Árbók Hins íslenzka fornleifafélags - 01.01.1961, Blaðsíða 158
ÞÓRHALLUR VILMUNDARSON
FUNDIN ÞJÓÐHILDARKIRKJA
HAPPAVERK LARS MOTZFELDTS
í 5. kap. Eiríks sögu rauða segir svo frá komu Leifs Eiríkssonar
til Grænlands eftir Noregsdvölina með Ólafi konungi Tryggvasyni:
„Leifr tók land í Eiríksfirði ok fór heim síðan í Brattahlíð. Tóku
þar allir menn vel við honum. Hann boðaði brátt kristni um landit
ok almenniliga trú ok sýndi mpnnum orðsending Óláfs konungs
Tryggvasonar ok sagði, hversu morg ágæti ok mikil dýrð fylgði þess-
um sið. Eiríkr tók því máli seint, at láta sið sinn, en Þjóðhildr gekk
skjótt undir ok lét gera kirkju eigi allnær húsunum. Þat hús var
kallat Þjóðhildarkirkja. Hafði hon þar fram bœnir sínar ok þeir
menn, sem við kristni tóku. Þjóðhildr vildi ekki samræði við Eirík,
síðan hon tók trú, en honum var þat mjok móti skapi.“
Á síðastliðnu hausti gerðust í Brattahlíð á Grænlandi merkis-
tíðindi, sem athygli vöktu víða um lönd. Seint í ágústmánuði var
grafið af hendingu niður á legstað fyrstu kynslóðar Bratthlíðinga,
og leiddi sá fundur litlu síðar til þess, að í ljós komu rústir Þjóð-
hildarkirkju, sem frá segir í kaflanum hér á undan. Þá kirkju má
hiklaust telja elztu kirkju á Grænlandi og þá jafnframt í Vestur-
heimi, en í kirkjugarðinum má gera ráð fyrir, að Leifur heppni
hvíli og Þjóðhildur Jörundardóttir, móðir hans. Hitt er aftur óvísara,
hvort Eiríkur rauði liggur þar grafinn, ef trúa má orðum sögunn-
ar um fastheldni hans við fornan átrúnað. Eftirtektarvert er, að
staðsetning kirkjurústanna, um 250 metra frá hinni fornu skálatóft,
kemur vel heim við orðalag Eiríks sögu rauða: ,, . . . ok lét gera
kirkju eigi allnær húsunum.“ Samkvæmt bráðabirgðaathugun Jörg-
ens Meldgárds magisters á kirkjurústinni síðastliðið haust hefur
hér verið um lítið bænhús að ræða, um 3 m breitt og 4—5 m langt,1)
1) Sjá viðtal við Jörgcn Meldgárd í Tímanum 29. sept. 1961.