Dagblaðið Vísir - DV - 20.09.1988, Blaðsíða 10

10
ÞRIÖJUÐAGUR 20. SEPTEMBER 1988.
Útiönd
Uppreisnarmenn úr flugher Burma sem gengu í liö með mótmælendum í síðustu viku
Simamynd Reuter
Engar friðar-
viðræður
Fulltrúar stjórnarinnar í Nic-
aragua og kontraskæruliða hittust í
gær í fyrsta sinn síðan í júní. Þeim
tókst hins vegar ekki að komast að
samkomulagi um hvernig eða hven-
ær ætti að taka upp viðræður að
nýju til að binda enda á stríðið sem
staðið hefur yfir í sjö ár.
Varautanríkisráðherra landsins,
Victor Hugo Tinoco, sem er aðal-
samningamaður stjórnarinnar, sagði
þó fundinn í gær ekki hafa verið með
öllu árangurslausan.
Sandinistar segjast vilja að samn-
ingaviðræðurnar fari fram í Mana-
gua, höfuðborg landsins, en kontra-
skæruliðar vilja hins vegar funda
síðar í þessum mánuði í Costa Rica,
Guatemala City eða Dóminiska lýð-
veldinu.
Kontraskæruliðar slitu friðarvið-
ræðunum í júní á þeim forsendum
að stjórnin hefði ekki áhuga á að
binda enda á stríðið. í gær sögðu
þeir að stjómin ætti að sýna góðan
vilja sinn og sleppa þrjátíu og níu
föngum sem handteknir voru í júlí
er efnt var til mótmælaaðgerða gegn
stjórninni. Einnig krefjast kontra-
skæruliðar að allri ritskoðun verði
aflétt.
Reuter
Fímm hundruð
sagðir fallnir
Saw Maung, leiðtogi herforingjanna
sautján sem tekið hafa völdin í
Burma. Símamynd Reuter
Skotdrunur heyrðust öðru hveiju
í Rangoon í Burma í morgun en að
öðru leyti var allt með kyrrum kjör-
um. Hermenn höfðu þá skotiö til
bana nær fimm hundruð mótmæl-
endur, að sögn vestrænna stjórnar-
erindreka.
Skotið var á óvopnaða mótmælend-
ur sem rifu niður vegatálma her-
manna og hóp þrettán til fjórtán ára
skólastúlkna sem gengu um og mót-
mæltu valdaráninu. Lík saklausra
fómarlamþa liggja á víð og dreif um
þorgir landsins.
Sérfræðingar í Rangoon eru þeirr-
ar skoðunar að Ne Win, stofnandi
sósíahstaflokksins, standi á bak við
hið „falska" valdarán hersins á
sunnudaginn. Ne Win dró sig til baka
sem leiðtogi flokksins í júlí en er þó
enn hæstráðandi, að sögn vestrænna
stjórnarerindreka.
Eftir að herinn tók völdin var sett
á útgöngubann, samkomur fleiri en
fimm voru bannaðar og fólki skipað
að snúa aftur til vinnu sinnar. Verk-
fóll höfðu staðið yfir í mánuð á með-
an fólk krafðist afsagnar stjórnar-
innar.
Fregnir herma að stúdentar hafi
verið skotnir til bana nálægt háskól-
anum í Rangoon í morgun. Háskól-
inn hefur verið vígi stjómarandstæð-
inga undanfarna mánuði.
Herinn viðurkenndi í ríkisútvarp-
inu í gærkvöldi að hafa orðið fimm-
tíu og sjö manns að bana þegar reynt
var aö koma á lögum og reglu en
stjórnarerindrekar fullyrða að nokk-
ur hundruð hafi látið lífið. Flestir
voru myrtir á sunnudagskvöld og á
mánudagsnóttina þegar herinn lét til
skarar skríða víðs vegar um landið.
Reuter
■ Hjól
... svartir sílsar, álfelgur,
sumar/vetrardekk, flækjur,
útistandandi hreyfanlegir
speglar, aflbremsur,
veltistýri o.fl. o.fl.. ”

smAauglvsingar
SÍMI 27022

Símamynd Reuter
Beðið fyrir keisaranum.
Japanskeisari
alvaiiega veikur
Hirohito Japanskeisari er sagður
alvarlega veikur og í morgun komu
starfsmenn Rauða krossins í annað
skipti á einum sólarhring með blóð
til keisarahallarinnar.
Embættismenn í höllinni neituðu
að verða við svörum um ástand keis-
arans en japönsk fréttastofa hafði
það eftir heimOdarmönnum stjórn-
arinnar að hann væri í lífshættu.
Hirohito, sem er 87 ára gamall,
kastaði upp blóði í gærkvöldi og
starfsmenn hallarinnar segja hann
hafa fengið blóðgjöf snemma í morg-
un. Keisarinn hefur verið með hita í
nokkra daga.
Almenningur safnaðist fyrir utan
höllina í morgun til að biðja fyrir
keisaranum og fregnir af slæmu
heilsufari hans urðu til þess að óró-
leiki gerði vart við sig á verðbréfa-
markaðinum, skuldabréf féllu í verði
en hlutabréf hækkuðu.
Reuter
Danskur kvenna-
flokkurí
uppsiglingu
Gizur Helgascm, DV, Reersnæs:
Danskur kvennaflokkur er nú í
undirbúningi. Fjöldi málsmetandi
kvenna hefur á undanförnum mán-
uðum unnið ötullega að því að stofna
flokkinn og nú eru þær að vona að
erfiðið skili árangri.
Charlotte Meldal blaðamaður segir
í viðtali við Berlingske Tidende: „Við
viljum gjarnan að konur hafi meiri
áhrif á stjómmálalífið. Við ætlum
ekki að keyra kvennastefnu en vilj-
um sem konur innleiða mannlega
stefnu og þess vegna erum við hvorki
vinstri né hægri sinnaðar.“
Hún undirstrikar að konurnar æth
sér ekki eingöngu að leggja áherslu
á kvennamál, eins og þarfir barna
og dagvistunarheimili, heldur og að
leggja fram íjármála- og utanríkis-
málaáætlun.
Charlotte Meldal álítur að margar
af þeim konum sem sitja á þjóðþing-
inu vinni frábært starf. „En það eru
svo mörg göt og síur á hinum hefð-
bundnu flokkum að skoðanir kvenna
komast ekki nægilega vel til skila.“
Konurnar vonast til þess að geta
hafið söfnun undirskrifta eftir eitt
ár til þess að flokkurinn geti boðið
fram við næstu kosningar.