Morgunblaðið - 16.06.1988, Page 46

46
í, MORGUNBLAÐIÐ, FIMMTUDAGUR! 16. JÚNÍ 1988
Morgunblaðið/KGA
Það var allhvasst á Reykjavíkurflugvelli er Vigdís Finnbogadóttir, forseti íslands, tók á móti fær-
eysku Iögmannshjónunum, Atla og Sólvá Dam, við upphaf opinberrar heimsóknar þeirra til íslands.
Atli Dam í opinberri
heimsókn á Islandi
^ Morgunblaðið/KGA
Jónas Kristjánsson, forstöðumaður Stofnunar Arna Magnússonar,
sýnir lögmannshjónunum Atla og Sólvá Dam Flateyjarbók.
Knut Ödegaard skýrir lögmannshjónunum frá starfi Norræna
hússins i bókasafni þess.
ATLI Dam, lögmaður Færeyja,
og kona hans frú Sólvá Dam
komu til landsins í gærmorgun
í fimm daga opinbera heimsókn
í boði forseta íslands.
Veður var heldur hryssingslegt
þegar flugvél lögmannsins lenti á
Reykjavíkurflugvelli. Vigdís Finn-
bogadóttir, forseti íslands, og
móttökunefnd tóku á móti lög-
mannshjónunum og fylgdarliði
þeirra. Með þeim í för eru fulltrú-
ar færeysku landsstjórnarinnar,
þeir Jalgrim Hilduberg, skrif-
stofustjóri, Berghild kona hans
og Maiken Poulsen, fulltrúi.
Er lögmannshjónin höfðu kom-
ið sér fyrir á Hótel Sögu, þar sem
þau munu dveljast meðan á heim-
sókninni stendur, var haldið til
Bessastaða og snæddur hádegis-
verður í boði forseta íslands.
Að hádegisverði loknum var
haldið í skoðunarferð um Stofnun
Árna Magnússonar. Þar tók Dr.
Jónas Kristjánsson forstöðumaður
á móti gestunum og sýndi þeim
stofnunina. Við það tækifæri af-
henti Ólafur Halldórsson, fyrir
hönd Ámastofnunar, Atla Dam
lögmanni útgáfu sína af Færey-
ingasögu sem nýlega kom út. Við
sama tækifæri gaf Atli Dam
Morgunblaðið/Ól.K.M
Gestirnir skoða sýningu á norrænni konseptlist í Listasafni íslands, f.h. Vigdís Finnbogadóttir for-
seti íslands, Atli Dam lögmaður, Bera Nordal forstöðumaður listasafnsins og Sólvá Dam lögmanns-
frú.
Stofnun Árna Magnússonar bók
með Sigurðarkvæðum, sem eru
fom færeysk kvæði um Sigurð
Fáfnisbana.
Eftir heimsóknina í Stofnun
Áma Magnússonar var haldið til
Norræna hússins, þar sem Knut
Ödegaard forstjóri og kona hans
Þorgerður Ingólfsdóttir tóku á
móti lögmannshjónunum. Buðu
þau gestunum til kaffísamsætis,
áður en þau sýndu þeim húsið og
greindu frá starfsemi þess. Atli
Dam afhenti þeim einnig eintak
af Sigurðarkvæðum að gjöf.
Því næst var haldið til Lista-
safns íslands, þar sem Bera Nord-
al forstöðumaður safnsins bauð
gestina velkomna. Fylgdi hún lög-
manninum um safnið og sýndi
honum þær tvær sýningar sem
nú em í gangi í safninu, sýningu
á verkum Marc Chagalls og sýn-
inguna Norræn konseptlist.
Um kvöldið hélt Vigdís Finn-
bogadóttir, forseti íslands, kvöld-
verðarboð til heiðurs lögmanns-
hjónunum.
I dag heldur Atli Dam lögmað-
ur ásamt fyldarliði til Austur-
lands, þar sem hann mun skoða
sig um áður en hann snýr aftur
um kvöldið til Reykjavíkur.
Fyrstu bæir hefja slátt

Morgunblaðið/Bjöm Blöndal
The Christians á Keflavíkurflugvelli við komuna til landsins í gær.
