Morgunblaðið - 25.07.1990, Blaðsíða 25
25
MORGUNBLAÐIÐ MIÐVIKUDAGUR 25. JULI 1990
Ajmæliskveðja:
Helgi Einarsson
Vinna er líf og líf er vinna eru
einföld sannindi en sígild. Sumum
eru þau samofin, enda göfgar vinn-
an, upphefur og stækkar einstakling-
inn á sama hátt og iðjuleysið minnk-
ar hann og er rót böls og dauða.
Það er þó svo komið á vorum dög-
um, að margur maðurinn lítur á vinn-
una sem ok, lifíbrauð og nauðsyn
eingöngu og er þeirri stund fegnast-
ur, er vinnudegi lýkur og hann getur
slappað af. Svo langt gengur þetta,
að kyrrsetur á vinnustað í kjölfar
áratuga baráttu um aukin þægindi
eru orðnar að heimsböli og hefur
hrundið af stað heilsuræktariðnaði
um víða veröld.
Manninum er nefnilega áskapað
að verða að hreyfa sig og helst svitna
stundum, og þetta urðu forfeður
okkar að gera í harðri lífsbaráttu,
enda minna um velferðarsjúkdóma á
þeirra tímum.
Allt þetta og margt fleira dettur
mér í hug, er ég tek fram skriffæri
mín í tilefni þess, að Helgi Einars-
son, sá mikli hagleikur, er áttatíu
og fímm ára í dag, og ég hugðist
senda honum kveðju mína.
Hann hefur ekki einungis lifað
langt líf í árum, heldur er vinnudag-
ur hans orðinn býsna langur, því að
hann gengur að starfí dag hvem og
sparar sig ekki um helgar, þegar
mikið er umleikis í kringum hann.
Það sem meira er um vert, er að
hann gengur að hverju því verki sem
hann tekur sér fyrir hendur með
heilbrigðu hugarfari og er harla
ánægður og stoltur þegar vel hefur
tekist, enda er jafnan til þess stefnt
í upphafi.
Helga þekkja margir sem hug-
myndaríkan hönnuð og húsgagna-
smið um áratugaskeið, enda einstak-
ur fagurkeri í eðli sínu.
Er hann hætti umfangsmiklum
atvinnurekstri í húsgagnaiðnaðinum,
opnaði hann verzlun með húsmuni
frá verkstæði sínu og fágætar gler-
vörur frá því gróna og nafnkennda
fyrirtæki Murano, sem er nefnt eftir
samnefndri borg í lóninu norðan við
Feneyjar og er byggð á fimm eyjum.
Seinna setti hann á stofn listhús
fremst á Skólavörðustígnum, er hann
nefndi „Loftið“, starfrækti það í
nokkur ár og margir muna eftir enn-
þá. Á loftinu í þessu fallega hlaðna
steinhúsi voru haldnar nokkrar eftir-
minnilegar sýningar, en neðri hæðin
var lögð undir glervörurnar frá
Murano og ýmislegt fleira fallegt.
Þar inni ríkti sérstök stemmning og
þangað þótti mörgum gott að koma
og sóttu í kaffíspjall við húsbóndann
og hinn þokkafulla og umtalsfróma
verzlunarstjóra, Björgu Sverrisdótt-
ur.
Að því kom að Helgi seldi verslun-
ina og hætti að höndla með mynd-
verk, enda menn ekki ennþá nægi-
lega þroskaðir fyrir slíka heims-
menningu á útskerinu, en því var
víðs fjarri að hann "settist í helgan
stein, því nú opnaði hann inn-
römmunarverkstæði í bílskúr sínum.
Á ýmsu hefur gengið, en með
tímanum hefur Helgi orðið sá inn-
rammari, sem maður í einu og öllu
getur treyst, enda með afbrigðum
vandaður og með næmt auga fyrir
samræmi umgerðar og myndar. Flest
ef ekki öll söfn og" helstu listhús
borgarinnar hafa látið hann ramma
inn fyrir sig og þar á meðal Lista-
safn íslands.
Málarar sækja og til hans ekki
síður en einkasafnarar, því að traust-
ari og endingarbetri vinnubrögð
finnast naumast.
Helgi er þó ekki eingöngu vígður
vinnu sinni, því hann hefur aldrei
hafnað heimsins lystisemdum og
ekki með öllu saklaus um léttlátar
augnatilrenningar til kvénna og að
kíkja í glas, en hér hefur hann kunn-
að að gera hlutina innan heilbrigðrar
umgerðar, ramma kenndir sínar jafn
traustlega inn sem myndverk málar-
anna.
Það er gæfa og hagur hveiju þjóð-
félagi að eiga jafn vel gerða menn
og Helga Einarsson og víst er, að
þetta samfélag þarf á sem flestum
slíkum að halda. Haga, ósérhlífna
verkmenn með auga fyrir formrænni
fegurð.
Innviðir þjóðarskútunnar styrkjast
af slíkum einstaklingum og í kili
skal kjörviður.
