Dagblaðið Vísir - DV - 07.09.1988, Blaðsíða 33

MIÐVIKUDAGUR 7. SEPTEMBER 1988.
33
Lífsstíll
Jarðlitir á gluggatjöldum og Ijós húsgögn úr basti. Hornið á kappanum
setur skemmtilegan svip á annars einfalda uppsetningu. Undir eru rimla-
tjöld til að draga fyrir.
Vafningar vinsælir .
Uppsetningar á gluggatjöldum eru
margvíslegar, allt eftir smekk manna
og húsagerö. Víða er gengið þannig
frá íbúðum að gardínubrautir eru í
loftum. Við slíkar aðstæður er lítill
möguleiki á öðru en hafa gluggatjöld-
in á þeim brautum. Til tilbreytingar
má rykkja hverja lengju eða draga
saman á einfaldan hátt. Á kappann
má setja alls konar útfærslur, rykkt
eða slétt, með tungum eða homum.
Síðustu misseri hefur verið vinsæl-
ast að vefja gardínulengjunni um
stöngina á afar frjálslegan hátt. Þá
er notuð ein lengja sem er minnst
þrisvar sinnum lengri en breiddin á
glugganum. Létt og loftmikil efni
henta best í þessa uppsetningu. Vafn-
ingunum er síðan fest með pijónum
og helst þessi uppsetning ágætlega
með því. Þar sem ekki er hægt að
draga þessi tjöld fyrir gluggana eru
oft notuð rimlatjöld undir.
Heimilið
Leitið ráðlegginga
Algengast er að kaupandinn láti
fagfólk sauma gluggatjöldin og eru
flestar gluggatjaldaverslanir með
saumastofur. Leitið því ráðlegginga
hjá starfsfólki verslananna bæði með
efnisval og uppsetningu. Oftast sjá
verslanirnir líka um uppsetningu og
frágang gluggatjaldanna á heimilinu.
Efnin eru mörg hver það dýr að hver
mistök geta kostað stórfé.
-JJ
Algengt er að gluggatjöld og húsgagnaáklæði séu með sama mynstri. Hér
eru það bleiki og blái liturinn sem eru ríkjandi. Litir á veggjum eru í sama
bleika tóninum.
SÍGILDIR BJARTIR STERKIR
HÖRPUTÓNAR HARPA lífinu lit.
AUK hf. 111.12/SlA