Árbók Hins íslenzka fornleifafélags - 01.01.1961, Blaðsíða 168
172
ÁHBÓK FORNLEIFAFÉLAGSINS
Bænhúsið á Núpsstað var að öllu leyti frágengið á árinu, kór-
grindur málaðar, bekkjum komið fyrir, altari sett á sinn stað. Er
húsið nú í alla staði prýðilegt.
Auk þessa var svo litið eftir og dyttað að hinum öðrum húsum
eftir þörfum, og má þar til nefna Víðimýrarkirkju (stafnar bikað-
ir og málaðir, hlið sett við veg), bæjardyr og þinghús á Ökrum
(gluggar settir í), Grenjaðarstað (bætt við glugga í göngum og
gert að sundum). Næsta verkefni, sem leysa þarf, er að gera vel og
vandlega við bæinn á Keldum og skoða og gera við Hóladómkirkju,
áður en hún verður 200 ára.
Söm og jöfn er aðsóknin að öllum hinum gömlu byggingum. 1
byggðasöfnin í Glaumbæ og á Grenjaðarstað kom álíka margt fólk
og í fyrra. Gefinn var út leiðarvísir um Glaumbæjarsafnið eftir Jón
Sigurðsson á Reynistað, og sá Þjóðminjasafnið um þá útgáfu.
Fleiri komu að Stöng í Þjórsárdal en nokkurn tíma áður, og staf-
aði það m. a. af því að óvenjulega lítið var í Fossá allt sumarið.
Fjöldi gesta sem skráði sig í gestabók var 3158, en eflaust hafa tölu-
vert fleiri komið. Snemma sumars fóru starfsmenn safnsins austur
að Stöng og voru þar um kyrrt í þrjá daga við að gera að veggjum
o. fl. sem betur mátti fara, og voru hinar fornu rústir í mjög góðu
lagi í sumar. Nýja þakið reynist vel.
Fornleifarannsóknir. Hinn 25. júní tilkynnti Þorsteinn bóndi Þor-
steinsson á Húsafelli, að þeir Húsafellsmenn hefðu í hyggju að rækta
upp landsvæði, þar sem eru friðlýstar bæjartóftir, er sumir hafa
talið vera Reyðarfell hið forna, aðrir Grímsgil. Varð að ráði að
safnið léti gera rannsókn á þessum minjum og gæfi síðan svæðið
frjálst til ræktunar. Fór Þorkell Grímsson fyrst könnunarferð að
Húsafelli, en síðan fór hann ásamt Halldóri Jónssyni til þess að
hefja uppgröft af fullum krafti hinn 8. júlí. Var Þorkell mikið til
óslitið á Húsafelli allt til 9. sept., er rannsóknum lauk í bili. Með
Þorkeli var fyrst Halldór Jónsson, seinna Gísli Gestsson, og þjóð-
minjavörður kom einnig að rannsóknunum hvað eftir annað. Alltaf
voru og nokkrir aðstoðarmenn við uppgröftinn. Ekki varð rann-
sókn lokið, því að þarna hefur verið stór bær og staðið öldum sam-
an. Víst þykir, að hann hafi heitið Reyðarfell og muni loks hafa
farið alveg í eyði á 16. öld. Vonir standa til að þessi rannsókn verði
fróðleg og þarna bætist nýr hlekkur í keðju tímasettra rannsakaðra
bæjartófta. Er ætlunin að halda rannsókn þessari áfram á næsta
ári.