Árbók Hins íslenzka fornleifafélags - 01.01.1961, Blaðsíða 18

22
ÁRBÓK FORNLEIFAFÉLAGSINS
þessari ösku var á einum stað hagrætt hellum á rönd svo að greini-
legt var, að þar hafði verið eldað. Þykir líklegt, að ummerki þessi
séu raunar hluti af eldstæðinu, eldur hefur verið gerður þarna um
miðbik skálans, bæði í eMstæðinu í þrengsta skilningi og í öskustó,
þegar einhver sérstök þörf krafði.
Trúlegt hefði verið, ef ráða hefði mátt af reynslu frá öðrum skála-
rannsóknum, að greinileg set hefðu verið fram með báðum skála-
veggjum, sitt hvorum megin við eld. En hér var ekki því að heilsa.
12. mynd. Eldstœði á'miðju skálagólfi. — Fireplace in centre of
tlxe hall floor.
Gólfið var nokkurn veginn jafnhátt um allt, þó aðeins hærra til
veggjanna, en fráleitt að hægt væri að tala þar um neina upphækkun,
og ekki eru heldur nein greinileg skil, þar sem verið gæti að mættust
gólf og se.t. Ef svefnrúm hafa verið við veggi í þessum skála, svo
sem telja verður nokkurn veginn víst, sjást þeirra nú engin örugg
merki. Við báða langveggi var þó eftirtektarverður útbúnaður,, sem
ef til vill stendur á einhvern hátt í sambandi við set eða svefnrúm.
Á 3—4 m löngum kafla við framanverða skálaveggi báða voru reist-
ir upp steinar á rönd, svo að milli þeirra og veggjarins varð frá 15
upp í 30 sm bil (13. og 14. mynd). Útbúnaður þessi minnir nokkuð
á jötu, sem þó er ekki eins greinileg eða regluleg og til dæmis jatan