Árbók Hins íslenzka fornleifafélags - 01.01.1968, Blaðsíða 10
14
ÁRBÓK FORNLEIFAFÉLAGSINS
líkneskið á botnfjöl bríkarinnar. Aftan á styttunni eru einnig tvö
naglaför.
Að lokum er svo þess að geta, að Haraldur Ágústsson viðartegunda-
fræðingur telur líkneskið gert úr góðri vetrareik, og skal þá að
svo mæltu snúið að Búðardalslíkneskinu, sem var upphaf þessarar
rannsóknar.
2. Líkneskið frá Búðardal, gert úr eik, 60 sm á hæð, mesta breidd
28 sm, en mesta þykkt 11 sm, en það er lengst til hægri (framan frá
séð), bekkbrúðan, en síðan þynnist myndin til vinstri og hefur mestan
lágmyndarsvip þar. En myndin er í rauninni mjög hátt upphleypt
lágmynd, bakhliðin slétt og óunnin og ekki ætluð til að sjást, en höf-
uð líkneskisins má þó heita heilskorið og losnar alveg frá bakgrunn-
inum efst. Hægri hlið, þ. e. það sem út snýr á stólbrúðunni, er sömu-
leiðis mjög gróft unnin, og hefur ekki heldur átt að sjást. Myndin
sýnir mann, sem situr á stól eða bekk með lágri en sterklegri brúðu.
Maðurinn lýtur nokkuð fram og hallar svolítið á, horfir hliðhallt fram
til vinstri. Hann er í skósíðri skikkju, sem liggur í miklum fellingum
yfir vinstri handlegg og hné og nær síðan alveg niður að grunni líkn-
eskisins. Skikkjan er fest saman með breiðu þverbandi ofarlega á
brjósti. Rétt ofan við skikkjufaldinn vottar fyrir punktaröð til
skrauts. Innan undir skikkjunni er maðurinn í kyrtli, sem einnig
er skósíður, og nær ermi hans fram undan skikkjunni og fram á
vinstri höndina, en neðst sést fram undan kyrtilfaldinum á breiðan
skó með þykkum sóla. Á vinstra hné hefur maðurinn stóra kúlu,
jarðhnöttinn eða ríkisepli, með böndum umhverfis og yfir um, en ekki
að neðan, og krossmarki upp úr, en vinstri höndin hvílir ofan á kúl-
unni. Hægri höndin og handleggur hafa legið fast upp að bakgrunni
myndarinnar og verið sem upphleypt og vantar nú. Aðeins upphand-
leggur sést, og fram yfir hann hangir hluti af skikkjunni, og sést
þar sams konar punktaröð og neðst, svo og á börmum skikkjunnar
niður eftir bringunni. Andlit mannsins er með mjög stórum drátt-
um, nefið langt, nokkuð hátt og lítið eitt bogið, kinnbeinin há, skeggið
mikið og hrokkið, yfirskeggið látið ná langt út og niður yfir kinn-
skeggið. Hárið er einnig mikið og sítt og nær alveg út á axlir, gert
á svipáðan liátt og skeggið, skipt í stóra lokka eða vöndla. Á höfðinu
er svo kóróna með 11 tökkum. Hún er sérsmíðuð, tálguð úr þremur
eikarbútum, sem síðan eru límdir á koll líkneskjunnar með eins konar
snikkaralími. Hugsanlegt var, að Stefán Eiríksson hefði gert þessa
kórónu, en eftir vandlega athugun þykir líklegast, að kórónan sé
upprunaleg. Stefán Eiríksson hefur þá sennilega ekkert gert annað