafir þeirra frú
Elísabetar og fjölskyldu voru gefnar í minningu um sr. Pál
Þorleifsson en hann hefði orðið áttræður á árinu 1978. Sr. Páll
var prestur á Skinnastað í 40 ár og prófastur í Norður-Þing-
eyjarprófastsdæmi i nokkur ár.
Margar fleiri gjafir hafa kirkjunni borist bæði frá einstakl-
ingum og félögum. En ekki verður það talið allt upp hér þó
maklegt væri. Sunnudaginn 5. ágúst 1979 færði Drengja-
heimilið á Astjörn Skinnastaðarkirkju biblíu að gjöf. Lét for-
stöðumaðurinn Bogi Pétursson drengina hlaupa boðhlaup frá
Astjörn til Skinnastaðar um 5 km leið. Var biblían síðan