Bragi Ásgeirsson
Egils saga og Ulfar Tveir
Ný bók eftir Einar Pálsson
kemur út 1. september. Ritið er vandað að allri
gerð, 360 blaðsíður, í fallegu bandi, með tilvísun-
um og nafnaskrá.
í riti þessu er Egils saga Skallagrímssonar krufin ásamt
nokkrum helztu stefjum Snorra Eddu. Lagðar eru fram
lausnir á þeim gátum, sem aldrei hefur fundizt skýring
á fyrr: Hvers vegna var Egiis saga skrifuð? Fyrir hvern?
Hver hluti hennar er sagnfræðilegur og hver goðfræðileg-
ur? Er Egils saga launsögn? Ef svo er, hvað merkir alle-
górían? Stef Snorra Eddu eru á sama hátt krufin og
reynt að skilja rætur þeirra. Þá er landnámsbaugur
Vesturlands sýndur í bókinni, og tengsl íslendingasagna
og Eddu við himinhring skýrð. Að lokum er þess til
getið, hvernig unnt er að tengja elztu goðsagnirnar við
þekktustu mannvirki steinaldar.
Askrifendur að ritsafninu Rætur íslenzkrar menningar
eru beðnir að hafa samband við forlagið sem fýrst.
Bókaútgáfan Mímir,
Sólvallagötu 28, Reykjavík, sími 25149.
ATVINNUHÚSNÆÐI
Til leigu
í Vesturborginni er 430 fm bjartur salur
ásamt 180 fm skrifstofuhúsnæði til leigu.
Bílastæði eru næg og aðkoma góð.
Lysthafendur sendi nafn og símanúmer til
auglýsingadeildar Mbl. fyrir mánudaginn 30.
júlí merkt: „Vesturbær - 9174“.
HÚSNÆÐIÓSKAST
Atvinnuhúsnæði
Vil kaupa 300-400 fm iðnaðar- og skrifstofu-
húsnæði í Reykjavík.
Upplýsingar um verð, staðsetningu og að-
keyrslu sendist til auglýsingadeildar Mbl.
merktar: „Iðnaðarhúsnæði - 4790“ fyrir 1.
ágúst.
3ja-4ra herb. íbúð óskast
Þriggja manna fjölskylda óskar eftir 3ja-4ra
herb. íbúð til leigu frá 1. ágúst, í 4-5 mán-
uði, gjarnan í Hafnarfirði.
Upplýsingar í símum 23711 og 53187.
Húsnæði óskast
Reglusöm hjón með þrjú stálpuð börn óska
eftir að taka á leigu stóra íbúð eða einbýlis-
hús. Langtímaleiga æskileg.
Vinsamlegast sendið tilboð til auglýsinga-
deildar Mbl. merkt: „Hús - 9175“.
Einstaklingsíbúð óskast
Reglusamur nemi óskar eftir að taka á leigu
eða kaupa einstaklingsíbúð eða herb. með
snyrti- pg eldunaraðstöðu sem næst
Háskóla íslands.
Nánari upplýsingar gefnar í síma 95-22754.
i FERÐIR — FERÐALÖG
Þar sem jökulinn ber við loft
Helgarferð 27.-29. júlí.
Snæfellsnes
Farið í hópferðabíl frá Hellissandi með leið-
sögn um áhugaverða staði undir Jökli. Gist-
ing á Hellissandi í tjöldum, svefnpokaplássi
eða hóte(herbergi. Gott veitingahús á staðn-
um. Einstakt tækifæri til að skoða hina fjöl-
breyttu náttúrufegurð undir Jökli.
Upplýsingar og pantanir í síma 93-66825.
Gistih. Gimli, veitingast. Sjólist,
Hellissandi.
ENNSLA
Vélritunarkennsla
Vélritunarskólinn s.28040.
Wélagsúf
Hörgshlíð 12
Boðun fagnaðarerindisins.
Almenn samkoma í kvöld
kl. 20.00.
FERÐAFÉLAG
ÍSLANDS
ÖLDUGÖTU3 S: 11798 19533
Kvöldferð miðvikudag-
inn 25. júlí
Kl. 20.00 Seljadalur-
Nessel
Ekið að Silungatjörn og gengið
þaöan. Létt gönguferð um Mið-
dalsheiöi. Verð kr. 800,-. Frítt
fyrir börn að 15 ára aldri. Brott-
för frá Umferðarmiðstööinni,
austanmegin. Farmiðar við bll.
Ferðafélag Islands
Hvítasunnukirkjan
Fíladelfía
Biblíulestur í kvöld kl. 20.30.
Ræðumaður Hafliöi Kristinsson.
SAMBAND ISLENZKRA
KRISTNIBOÐSFÉLAGA
Samkoma verður I kristniboðs-
salnum, Háaleitisbraut 58, I
kvöld kl. 20.30. Ræðumaður:
Stan Tel Chen frá Bandaríkjunum.
Allir velkomnir.
IITIVIST
GRÓFINNI1 • REYKJAVÍK • SÍMIAÍMSVARI MtOf
Hornstrandir
Það er ógleymanleg upplifun að
ganga um stórbrotið landslag
þessa eyðisvæðis. Aðeins tvær
feröir eftir I sumar.
