Morgunblaðið - 07.04.1994, Blaðsíða 31

MORGUNBLAÐIÐ FIMMTUDAGUR 7. APRÍL 19S4
31
Kínverjar
óttast at-
vinnuleysi
KÍNVERSK stjórnvöld viður-
kenndu í gær að þar í landi
væri við gífurlegt atvinnuleysi
að stríða. Milljónatugir verka-
manna ráfuðu um í leit að
atvinnu en talið er að 130
milljónir landbúnaðarverka-
manna séu atvinnulausir.
Dagblað alþýðunnar, flokks-
málgagn kínverska kommún-
istaflokksins, sagði atvinnu-
leysið vera orsök hraðra efna-
hagsbreytinga og hliðarstökks
frá sósíalísku velferðarkerfi.
Biðja um
vægð fyrir
Jaruzelski
PÓLSK þing-
nefnd lagði í
gær til að
þingið felldi
niður ákærur'
á hendur
Wojciech
Jaruzelski
leiðtoga her-
foringja-
stjórnarinnar sem hrökklaðist
frá völdum 1989. Rétt áður
en óháðu verkalýðssamtökin,
Samstaða, tóku við völdum lét
hann eyðileggja fundargerðir
allra funda stjórnmálaráðs
kommúnistaflokksins á sjö ára
valdatíma herforingjastjórnar-
innar.
Leyniviðræð-
ur við IRA?
PETER Robinson, leiðtogi
norður-írskra sambandssinna,
fullyrti í gær að breska stjórn-
in ætti í leynilegum samninga-
viðræðum við fulltrúa írska
lýðveldishersins, IRA. Robin-
son er harður andstæðingur
nánara sambands Norður-
írlands og írska lýðveldisins.
Hann sagði að breska stjórnin
hefði fallist á þá kröfu IRA
og Sinn Fein, stjórnmálaarms
hryðjuverkasamtakanna, að
útlista bresk-írsku friðaráætl-
unina fyrir Norður-írland frá
í desember. Hryðjuverkasam-
tökin lýstu yfir vopnahléi um
páskana og hafa þau haldið
það.
Páfagarður
minnist hel-
fararinnar
FÓRNARLAMBA helfarar
nasista gegn Gyðingum í
seinna stríðinu verður minnst
með áður óþekktum hætti í
Páfagarði í dag. Jóhannes
Páll páfi verður viðstaddur
athöfnina ásamt Elio Toaff
helsta trúarleiðtoga ítalskra
gyðinga í Róm og fjölda
manna sem lifðu helförina af.
Alls verða gestir um 7.500.
Rússar reka
30 herstöðvar
erlendis
RÚSSAR hyggjast reka áfram
um 30 herstöðvar utan eigin
landamæra, að sögn Itar-Tass
fréttastofunnar. Flestar stöðv-
anna eru í fyrrum sovétlýð-
veldunum 12 sem mynda Sam-
veldi sjálfstæðra ríkja. Ein
stöðvanna verður í Lettlandi
en Rússar hafa samið við
Letta um áframhaldandi
rekstur ratsjárstöðvarinnar í
Skruda næstu fjögur árin.
Hneykslismál
varpa skugga á
minningu Strauss
Bonn. Reuter.
FALLIÐ hefur á þann frægðarljóma sem fór af Franz
Josef Strauss, fyrrum leiðtoga Kristilega sósíalsambandsins
(CSU) í Þýskalandi en Strauss lést árið 1988. Fjöldi hneyksl-
ismála hefur tengst nafni hans og hafa þrír skjólstæðingar
hans sagt af sér í tengslum við viðskiptahneyksli á árinu.
Talið er að hneykslismálin kunni að skaða CSU í Ssam-
bandslanda-, Evrópuþings- og þingkosningum, sem allar
verða á árinu, en flokkurinn hefur verið við völd í Bæjara-
landi frá 1949. Þá getur slæmt gengi CSU skaðað sam-
starfsflokk hans í ríkisstjórn, Kristilega demókrata (CDU).
„Strauss var maður mótsagna,“
sagði Theo Waigel, leiðtogi CSU
og fjármálaráðherra í ríkisstjórn
Helmuts Kohls. „Allir vissu að
hann var enginn engill.“ Hefur
Waigel lagt mikla áherslu á að
rannsókn á persónulegum málum
Strauss hafi ekki áhrif á pólitískan
feril hans. Strauss hefur verið
sakaður um of náin tengsl við
Alexander Schalk-Golodkowski,
grunsamlegan austur-þýskan
kaupsýslumann og njósnara, og
um að aðstoða vin sinn við að
koma í gegn vafasömum viðskipt-
um með kjöt við Austur-Þjóðveija.
Alvarlegustu ásakanirnar komu
hins vegar fram um helgina í
fréttatímaritinu Der Spiegel, en
það birti viðtal við kaupsýslumann
sem sagði Strauss hafa aðstoðað
sig við að minnka 70 milljón marka
skattaskuld niður í 8,3 milljónir
marka. Þá sagði hann Strauss
hafa ráðlagt sér að telja embættis-
mönnum trú um að hann væri of
veikur til að yfirgefa aðsetur sitt
í Sviss og gæti því ekki rætt
skattamál við yfirvöld. Sagðist
kaupsýslumaðurinn hafa greitt
háar fjárhæðir í kosningasjóð
CSU, lánað flokksmörinum pen-
inga og lánað Strauss einkaflugvél
sína. Forsætisráðherra Bæjara-
lands hefur fordæmt gagnrýnina
á Strauss og sagt að hinir látnu
eigi að hvíla í friði.
