Helgarpósturinn - 12.05.1988, Blaðsíða 22
UM HELGINA
BÍÓ
O úff ★ sæmileg ★★ góð ★★★ ágæt ★★★★!
Regnboginn Siðasti keisarinn (The Last Emperor) ★★★★ Hættuleg kynni (Fatal Attraction) ★★★ Brennandi hjörtu (Flamberede hjerter) ★★ Hentu mömmu af lestinni (Throw Momma from the Train) ★★ Banatilræði (Assassination) ★ Gættu þin kona (Lady Beware) ★
Bíóhöllin Spaceball ★★★ Þrir menn og bam (Three Men and a Baby) ★★ Nútímastefnumót (Can't Buy Me Love) ★ Hættuleg fegurð (Fatal Beauty) ★
Bíóborgin Fullt tungl (Moonstruck) ★★ Wall Street ★★ Sjónvarpsfréttir (Broadcast News) ★★
Stjörnubíó lllur grunur (Suspect) ★★ Skólastjórinn (The Principal) ★
Laugarásbíó Hróp á frelsi (Cry Freedom) ★★★★ Rosary-morðin (The Rosary Murders) ★★
Nú er leikáriö langt komið og fyrir
þá sem ekki hafa drifið sig í leikhúsið
í vetur fara að verða siðustu forvöð.
Á sunnudags- og þriðjudagskvöldið
sýnir Gránufjelagið í allra allra allra
síðasta sinn Endatafl eftir Samuel
Beckett. Verkið er sýnt á Laugavegi
32b og hefjast sýningar klukkan
21.00. Þettaerrómuðsýningogættu
menn ekki að láta hana fram hjá sér
fara.
í Þjóðleikhúsinu verða sýningar á
Lygaranum og Vesalingunum um
helgina. Fyrrnenfnda sýningin er
sýnd fimmtudags- og laugardags-
kvöld kl. 20 og eru það 8da og 9da
sýning á verkinu. Verk þetta er eftir
ítalann Goldoni sem er einn þekkt-
asti gamanleikjahöfundur ítala fyrr
og síöar. Verkið fjallar um flagarann
og lygarann Lelio, leikinn af Sigurði
Sigurjónssyni, sem er sífellt að fá
það sem hann kallar snjallar hug-
dettur en aðrir kalla hreinræktaðar
lygar. Enda þýðir þetta endalausan
misskilning og uppákomur sem
reyndar eru flestar fyrirsjáanlegar.
Ekki þarf að rekja mikið efnisþráð
Vesalinganna sem eru á góðri leið
með að verða vinsælustu fátækling-
ar á islensku leiksviði. Sýningar
verða á Vesalingunum föstudags- og
sunnudagskvöld og hefjast klukkan
20.00. Aðeins eru tíu sýningar eftir á
verkinu og það er futlkomlega Ijóst
að það verður ekki tekið upp á næsta
hausti. „it's now or never". Það er
Egill Olafsson sem syngur stærsta
hlutverkið í þessum söngleik en af
öðrum má nefna Jóhann Sigurðar-
son, Sigrúnu Waage, Sigurð Sigur-
jónsson, Lilju Þórisdóttur, Ragn-
heiði Steindórsdóttur og Sverri
Guðjónsson auk margra annarra.
Hjá Leikfélagi Reykjavíkur standa
nú sem hæst sýningar á Hamlet eftir
Shakespeare. Þetta er rómaðasta
sýning leikársins, að öllum öðrum
góðum ólöstuðum, aðstandendur,
einkum þeir Kjartan Ragnarsson
leikstjóri og Grétar Reynisson sem
gerði leikmynd, hafa unnið geysilega
vel saman og skapað verulega eftir-
minnilega uppfærslu. Það er Þröstur
Leó Gunnarsson sem fer með hið
erfiða hlutverk Hamlets en aðrir leik-
arar í stórum hlutverkum eru Sig-
urður Karlsson og Guðrún Ás-
mundsdóttir sem leika stjúpföður
hans og móður (alvöru alltsvo),
Steindór Hjörleifsson og Sigrún
Edda Björnsdóttir sem leika feðgin-
in Pólóníus og Ófelíu. Næstu sýn-
ingar á verkinu eru á föstudagskvöld
og þriðjudagskvöld og hefjast
klukkan 20.00. En þó Hamlet sé stutt
kominn, sýningafjöldi rétt að fylla
tuginn, er ekki svo með aðrar sýning-
ar hjá LR. Aðeins eru 5 sýningar eftir
á Djöflaeyjunni, leikgerð Kjartans á
skáldsögum Einars Kárasonar, Þar
sem djöflaeyjan rís og Gulleyjunni.