The Christians
komnir til landsins
Það er misjafnt eftir landshlutum
hvenær sláttur byijar. Samkvæmt
upplýsingum frá Jónasi Jónssyni
búnaðarmálastjóra hafa borist
spurnir af bæjum í Eyjafirði sem
hófu slátt um síðustu helgi. Rætt
var við nokkra af fréttariturum
Morgunblaðsins úti á landsbyggð-
inni og þeir spurðir um veðurfar
og horfur á slætti í byggðarlögum
sínum.
Davíð Pétursson að Grund í
Skorradal sagði veðrið hafa verið
nokkuð kalt og vætusamt upp á
síðkastið og hitastig jafnan undir 10
gráðum. Vænta mætti að sláttur
hæfíst um viku af júlí en stutt væri
síðan féð var rekið af túnum.
Páll Pálsson að Borg í Miklaholts-
hreppi sagði að töluvert væri í slátt
hjá allflestum bæjum í hreppnum og
tók í sama streng og Davíð hvað
veður varðaði.
Sveinn J. Þórðarsson að Innri-
Múla á Barðaströnd bjóst við að sleg-
ið yrði um næstu mánaðamót og
sagði hann það vera svipað og fyrri
ár.
Einar Jónsson að Árnesi í Árnes-
hreppi, Strandasýslu, kvað bændur
vera að bera á túnin og bjóst við að
sláttur hæfist um 20. júlí. Veðrið
hefur að sögn Einars verið líkt og
venjulega á þessum árstíma, nokkuð
vindasamt og hiti oftast undir tíu
gráðum.
Karl Á. Sigurgeirsson á
Hvammstanga sagði að vorið hefði
verið kalt og þurrviðrasamt. Hiti
hækkaði ekki að ráði fyrr en um
síðustu helgi, er hann fór upp í tutt-
ugu gráður. Miklar rigningar fylgdu
þá í kjölfarið. Karl sagðist ekki bú-
ast við að sláttur hæfist á nálægum
bæjum fyrr en eftir næstu mánaða-
mót og er það nokkuð seinna en
venjulega.
Stefán Skaftason að Straumnesi
í Aðaldal kvaðst ánægður með veð-
rið það sem af væri sumri. Vorið var
kalt en síðustu vikur hefði hiti verið
að jafnaði um 15-20 gráður yfir dag-
inn og mikill raki í lofti. Hann sagð-
ist búast við að sláttur hæfíst um
mánaðamótin. Að sögn Stefáns hefur
borið mikið á roðamaur í túnum en
hann tefur sprettu.
Guttormur V. Þormar kvað bænd-
ur á Austurlandi almennt vera nokk-
uð ánægða með sprettu en veðrið
hefði þó mátt vera vætusamara. Hiti
hefur farið upp í 25 gráður. Hann
bjóst við að bændur hæfu slátt um
mánaðamótin. Að sögn Guttorms
vottar fyrir kali í túnum.
Vilhjálmur Eyjólfsson að Hnaus-
um í Meðallandi spáði því að sláttur
hæfíst fyrir mánaðamót. Vorið var
kalt að sögn Vilhjálms en hlýnað
hefði fyrir tveimur vikum.
Valdimar Guðjónsson að Gaul-
veijabæ í Gaulveijabæjarhreppi kvað
hreppsbúa hafa fengið mjög gott
veður síðustu vikur eftir kalt vor.
Hann bjóst við að'sláttur hæfíst eft-
ir viku.
BRESKA hljómsveitin The Christ-
ians kom til landsins í gær og leik-
ur á tónleikum í Laugardalshöll í
kvöld, ásamt hljómsveitunum
Strax, Síðan skein sól og Kátum
piltum.
Hljómsveitin The Christians er
skipuð bræðrunum Garry og Russell
Christian sem sjá um söng og saxó-
fónleik og Henry Priestman sem leik-
ur á hljómborð og gítar auk þess að
aðstoða við sönginn. Þeim til fullting-
is á hljómleikunum í kvöld verða
nokkrir valinkunnir hljóðfæraleikar-
ar.