Morgunblaðið - 07.04.1994, Blaðsíða 23

MORGUNBLAÐIÐ FIMMTUDAGUR 7. APRÍL 1994
23
Búvörulagafrum-
varpið samþykkt
Eggert Haukdal greiddi atkvæði gegn frumvarpinu
ALÞINGI samþykkti í gær þær breytingar á búvörulögunum sem
meirihluti landbúnaðarnefndar þingsins lagði fram í síðasta mánuði
og hefur valdið miklum deilum, bæði innan stjórnarflokkanna og
milli stjórnar og stjórnarandstöðu á þingi. Er breytingunum ætlað að
kveða skýrt á um heimildir við innflutning á landbúnaðarvörum. Frum-
varpið var samþykkt með 32 atkvæðum gegn 2 og greiddu Eggert
Haukdal þingmaður Sjálfstæðisflokksins og Olafur Þ. Þórðarson þing-
maður Framsóknarflokksins atkvæði gegn frumvarpinu en tveir stjórn-
arþingmenn sátu hjá við atkvæðagreiðsluna ásamt þingmönnum stjórn-
arandstöðunnar.
Eggert Haukdal sagði í atkvæða-
greiðslunni að mótatkvæði sitt væri
mótmæli gegn vinnubrögðum utan-
rikisráðherra í málinu og undanláts-
seminni við krata, en sú undanláts-
semi hefði valdið því að frumvarpið
gengi ekki nægilega langt.
Eyjólfur Konráð Jónsson og Ingi
Björn Albertsson þingmenn Sjálf-
stæðisflokks sátu hjá í atkvæða-
greiðslunni um frúmvarpið og einnig
þegar greidd voru atkvæði um breyt-
ingartillögur frá stjórnarandstöðu-
þingmönnum. Stjórnarandstaðan og
Eggert Haukdal greiddu atkvæði
með tillögaim Ragnars Arnalds þing-
manns Alþýðubandalags en einungis
þingmenn Framsóknarflokks greiddu
atkvæði með tillögu Ólafs Þ. Þórðar-
sonar og fleiri þingmanna Framsókn-
arflokks um að ef upp kæmi lagaleg
deila um merkingu laganna ætti að
taka mið af nefndaráliti sem formað-
ur landbúnaðarnefndar og tveir aðrir
þingmenn Sjálfstæðisflokksins skrif-
uðu undir. Aðrir stjómarandstöðu-
þingmenn sátu hjá í atkvæðagreiðslu
um þessa tillögu auk þriggja. áður-
nefndra þingmanna Sjálfstæðis-
flokks.
Gegn eigin áliti
Egill Jónsson þingmaður Sjálf-
stæðisflokks og formaður landbún-
aðarnefndar sagði í atkvæðagreiðslu
um tillögu Ólafs að sérfræðingar
hefðu komist að þeirri niðurstöðu að
lagatexti fmmvarpsins væri skýr og
því ætti ekki að þurfa að leita frek-
ari skýringa í málsskjölum þótt
ágreiningur kynni að koma upp við
framkvæmd laganna. Þá stangist
nefndarálit fulltrúa stjórnarflokk-
anna í landbúnaðarnefnd í raun ekki
á nema í einu atriði að því er varðar
frumvarpið. Tillagan væri bæði
óvenjuleg og óþörf. Guðni Ágústsson
þingmaður Framsóknarflokks sagði
að með því að fella tillöguna hefði
Sjálfstæðisflokkurinn hafnað eigin
áliti á frumvarpinu.
Þingmenn stjórnarandstöðunnar
sem tóku til máls við atkvæðagreiðsl-
una spáðu því að þótt niðurstaða
hefði nú fengist í þetta mál, þá væri
tjaldað til skamms tíma og breyting-
arnar sem nú hefði verið gerðar
dygðu ekki til að koma í veg fyrir
réttaróvissu við innflutning á land-
búnaðarvörum.