Verkið verður sýnt næst sunnudag-
inn 15/5 í Leikskemmu LR við Meist-
aravelli. Það eru sömuleiðis fáar sýn-
ingar eftir á söngleiknum Síldin er
komin, sem m.a. státar af tónlist eft-
ir Valgeir Guðjónsson. Aðeins eru
12 sýningar eftir og sýnt er nú um
helgina, bæði fimmtudags- og laug-
ardagskvöld, klukkan 20.00.
Fleiri sýningar eru að sigla inn í
síðasta viðlagið. Þar má meðal ann-
arra nefna Don Giovanni i íslensku
óperunni. Aðeins eru tvær sýningar
eftir, föstudags- og laugardags-
kvöld, klukkan 20.00. Það er svo
sannarlega sjón að sjá Don Gio á
sviðinu með hvítan fjaðrahatt á
höfði leggja meyjar að fótum sér.
Leikstjóri þessarar sýningar er Þór-
hildur Þorleifsdóttir, kvennalista-
kona auk þess að vera leikstjóri.
Söngurinn er allur mjög góður en
leikurinn minnir á Bildudals grænar
baunir.
Hér er þó sýning sem alltaf gengur
jafnvel og hefur að því er fréttist allt-
af jafnþakkláta áhorfendur. Þetta er
sýning Leikfélags Hafnarfjarðar á
Emil í Kattholti. Það kannast allir
krakkar við ævintýri og uppátæki
þessa þokkapilts, sem er sá ódælasti
í samanlagðri sænsku bókmennta-
sögunni. Sýningar eru á fimmtudag-
inn, laugardaginn og sunnudaginn
og uppselt á þær allar. Vonandi
verða fleiri.
Nýjasta leikverkið í borginni er
sýnt á Hótel islandi og er þar á ferð
Gríniðjan með leikinn NÖRD. Þetta á
að heita grínleikur, er það án efa,
hvernig gæti annað veriö. Laddi og
allt. Hann býr örugglega til nýja
persónu. Fullt af kjaftstóru fólki meö
gervitennur og -góma og hvað
þetta allt saman heitir. Næstu sýn-
ingar eru fimmtu-, sunnu- og mánu-
dagskvöld og hefjast allar klukkan
21.00. Fólki er bent á að því er ekki
hleypt inn eftir að sýning er hafin,
jafnvel þó svo það sé með miða.
Ennfremur er rétt að taka fram að
um þessar mundir stendur yfir mál-
verkasýning á Hótel íslandi, þó ekki
sé vitað hvort hún er í tengslum við
leikritið. Það er Ásta Eyvindardóttir
sem sýnir verk sín á hótelinu, en
þetta er sama sýningin og hékk uppi
í Hafnargalleríi fyrir skemmstu. Þeir
sem misstu af henni þar eiga þvi
kost á að sjá hana á öðrum staö.
Norður yfir heiðar. Leikfélag
Akureyrar hefur að undanförnu sýnt
Fiðlarann á þakinu í leikstjórn Stef-
áns Baldurssonar. Næstu sýningar
verða fimmtudags-, föstudags- og
laugardagskvöld kl. 20.30. og á
sunnudaginn kl. 16.00. Leikritiðsegir
frá gyðingnum Tevje sem býr í litlu
þorpi i Rússlandi, gleði hans og sorg-
um, sambúð gyðinganna og Rúss-
anna, frá því hvernig honum gengur
að koma dætrum sínum í hendur
almennilegra manna og síðast en
ekki síst frá eintölum hans við Guð,
sem eru hin kostulegustu. Það er
Theódór Júlíusson sem fer með
hlutverk Tevje.