Fylgi CSU, sem hefur meiri-
hluta á þinginu í Bæjaralandi,
hefur hrapað að undanförnu niður
í 39%. í skoðanakönnunum sem
birtar voru í gær, kom í ljós að
bilið á milli Jafnaðarmanna (SPD)
og CDU hefur minnkað; fylgi SPD
hefur aukist um 2% og er 29% en
fylgi CDU hefur aukist um 5% í
23%.
Keuter
Vorhreinsun í Moskvu
RÚSSNESKIR hermenn unnu í gær við að bijóta ís á götum nærri
Moskvufljót en þeir taka jafnan þátt í vorhreinsun í borginni.
Atta manns létust og fimmtíu slösuðust í hryðjuverki í Israel
Bömin stóðu í „ljósum
logum eins og kyndlar“
Afula. Reuter.
ÁTTA manns létust og um 50 slösuðust þegar bíll hlaðinn
sprengiefni sprakk í loft upp rétt við strætisvagn, sem
var að taka við fólki í bænum Afula í ísrael. Eru íslömsku
öfgasamtökin Hamas grunuð um verknaðinn en fulltrúi
PLO, Frelsissamtaka Palestínumanna, hefur harmað hann
en segir hann sýna hve nauðsynlegt sé að ljúka friðar-
samningum PLO og ísraela sem fyrst. ísraelsk stjórnvöld
segja, að viðræðum verði haldið áfram þrátt fyrir þennan
atburð.
Sjónarvottar segja, að eftir
sprenginguna hafi nokkur börn,
„í ljósum logum eins og kyndlar“,
komið út úr flaki strætisvagnsins
og kallað á hjálp. „Bjargið mér.
Hvað hefur komið fyrir mig,“
hrópaði eitt þeirra að sögn Alberts
Amos, ökukennara, sem jiusti
ásamt fleirum á vettvang. „Eg sá
líkamshluta, sem höfðu dreifst í
allar áttir, börn, sem voru hár-
laus, og 14 ára gamla stúlku, sem
hrópaði „mamma, mamma" yfir
látinni móður sinni,“ sagði annað
vitni, Nissim Mizrahi.
Maður, sem hringdi á erlenda
fréttastofu í ísrael, nefndi á nafn
manninn, sem ók bílnum með
sprengiefninu og fyrirfór sér og
sagði, að notað hefðu verið 175
kíló af sprengiefni. Er Hamas-
hreyfingin grunuð um hryðjuverk-
ið og talið, að það hafi verið í
hefndarskyni vegna morðanna í
Hebron þegar ísraelskur landnemi
myrti að minnsta kosti 30 Palest-
ínumenn.
Engin áhrif á friðarsamninga
Hryðjuverkið í Afula átti_ sér
stað á sama tíma og fulltrúar Isra-
elsstjórnar og PIO ræddust við í
Kairó í Egyptalandi um fram-
kvæmd friðarsamninganna og
Yossi _ Sarid, umhverfismálaráð-
herra ísraels, sagði, að viðræðun-
um yrði haldið áfram. „Ef viðræð-
unum yrði slitið, værum við að
fela örlög okkar í hendur hryðju-
verkamönnum og það er það, sem
þeir vilja,“ sagði Sarid og samn-
ingamaður PLO sagði, að ekkert
sýndi betur en hryðjuverkið hve
nauðsynlegt væri að koma á samn-
ingum.
Reuter
Rannsókn á Hebronmorðunum mótmælt
HÓPUR ísraelskra kvenna kom saman í gær fyrir utan hús hæstarétt-
ar ísraels í Jerúsalem til að mótmæla rannsókn á morðunum í Hebr-
on, þegar ísraelskur landnemi myrti að minnsta kosti 30 Palestínu-
menn við bænagjörð.
Böm við stjóm er þotan fórst
Moskvu. The Daily TeleKraph. Reuter.
RÚSSNESK ríkisnefnd sem rannsakar orsakir þess að Airbus
A310 þota ríkisflugfélagsins Aeorflot fórst með 75 manns innan-
borðs í Síberíu 23. mars, hefur skýrt frá því að unglingar, börn
eins flugmannsins, hafi setið í sætum flugmannanna er flugvélin
skall í jörðina.
Að sögn talsmanns nefndarinn-
ar sátu sonur og dóttir flugmanns
í sætum flugmannanna og var
faðirinn að útskýra kúnstir flug-
mennskunnar fyrir þeim er þotan
tók skyndilega dýfu og steyptist
30 þúsund fet til jarðar á 128
sekúndum. Sagði í frétt Itar-Tass
að fikt í stjórntækjum hefði leitt
til slyssins og sögðu sérfræðingar
að líklega hefði sjálfstýringin verið
rofin úr sambandi. Lík flugstjór-
ans fannst í farþegaklefa þotunnar
en í flugstjórasætinu var lík 15
ára flugmannssonar.
Rússneskir embættismenn
sögðu að veruleg afglöp í starfi
hefðu átt sér stað af hálfu flug-
manna Airbus-þotunnar sem
Aeroflot tók á kaupleigu fyrir
rösku ári.
Sérfræðingar í flugmálum
sögðu það ekki fullnægjandi skýr-
ingu á slysinu að unglingar hefðu
verið að fíkta í stjórntækjum þot-
unnar. Flugriti hennar var sendur
til Frakklands til rannsóknar og
beðið er niðurstöðu úr þeirri rann-
sókn.