1.8.-7.8. Hornvík. Tjaldbæki-
stöð. Áhugaverðar dagsferðir
m.a. á Hornbjarg. Fararstjóri
Gísli Hjartarson. Tilvalin ferð fyr-
ir þá sem dreymir um að kynn-
ast Hornströndum en treysta
sér ekki í bakpokaferð.
23.8.-31.8. Snæfjallaströnd -
Reykjafjörður. Bakpokaferð.
Gengið um fjölbreytt svæði frá
bæjum til Grunnavíkur, í Leiru-
fjörð, Hrafnsfjörð og yfir til
Reykjafjarðar. Fararstjóri Rann-
veig Ólafsdóttir.
Sjáumst.
Útivist.
FERÐAFÉLAG
ÍSLANDS
ÖLDUGÖTU 3 S11798 19533
Helgarferðir 27.-29. júlí
1. Þórsmörk - miðsumars-
ferð
Gönguferðir við allra hæfi um
Mörkina. Margrómuð gistiað-
staða í Skagfjörðsskála/Langad-
al hjá Ferðafélaginu. Dvöl í Þórs-
mörk er peninganna virði.
2. Landmannalaugar-
Eldgjá - Háifoss
Ekið í Eldgjá og gengið á Gjátind
og að Ófærufossi. Á leiöinni til
Reykjavíkur á sunnudag verður
komið við hjá Háafossi. Gist í
notalegu sæluhúsi F.l. í Land-
mannalaugum.
3. Kjölur - Kerlingarfjöll -
Hveravellir
Gist í Hvítárnesi fyrri nóttina.
Ekiö til Kerlingarfjalla á laugar-
degi og gengiö um svæðið.
Næstu nótt gist á Hveravöllum.
Góö gistiaðstaða í sæluhúsum
F.í. á Kili.
Upplýsingar og farmiðasala á
skrfstofu F.Í., Öldugötu 3.
Helgarferöir með Ferðafélaginu
eru góð hvild frá dagsins önn.
Ferðafélag íslands
FERÐAFÉLAG
ÍSIANDS
ÖLDUGÖTU 3 S: 11798 19533
Ferðafélagsferðir um
verslunarmannahelgina
3.-6. ágúst. Brottför í
ferðirnar föstud. kl. 20.
1. Þórsmörk - Langidalur. Gist
í góðu svefnpokaplássi í Skag-
fjörðsskála eða í tjöldum.
Gönguferðir við allra hæfi. Hag-
stætt verð. Miðapantanir á
skrifst. Ath. að á umsjónar-
svæðum Ferðafélagsins í
Langadal, Litla- og Stóraenda
eru fjöldatakmarkanir. Tjald-
gistingu verður að panta á
skrifst.
2. Þórsmörk - Flmmvörðuháls.
Gengið frá Skógum yflr Fimm-
vörðuhálsinn til Þórsmerkur.
Annað er sameiginlegt Þórs-
merkurferðinni.
3. Lakagígar - Öldubrúará -
Eldhraun - Fjallabaksleið syðri.
Sérlega fjölbreytt ferð m.a. á lítt
kunnar ferðamannaslóðir.
Svefnpokagisting.
4. Nýidalur - Vonarskarð -
Trölladyngja. Ekta hálendisferð.
Gengið um Vonarskarðið og á
Trölladyngju, stærstu gosdyngju
landsins.
5. Landmannalaugar - Eldgjá -
Gljúfuleitarfoss. Gist í sæluhús-
inu. Kynnist litríkasta fjallasvæði
landsins og gossprungunni
miklu Eldgjá með Ófærufossi.
Næstu sumarleyfisferðir:
1.26.-30. júlí. Landmannalaug-
ar - Þórsmörk. Brottför
fimmtud. kl. 20.
2. 27. júlí - 1. ágúst. Kjalvegur-
inn: Hvítárnes - Hveravellir.
Bráðskemmtileg bakpokaferð.
3. 27. júlí - 1. ágúst. Land-
mannalaugar - Þórsmörk.
4. 1.-6. ágúst. Grænland -
Eystribyggð.
5. 1 .-6. ágúst. Eldgjá - Strúts-
laug - Álftavatn. Bakpokaferð.
Nánari upplýsingar og farmiöar
á skrifstofunni Öldugötu 3,
símar 19533 og 11798.
Qútivist
GRÓFINNI l • REYKJAVÍK • SÍMIAÍMSVUI 14606
Kvöidganga
í kvöld, miðvikudag 25.7. 6.
gangan í Esjuhringnum: Eilifs-
dalur- Meðalfellsvatn. Létt
ganga fyrir alla fjölskylduna.
Brottför frá BSÍ-Bensínsölu kl.
20. Verð 800 kr.
Um næstu helgi:
27.7.-29.7.
Básar i Goðalandi
um hverja helgi. Þaö er rólegt í
Básum um helgar jafnt sem virka
daga. Gönguferðir við allra hæfi.
Góð gisting í Útivistarskálanum.
Miðar og pantanir á skrifstofu.
Sjáumst.
Útivist.