Tíðindi Prestafélags hins forna Hólastiftis - 01.01.1984, Page 133
PRESTAFÉLAGS HINS FORNA HÖLASTIFTIS
137
Ekki hafa verið gerðar miklar endurbætur á kirkjunni síðan
hún var aldargömul árið 1948. Þá var hún tekin til gagn-
gerðrar viðgerðar. Málningu hefur verið haldið við og annað
smálegt og fyrir nokkru voru bekkir stoppaðir og yfirklæddir
ásamt gráðum.
Á umræddu tímabili hafa engir merkisatburðir átt sér stað
í safnaðarlífinu nema þá alltíð prestaskipti. Hefi ég þegar
getið sr. Páls, sem byrjaði prestsþjónustu hér með öldinni.
Eftir brottför hans frá Svalbarði, var Svalbarð lagt niður sem
prestsetur, en þjónað frá Raufarhöfn í fyrstu en nú frá
Sauðanesi.
Að sr. Páli látnum tók sr. Þórður Oddgeirsson á Sauðanesi
við okkur Þislum, næst sr. Hólmgrímur Jósefsson, þá sr.
Kristján Bjarnason, svo sr. Kristján Róbertsson sem sat
Raufarhöfn um stundarsakir. Þá sr. Ingimar Ingimarsson
fyrst á Raufarhöfn síðan á Sauðanesi. Og á eftir honum sr.
Marinó Kristinsson og þegar hann hætti störfum kom sr.
Kristján Valur Ingólfsson á Raufarhöfn, þá um stund sr.
Guðmundur Örn Ragnarsson og þjónar hann okkur nú. En í
millitíðinni sr. Ingimar Ingimarsson í rúm tvö ár. Á Sauðanesi
situr nú enginn prestur.
Að siðustu nokkur orð um safnaðarlífið. Þar tel ég fyrst og
fremst athyglivert að nefna kirkjukórinn. Hann er sveitinni til
sóma og á það fólk sem að honum stendur miklar þakkir
skildar fyrir allt það starf. Nefni ég hér aðeins nafn söngstjór-
ans Þórarins Kristjánssonar í Holti, sem hefur æft og stjórnað
kórnum um áratugi og oft fengið hingað færustu leiðbein-
endur sem hafa glætt áhugann og vafalaust listina.
í haust eða 4. sept. var héraðsfundur Þingeyjarprófasts-
dæmis settur hér í kirkjunni. Guðsþjónustan var fjölmenn. Sr.
Kristján Róbertsson predikaði og nefndi hann það að fyrst
hefði hann predikað í Svalbarðskirkju er hann hóf feril sinn
sem prestur. Sjö prestar voru viðstaddir og safnaðarfulltrúar
úr flestum sóknum prófastsdæmisins. Prófasturinn sr. Sig-
urður Guðmundsson vígslubiskup flutti yfirlitserindi sitt í