Myndlistin. Og höldum okkur við
Akureyri áfram. í Gallerí Gluggan-
um sýnir um þessar mundir Einar
Hákonarson og að venju er hann
með málverk, væntanlega risastór
ef sýning þessi er í sama anda og sú
sem hann setti upp á Kjarvalsstöð-
um fyrir nokkru. Einar sýnir verk sem
hann hefur unnið á þremur síðstliön-
um árum og stendur sýningin til
sunnudagsins 15. mai.
í FÍM-salnum v/Garðastræti sýnir
um þessar mundir Margrét Reyk-
dal. Hún sýnir 15 olíumálverk, flest-
öll ný. Þetta er 6ta einkasýning
Margrétar í Reykjavík en hún hefur
undanfarin ár búið í Noregi og stund-
aði þar nám. FÍM-salurinn er opinn
frá 14—19 alla daga og sýning
Margrétar stendur til 22. maí.
Á Kjarvalsstöðum verður á
sunnudaginn opnuð sýning á verk-
um ítalskra barna. Sýningin ber yfir-
skriftina Börn hafa hundrað mál og
í tengslum við sýninguna heldur
Sviinn Karin Wallin fyrirlestra með
sömu yfirskrift. Sá fyrri er í Norræna
húsinu á sunnudaginn kl. 17.00 og er
ætlaður kennurum og uppeldisstétt-
um. Sá siðari verður á Kjarvalsstöð-
um degi síðar, mánudaginn, kl. 20.00
og er hann almennur sá fyrirlestur,
fjallar um sýninguna og hugmynda-
fræði hennar, ætlaður foreldrum og
áhugafólki. Karin flytur fyrirlestrana
á sænsku.
í Gallerí Svörtu á hvitu sýnir Karl
Kvaran og í Gallerí Grjóti er það Örn
Þorsteinsson. í Norræna húsinu sýn-
ir einn fremsti málari Finna i gegnum
tíðina. Akseli Gallen Kallela heitir
sá. Þarna er hins vegar ekki verið að
kynna málverk þessa manns, heldur
eru til sýnis myndskreytingar hans
við Kalevala-kvæðin, sem eru
þjóðararfur Finna, á svipaðan hátt
og íslendingasögurnar fýrir Islend-
inga. Þetta eru myndskreytingar
sem hann gerði síðustu ár ævi sinn-
ar. Og i Galleri Borg sýnir Sigurður
K. Árnason, opnar í dag þann 12., og
stendur sýningin til 24. maí. Sigurð-
ur er landslagsmálari af gamla skól-
anum og sýnir olíu- og pastelmyndir.
Síðustu áskriftartónleikar Sin-
fóníuhljómsveitar íslands verða
haldnir í kvöld, fimmtudagskvöld, í
Háskólabíói að venju. Flutt verður
verkið Missa Solemnis eftir
Beethoven. Tónleikarnir eru sem-
sagt helgaðir einu verki og auk
hljómsveitarinnar taka þátt í flutn-
ingi þess fjórir einsöngvarar, Ólöf
Kolbrún Harðardóttir, Sigríður Ella
Magnúsdóttir, Viöar Gunnarsson
og þýski tenórinn Albert Kraus. 95
manna kór tekur þátt i flutningnum
og er hann samsettur af kór Lang-
holtskirkju og Mótettukór Hall-
grímskirkju. Kórstjórar eru þeir Jón
Stefánsson og Hörður Áskelsson.
Aðalstjórnandi tónleikanna verður
hins vegar þjóðverjinn Reinhard
Schwarz, en á hausti komanda mun
hann taka við starfi sem aðaltónlist-
arstjóri Ríkisleikhússins í Múnchen.
Schwarz þessi er virtur hljómsveit-
arstjóri, hefur stjórnað víða um
Evrópu, unnið með mönnum eins og
Herbert von Karajan og Franco
Ferrara og leiðir um þessar mundir
námsbraut í hljómsveitarstjórn við
Tónlistarháskóla Vinarborgar. Missa
Solemnis er stærsta og viðamesta
verk Beethovens, flutt hérlendis síð-
ast árið 1970, og tók það tónskáldið
um þrjú ár að Ijúka því. Sjálfur á
Beethoven að hafa sagt að verkið
væri fullkomnasta verk sitt.
Örn með einn af álskúlptúrunum stnum. Þennan kallar hann Trjónu.