Stefán Guðmundsson, Framsóknarflokki
Skapa mætti at-
vinnu með niður-
greiddum þorski
STEFÁN Guðmundsson, alþingismaður, telur að það geti verið mjög
árangursrík leið til að draga úr atvinnuleysi hér á landi að hvetja fyrir-
tæki til að kaupa þorsk frá Rússlandi eða öðrum löndum með því að
niðurgreiða hráefnið að hluta. Stefán segir að þó að ríkissjóður þurfi
að leggja fram nokkra fjármuni í þessu skyni þá muni það skila sér
margfalt í auknum tekjum þjóðarbúsins og lægri atvinnuleysisbótum.
Stefán hefur látið setja upp fyrir
sig reikningsdæmi um hugsanlegan
ávinning af því að greiða bætur á
innfluttan þorsk. I dæminu er miðað
við að keypt verði til landsins 25
þúsund tonn af þorski. Innkaupsverð
sé 95 krónur á hvert kíló og afurða-
verð 242 krónur. Nýtíng úr þessum
25 þúsund tonnum sé 65% sem þýð-
ir 16.250 tonna afurðir. Vinnsluaf-
köst séu 13 kíló á klukkustund og
vinnulaun 700 krónur á klukkustund.
Samkvæmt þessum forsendum gæti
söluverðmæti þorsksins verið um 3,9
milljarðar. Af þessari upphæð er
landsvirðisauki rúmar 1,5 milljarðar,
þar af vinnulaun 875 milljónir.
Reiknað er með að stjórnvöld greiði
niður 13 krónur af hveiju þorskkílói,
en það myndi gera um 325 milljónir
í þessu dæmi. Ef það fólk sem fengi
vinnu við úrvinnslu þessa afla gengi
um atvinnulaust þyrftu stjórnvöld að
greiða því um 334 milljónir í atvinnu-
leysisbætur. Stefán reiknar með að
hægt væri að skapa með þessu móti
störf fyrir yfir 2.440 starfsmenn í
þrjá mánuði.
Hætta á miklu
atvinnuleysi í sumar
Stefán sagði að það sé fyrirsjáan-
legt að það muni skapast skelfilegt
ástand í atvinnumálum víða á lands-
byggðinni í sumar. Þorskveiðiheim-
ildir séu víða að klárast og því vand-
séð hvort nokkur verkefni verði fyrir
skólafólk á landsbyggðinni sem
flykkist út á vinnumarkaðinn í vor.
Stefán sagði að auk þess skapist
störf í þjónustu og fleiri greinum
vegna aukinnar vinnu sem þessu
fylgi. Skipafélögin fengju t.d. auknar
tekjur með auknum flutningum.
Hafnir fengju auknar tekjur og staða
fiskvinnslunnar myndi styrkjast.
Stefán sagðist ekki vita til þess
að nein sérstök vankvæði séu því
samfara að hrinda þessari hugmynd
í framkvæmd. Hann sagði að alþjóð-
legir samningar sem ísland er aðili
að banni þetta ekki. Hægt sé að fá
þorsk keyptan frá Rússlandi og hugs-
anlega fleiri löndum. íslensk sjávar-
útvegsfyrirtæki hafa keypt þorsk frá
Rússlandi á síðustu misserum í
nokkrum mæli. Stefán sagði að það
þurfi að hvetja fyrirtæki til að auka
þessi viðskipti. Niðurgi-eiðslur á hrá-
efninu sé sú leið sem liggi beinast
við að fara.
-----4 4 4----
Þingflokkur
Framsóknarflokksins
Gunnar Hilm-
arsson fram-
kvæmdastjóri
Gunnar Hilmarsson, fyrrverandi
framkvæmdastjóri Atvinnutrygg-
ingasjóðs útflutningsgreina, hefur
verið ráðinn framkvæmdastjóri
þingflokks Framsóknarflokksins.
Gunnar mun starfa fyrir þingflokk-
inn fram að þinghléi. Hann tók við
starfínu af Aðalsteini Þorsteinssyni,
lögfræðingi, sem snúið hefur sér
að lögfræðistörfum. Gunnar hefur
undanfarin misseri starfað á skrif-
stofu Framsóknarflokksins.