Árbók Hins íslenzka fornleifafélags - 01.01.1968, Blaðsíða 119
SKÝRSLA UM ÞJÓÐMINJASAFNIÐ 1967
123
skýrslu þeirra sjálfra um það verk, sem þeir afköstuðu, enda sýnir
hún glöggt þann vanda, sem við er að etja í sambandi við aðhlynn-
ingu þessara gömlu húsa.
GREINARGERÐ
um vinnu við gömlu bæina á Norðurlandi sumarið 1967.
GrenjaSarstaSur.
Mánudaginn 12. júní byrjuðum við að vinna að viðgerð á bænum,
og var unnið að þessu viðfangsefni í ð'/o viku. Það sem tekið var fyrir
var eftirfarandi: Rifinn var niður og hlaðinn frá grunni veggur í
aðalgöngum frá stofunni að þvergöngum, sem liggja til baðstofu.
Ennfremur lagfærðir og hlaðnir upp að mestu 2 veggir í búri og
þrír veggir í þvergöngum. Rifið var ofan af þvergöngum þessum
skúrþak úr bárujárni, sem ónýtt var orðið, og endurnýjaðir allir
raftar. Nýtt þak var sett yfir göngin, en halla þess breytt þannig, að
í stað þess að halla norður rennur vatnið nú í sundið milli þverganga
og búrs og þaðan í sundið, sem myndast annars vegar af búrgafli
og hins vegar af bæjargöngum, þaðan svo fenginn halli til norðurs
milli búrs og tveggja húsanna nyrztu, sem snúa stafni fram á hlaðið.
Alla þessa leið var sett renna úr sléttu járni, bikuð beggja vegna.
Er þessari rennu ætlað að flytja allt vatn af þvergöngum, búri beggja
vegna, aðalgöngum annars vegar (norðan megin) og baðstofu að
nokkru leyti, í stað þess að áður hafði vatnið, sem kom á þessa fleti,
ekki annað afrennsli en niður í veggina,sem liggja að þessum sundum.
Þá var bikað járn sett á torfkampinn, sem er undir vesturþili bað-
stofu.
Einnig sett járn á torfveggi við gafla á smiðju, skemmu og búri.
Gert var við þiljur undir gluggum á vesturhlið á stofu þeirri, er næst
liggur baðstofu. Þök, er verst voru farin vegna sólbruna, voru öll bætt.
Að síðustu voru rifnir niður og hlaðnir upp að nýju þrír kampar
fram á hlaðið.
Gröf á Höföaströnd.
Unnið var þar um vikutíma í byrjun júlí og þetta tekið fyrir:
Þakið á kapellunni lagfært, önnur liliðin öll tyrfð og hin að nokkru
leyti. Kampar dyramegin hlaðnir og hlaðið í skarð, ca. 15 m langt,
er komið var í garðinn umhverfis húsið. Net var sett á þakið að lok-
inni viðgerð.