Dagblaðið Vísir - DV - 10.11.1988, Blaðsíða 3

FIMMTUDAGUR 10. NÓVEMBER 1988.
Fréttir
3
Ferðaskrifstofa ríkisins:
Seld miðað við
stórlækkað mat
- einkaréttur á Edduhótelum í þrjú ár fylgdi meö í kaupunum
Enn hefur samgönguráöherra,
Steingrímur J. Sigfússon, ekki gefið
út starfsleyíi til Ferðaskrifstofu ís-
lands sem er hlutafélag er stofnað
var við sölu Ferðaskrifstofu ríkisins.
Samgönguráðherra hefur ekki enn
gefið nein svör um það hvenær eða
hvort leyfið verði veitt. Mun hann
hafa krafist ítarlegrar úttektar á söl-
unni eftir aö hann kom í ráðuneytið
og mun hann á tímabili hafa hugleitt
að rifta henni.
Samkvæmt lagaákvæðum frá 1985
var Ferðaskrifstofa ríkisins seld og
nutu starfsmenn forkaupsréttar. Það
hefur hins vegar komið í ljós að ekki
er tekið skýrt fram í lögunum hvern-
ig tryggt er að starfsmenn einir
standi að kaupunum. Segja menn að
því hafi verið klúðrað í meðförum
Alþingis. Vegna þessa hefur því verið
haldið fram að Eimskipafélagið sé á
leiðinni inn í fyrirtækið sem verður
að teljast óeðhlegt. Starfsmenn fyrir-
tækisins nýttu sér forkaupsrétt sinn
og er samdóma álit manna, sem
starfa í ferðamálum, að verðið hafl
verið mjög gott. Starfsmenn skráðu
sig fyrir hlutafé að verðmæti 14 millj-
ónir króna en ríkið á þriðjung af 21
miUjón króna hlutafé. Þá þurfti fé-
lagið að taka við skuldum upp á tæp-
ar 10 milljónir.
Var metið á 50 milljónir
Matsverð á Ferðaskrifstofu ríkis-
ins hefur mjög breyst í tímans rás.
Fyrir tveim eða þrem árum var verð-
mæti fyrirtækisins metið á 50 miUj-
ónir króna og voru ýmsir aðUar til-
búnir að kaupa á því verði. Á síðasta
ári var fyrirtækið sett aftur í mat og
sagði Hreinn Loftsson, aðstoðarmað-
ur fyrrverandi samgöngumálaráð-
herra og fuUtrúi ríkisins í stjórn
Ferðaskrifstofu íslands, að eldra
matsverðið heföi verið úrelt. Eftir að
endurmat hafði komið til varð end-
anleg tala 30,4 milljónir. Söluverð var
byggt á því.
Það þykir skjóta sköku við að mats-
verö fyrirtækisins skyldi lækka á
þessu tímabUi því mikU uppbygging
hafði einmitt orðið á sama tíma. Var
fyrirtækið t.d. tölvuvætt á þessum
árum og vUja sumir meina að um
leið og ljóst var að fyrirtækið yrði
selt hafi það verið rekið með það í
huga að lækka matsverð þess.
Hvenær kom Eimskip inn í
myndina?
Ljóst er að Eimskipafélagið haföi
mikinn áhuga á að ná tökum á félag-
inu en mönnum þykir erfitt að tíma-
setja þann áhuga. Það gerir það að
verkum að mjög erfitt er að rökstyðja
riftun á kaupunum enda mega starfs-
menn selja hlutafé sitt á frjálsum
markaði. Eimskip hafði reyndar
mestan áhuga á að komast inn í
samning við umboðsaðUa SmyrUs en
snarræði Jónasar Hallgrímssonar,
framkvæmdastjóra Austfars hf. á
Seyðisfirði, kom í veg fyrir það.
Viðskiptavild Ferðaskrifstofu rík-
isins er mikil um allan heim enda
gamalgróið fyrirtæki með ríkið að
bakhjarli. Þessi viðskiptavUd mun
hafa farið fyrir lítið í matsverði. Þá
var kveðið á um það í samningnum
að rekstur Edduhótelakeðjunnar
yrði áfram hjá fyrirtækinu næstu
þijú árin. Það er hlutur sem ber að
meta töluvert. Þá mun skattalegt
hagræði einnig vera verulegt af
kaupunum þó erfitt sé á þessari
stundu að meta það tU fjár.
Ekki munu vera neinir samningar
um að Ferðaskrifstofa íslands sjái
um ferðalög á vegum hins opinbera
en stofan nýtur þó enn tengslanna
við stjórnarráðið og fær töluvert af
ferðalögunum í sinn hlut. -SMJ
Stórtónleikar
í kvöld kl. 22
stundvíslega
Aðgöngumiðaverð kr. 600,-
Þingmenn Reykjaneskjördæmnis á fundi i gær. F.v.: Geir Gunnarsson,
Karl Steinar Guðnason, Jóhann Einvarðsson, Ólafur G. Ejnarsson, Matthias
Á. Mathiesen, Salóme Þorkelsdóttir, Júlíus Sólnes, Kristín Halldórsdóttir,
Hreggviður Jónsson og Steingrímur Hermannsson. DV-mynd: LAE.
Keflavíkurtogararmr:
Steingrímur sendur á SÍS
- einhugur meðal þingmanna Reykjaneskjördæmis
í gær héldu þingmenn Reykjanes-
kjördæmis meö sér fund vegna
Keflavíkurtogaranna. Þar var ákveð-
ið að forsætisráöherra, Steingrímur
Hermannsson, gengi á fund Guðjóns
B. Ólafssonar, forstjóra Sambands-
ins, til að freista þess að fá ákvörðun
Sambandsins um þessa togarahrók-
un milli Keflavíkur og Sauðárkróks
breytt.
Matthías Á. Mathiesen, fyrsti þing-
maður Reykjaneskjördæmis, sagði
að lítið meira væri um málið að segja
á þessu stigi, bíða yrði eftir niður-
stöðu fundar forsætisráðherra og
forstjóra Sambandsins áður en
næsta skref yrði stigið.
Karl Steinar Guðnason alþingis-
maður sagði aö enda þótt ekki væri
séð á þessari stundu hvernig hægt
væri að leysa málið á þann hátt að
Suðurnesjamenn héldu togurunum
væri allt annað en uppgjafartónn í
mönnum. „Það er engin orusta töpuð
meðan á henni stendur," sagði Karl.
í sama streng tóku alþingismenn-
irnir Jóhann Einvarðsson og Ólafur
G. Einarsson. Þeir, eins og raunar
aðrir þingmenn Reyknesinga, sögðu
að hér væri um mikið teflt varðandi
atvinnuástandið á Suðurnesjum.
Karl Steinar benti á að málið snerti
raunar alla Reyknesinga því að fisk-
markaðurinn í Hafnarfirði heföi
fengið fisk frá þessum togurum þegar
þannig hefði staðið á. Sjá einnig bls.
29
-S.dór
JL. VÖLUNDUR
TEPPADEILD
Jólateppin
eru
komin
Florence er eitt af jólateppun-
um okkar i ár
Útlit: Uppúrklippt og lykkja
Efni: 100% Polyamid - Óhrein-
indavarið
Nú er tækifærið að gera
hörku-góð kaup og teppaleggja
fyrir jól.

Við erum komnir í jólaskapið og veitum hagstæð
greiðslukjör.
O TEPPADEILD
JLVölundur HRINGBRAUT 120 - SÍMI 28600