Árbók Hins íslenzka fornleifafélags - 01.01.1961, Blaðsíða 167
SKÝRSLA UM ÞJÓÐMINJASAFNIÐ 1960
171
kona Þórbergs Þórðarsonar (keypt), útskorinn barokkskápur, mjög
vandaður, gef. Þorsteinn Scheving Thorsteinsson, lyfsali, þrjár út-
skornar rúmbríkur, gef. Ragnar Ásgeirsson, altaristafla úr Reykja-
kirkju í Tungusveit, útskorin og frá 1682 (keypt), vígsluvatnsker
úr klébergi, gef. Guðmundur Jónsson, Bjarteyjarsandi, barnavettl-
'ngar úr vaðmáli, fornir, gef. Halldór Kristjánsson, Heynesi, salút-
kanóna frá Eyrarbakka, gef. Árni G. Eylands, spjótsoddur silfur-
rekinn, afh. Þórður Tómasson, Skógum, gjarðarhringja frá Grana-
giljum, afh. Sigurður Ævar Harðarson, Hrífunesi. — Safnaukinn
verður að teljast sæmilega mikill og góður, og er gott til þess að
vita, að þessi straumur heldur áfram jafnt og þétt.
Vaxmyndasafnið. Gestafjöldi í Vaxmyndasafninu var 3172.
Örnefnasöfnun. Ari Gíslason örnefnasafnari gekk frá og skilaði
handriti að örnefnum í austurhluta Suður-Þingeyjarsýslu, þ. e. aust-
an Ljósavatnsskarðs, og er þá öll sú sýsla komin að öðru leyti en
því, að örnefnasafnarinn telur hugsanlegt, að ekki séu öll kurl komin
til grafar í Mývatnssveit. Þá fór örnefnasafnarinn á flesta bæi í
Norður-Þingeyjarsýslu og endurskoðaði handrit, sem gert hafði um
þær sveitir Skúli Skúlason sumurin 1954—55. — Þess er enn fremur
að geta, að Jóhannes Óli Sæmundsson fékk nokkurn styrk til að safna
örnefnum í Eyjafjarðarsýslu, og er kunnugt að hann vann þar all-
mikið verk, en árangri hafði ekki verið skilað um áramót.
Viðhald gamalla húsa. Ekkert nýtt verkefni var tekið fyrir á þessu
ári, en haldið áfram endurbótum á þeim húsum, sem þegar var
hafin viðgerð á. Gengið var að öllu leyti frá Saurbæjarkirkju í Eyja-
firði, settir pílárar milli kórs og kirkju, enn fremur altari og málað
það sem mála þurfti. Þá var sett upphitunarkerfi í kirkjuna, og e.r
blásið heitu lofti úr þró, sem til þessa var gerð undir kirkjugólfi
fremst að norðan. Ljósahjáhnar og veggljós voru fengin frá Dan-
mörku og eru vel við hæfi. Kirkjan er sem sagt að öllu leyti embætt-
isfær, en messugerðir voru þó ekki hafnar þar um áramót.
Hið stærsta, sem í var ráðizt á árinu, var að setja loftræstingar-
og upphitunarkerfi í Glaumbæ í Skagafirði, mjög í sama stíl og á
Grenjaðarstað nema hvað þar er engin upphitun. Því miður komst
kerfi þetta ekki í gang í Glaumbæ fyrr en undir vetur, og er því ekki
komin á það reynsla, en varla er ástæða til að efast um að vel muni
gefast. Er það fagnaðarefni, að þessi útbúnaður skuli vera kominn
í Glaumbæ, því að bærinn hefur aldrei verið varinn fyrir raka, sem
sækir meira á hann en aðrar gamlar byggingar safnsins.