Árbók Hins íslenzka fornleifafélags - 01.01.1968, Blaðsíða 94

98
ÁRBÓK FORNLEIFAFÉLAGSINS
olíumálverk á striga, ferkantaS, 69X56,5 sm að stærð. Eigandinn
segir í bréfi til mín dags. 24. 3. 1962, að myndin hafi verið í ljótum
ramma og aukið utan á hana á alla fjóra vegu, en hann sé að láta
fjarlægja þá aukningu, sem hafi verið til lýta, og einnig sé hann
að láta setja myndina í nýjan ramma, sem verði gylltur og strikaður
eftir teikningu Eigtveds. Aftan á blindrammann var límdur pappírs-
miði og á hann skrifað; Fin Jonsen, 170 A—178. . Biskop i Skalholt
(rifið er af miðanum, svo að síðasti stafur ártalsins sést ekki).
Helge Finsen eignaðist þessa mynd eins og nr. 3 hér að framan
eftir bróður sinn Arne Finsen arkitekt, en hann hafði fengið hana
um 1935 hjá ekkju Jóns Finsens klausturhaldara („Tykke Jón“),
hins sama sem átt hafði mynd Þjóðminjasafnsins og selt hana Frede-
riksborgarsafni 1917. Lengra verður saga myndarinnar ekki rakin,
en trúlegt er, að Jón Finsen hafi einnig erft hana eftir föður sinn,
Oluf Finsen stiftsforvalter á Vallo, sem einnig var nefndur hér að
framan. Hugsanlegt væri, að þetta væri myndin, sem á sínum tíma
hékk í Hóladómkirkju, en þó er hitt miklu trúlegra, að mynd Þjóð-
minjasafnsins sé það, m. a. af því að hún var undir gleri, þegar hún
hékk í dómkirkjunni, en ólíklegt er, að jafnstór mynd og nr. 4 hafi
verið undir gleri. Þá kemur og hitt til, að óvíst er, hvort þessi mynd
er yfirleitt af Finni biskupi. Hún er allt öðru vísi en þær myndir, sem
vissulega eru af honum. Andlitið horfir reyndar líkt við, en er séð áð-
eins meira frá hlið. Maðurinn er sýndur með hárkollu og pípukraga,
í hempu, og sést niður að mitti. Hægri höndin sést og heldur á stórri
bók með látúnsslegnum hornum og skrautverki á spjaldi, einhvers
konar kransi. Myndin virðist sýna yngri mann en hinar myndirnar,
fyllri nokkuð í andliti, nefið bognara en á hinum myndunum, og yfir-
leitt er óhætt að segja, að manni mundi ekki í fljótu bragði detta í
hug, að hún væri af sama manni. Þó er svipurinn ekki óáþekkur, og
hún gæti verið af sama manni. Einhver hefur talið hana af Finni
biskupi, þáð sýnir miðinn aftan á blindrammanum, og í eigu Finsens-
ættarinnar er hún. Örugglega mun hún vera frá 18. öld. Trúlegt virð-
ist, að hún sé af einhverjum þeirra Finnunga. En hverjum þá, ef
hún er ekki af Finni biskupi? Þeirri spurningu verður að líkindum
ekki svarað nema með tómum getgátum.
Um myndir af Finni biskupi má þá segja í fáum orðum: Lítið en
vandað málverk í Þjóðminjasafni, áður 1 Frederiksborgarsafni, mun
hafa verið gert í Kaupmannahöfn, þegar Finnur var þar 1754 til að
taka biskupsvígslu, fimmtugur að aldri. Hefur ekki ólíklega hangið
lengi í Hóladómkirkju og kynni þá að hafa borizt þangað frá Skál-