FURÐUVEROLD
FÍGÚRANNA
Skodunarferö meö Erni Porsteinssyni um
sýningu hans í Gallerí Grjóti
Um þessar mundir sýnir Örn
Þorsteinsson skúlptúra í Gallerí
Grjóti vid Skólavördustíg. Þetta er
lítiö gallerí, í eigu nokkurra mynd-
listarmanna, þar á meöal Arnar.
GaUeríiö er nú aö veröa fimm ára
gamalt og þar meö eitt þaö langlíf-
asta í íslenskri galleríasögu og auö-
vitaö eitt þaö elsta í borginni sem
stendur.
Örn hefur fengist við margt á
myndlistarferli sínum. Hann segir
frá því að sem ungur maður í olíu-
málverki hafi hann kynnst Sigurjóni
Ólafssyni, sem hafi hvatt hann til að
fara út í þrívíddina. Segist eiga Sig-
urjóni margt að þakka. Og Örn hef-
ur unnið með Thor eins og alkunna
er. Saman gerðu þeir ljóðabækur,
gott ef ekki bæði á ísiensku og
ensku. Thor orti, Örn myndskreytti
úr Þúsund mynda safninu. Myndir
sem hann hefur teiknáð og eru eins
og skrifaður texti að því ieyti að þær
eru unnar á sama hátt og menn
skrifa texta. Eftir blaðinu frá vinstri
tii hægri, ein mynd í senn sem er
eins og orð og svo koll af kolli. Nú er
hann mættur með skúiptúrana sína
í Gallerí Grjót. Þeir eru litlir, flestir,
húsakynnin gefa enda ekki mögu-
leika á öðru. Þegar komið er að
gaileríinu blasa við manni Sigur-
bogar sem hafa verið settir í sand-
hrúgur í gluggunum. Örn segir að
hann hafi hugsað sér þessa boga
stærri. Jafnvel manngenga og
standandi í tjörn. Líkt er um fleiri
verk. Þau eru hugsuð stærri en sú
gerð þeirra sem hann sýnir að þessu
sinni. Verkin eru ýmist unnin í ál,
járn, stein eða þá mótuð í froðuplast
og yfirdregin með blöndu af lími og
sagi. Þetta eru oft á tíðum kynjaver-
ur. Sumar eins og fuglar, aðrar eins
og tvíhöfða forsögulegir forverar
nashyrninga eða eitthvað í þeim
dúr. Samkenni þeirra er trjóna sem
rís upp úr þeim mörgum. Örn segir
hana lengi hafa fylgt sér. Og eitt
froðuplastsverkið — en hugmyndin
er sú að vinna þau í varanlegri efni
síðar — heitir Hamlet og Rómeó.
Samankomnar þessar tvær stærstu
tragísku hetjur bókmenntasög-
unnar. Annar hallar sér upp að hin-
um og trjónur á höfðum þeirra vísa
upp til himins. Undarleg tilviljun að
Helgi Gíslason sýndi fyrir skömmu
höggmyndir í Gallerí Borg þar sem
ein hét Rómeó. Virðist sem íslenskir
myndhöggvarar hafi tekið sig sam-
an um að gera hinum ógæfusama
elskhuga skil. Samt segja þeir báðir
að nafngiftin sé tilviljun, svo ekki sé
nú minnst á að þessi tvö verk skuli
verða til á sama tíma.
Skúlptúrar Arnar eru fjölbreyttir
að efni og formi en eiga ávala línuna
sameiginlega. Mýkt og margræði.
Gefa tilefni til hugleiðinga, bæði
jarðbundinna og ekki. Samt er í
þeim eitthvað sem alltaf brýtur upp
tengslin við hið jarðbundna. Hann
segist líka alltaf vera að reyna að
komast inn í einhverja furðuveröld.
Að auki sýnir Örn agnarsmáa skúlp-
túra úr silfri. Sömuleiðis ýmsar
fígúrur, eða fígúrulíki, og svo undur-
fallega hringa sem sæma myndu sér
á hendi hvurrar konu og gott betur.
Sýning Arnar í Gallerí Grjóti
stendur til 19. maí og galleríið er
opið frá 12—18 daglega.
KK
Hamlet og Rómeó saman á
stalli.
22 HELGARPÓSTURINN