Dagblaðið Vísir - DV - 10.11.1988, Blaðsíða 5
FIMMTUDAGUR 10. NÓVEMBER 1988.
5
L.
Lántökur opinberra aðila
]
Á þessu línuriti má sjá hversu fjarri lagi áætlanir fjárlagafrumvarpa fyrir
árin 1985 til 1988 um erlendar lántökur opinberra aöila hafa verið.
t
Lántökur hins opinbera:
Standast aldrei
neinar áætlanir
Samkvæmt fjárlagafrumvarpi Ól-
afs Ragnars Grímssonar er gert ráð
fyrir að lántökur opinberra aðila
verði á næsta ári um 1,5 milljaröar
króna. Eins og undanfarin ár er gert
ráö fyrir að þar sem afborganir séu
hærri en ný lán muni skuldastaða
opinberra aðila batna á næsta ári.
Þessar áætlanir hafa hins vegar án
undantekningar brugðist.
í síðustu fjórum fjárlögum fyrir
árin 1985 til 1988 var gert ráð fyrir
að opinberir aðilar tækju um 9,8
milljarða að láni erlendis. Reyndin
varð allt önnur. Á þessum fjórum
árum tóku opinberir aðilar um 20,5
milljarða að láni erlendis.
í stað þess að skuldastaða opin-
berra aðUa versnaði aðeins um 1,1
milljarð á þessum árum varð hún
lakari sem nemur 11,3 milljörðum.
í ljósi fenginnar reynslu af fjárlaga-
frumvörpum undanfarinna ára er
því erfitt að taka fyllilega mark á
áætlunum nú um aðeins 1,5 milljarða
í ný lán til opinberra aðila. Að meðal-
tali hafa áætlanir undanfarinna ára
skeikað um 180 prósent. Innstreymi
nýrra lána til hins opinbera hefur
orðið rúmlega helmingi meira en
áætlað var.
-gse
Fiugvellir á Norðurlandi:
Framkvæmdir fyrir
60-70 milljónir í ár
Gyffi Kiistjáiisson, DV, Akureyri:
„Framkvæmdir á flugvöllum á
Norðurlandi á árinu eru fyrir 60-70
milljónir króna og það er nánast
sama upphæð og var varið til fram-
kvæmda á landinu öllu á síðasta
ári,“ segir Rúnar Sigmundsson, um-
dæmisstjóri Flugmálastjórnar á
Norðurlandi, í samtali við DV.
Unnið hefur verið við flugvallar-
■ mannvirki á fimm stöðum og í tveim-
m- tilfellum er um að ræða nýjar flug-
stöðvarbyggingar. Á Sauðárkróki er
240 fermetra flugstöð í byggingu, auk
flugtums. Þeim framkvæmdum á að
ljúka næsta vor og áætlað að taka
stöðina í notkun í maí.
Á Blönduósi er minni flugstöð í
byggingu. Hún er um 75 fermetrar
að stærð, auk 10 fermetra flugtums,
og verður þetta mannvirki einnig
tekiö í notkun í vor.
Á tveimur stöðum hefur verið unn-
ið að gerð öryggissvæða. Á Akureyri
er jarðvegsvinna við það langt komin
en um er að ræða 50 metra öryggis-
svæði við hvora hlið brautarinnar.
Þá hafa snúningssvæði við enda
brautarinnar verið stækkuð og
breikkuð og flugvélaplan við flug-
stöðina var stækkað um 4500 fer-
metra og það lagt bundnu slitlagi.
Á Húsavík er vinnu nær lokið við
gerð sams konar öryggissvæða og á
Akureyri og eins og þar verður sáð
í þessi svæði næsta vor.
Segja má að ný flugbraut hafi verið
byggð við Mývatn, við hlið gömlu
brautarinnar. Hún er 920 metra löng
en gamla brautin, sem var um 500
metra löng, nýtist að hluta sem ör-
yggissvæöi. Nýja brautin verður lögð
bundnu slitlagi næsta vor.
Að sögn Rúnars Sigmundssonar
byggist 10 ára framkvæmdaáætlun
við flugvelli landsins að mestu á föst-
um tekjuliðum sem em flugvallar-
gjald og eldsneytisskattur.
Útgeröarfélag Akureyringa hf.:
Fyrstu togararnir
bundnir í vikunni?
Gyffi Kristjánsson, DV, Akuieyri:
„Ég efast stórlega um að þau skip
okkar, sem nú eru á veiðum, geti
farið út aftur þegar þau hafa komið
inn til löndunar og því er viðbúiö að
við verðum að fara að binda skipin
við bryggju strax í þessari viku,“
segir Gísli Konráðsson, fram-
kvæmdasfjóri Útgerðarfélags Akur-
eyringa hf.
Togarar fyrirtækisins, sem eru 6
talsins, em að Ijúka við að veiða upp
í kvóta sinn þessa dagana og að sögn
Gísla hafa allar tilraunir til þess að
fá keyptan kvóta verið árangurs-
lausar. Því blasir ekki annað við en
að binda verði skipin við bryggju ef
ekki rætist úr.
„Við höfum veikar vonir um að
einhvers staðar liggi kvóti sem menn
geti ekki nýtt sér og við gætum náð
þar í eitthvað en þetta em því miður
veikar vonir. Þá erum við einnig að
vona að hægt verði að kaupa afla af
öðrum til vinnslu hér. Það hefur ver-
ið nokkuð um það að okkur hafi ver-
ið boðinn fiskur til vinnslu en við
höfum ekki getaö sinnt því til þessa
vegna þess að okkar skip hafa verið
að veiðum.
Þettaer allt afskaplega óljóst í dag.
Einn möguleikinn er t.d. sá aö ein-
hverjir eigi kvóta en ekki skip til að
ná í hann og við gætum veitt fyrir
þá. En það er engin leið að fullyröa
neitt í þessum efnum í dag,“ sagði
Gísli.
Fréttir
Mannskæð umferð 1 Ámessýslu:
Fjörutíu og sex lát-
ist í umferðarslys-
um á 15 árum
- um 1500 teknir fyrir hraðakstur 1 sýslunni á þessu ári
46 manns hafa látist í 35 um-
ferðarslysum á tæpum 15 árum í
Árnessýslu. í ár hafa fjórir látist í
umferðarslysum í sýslunni, allir í
einu slysi í september. Aðeins í
Reykjavík hafa orðið fleiri dauða-
slys á þessum tíma.
Fram til 4. nóvember í ár hafa
1523 ökumenn verið teknir fyrir of
hraðan akstur í Árnessýslu og 213
grunaðir um ölvun við akstur. Allt
árið í fyrra voru 214 teknir fyrir
ölvunarakstur í sýslunni.
Þessar upplýsingar fengust hjá
lögreglunni á Selfossi sem þykir
þessar tölur að vonum ógnvænleg-
ar.
„Við verðum að taka með inn í
myndina að banaslys eru aðeins
toppurinn á öðrum slysum, það er
að segja að mun íleiri hafa slasast
meira eða minna í enn fleiri slys-
um. Það er alveg hræðilegt að
hugsa út í þetta. Við eigum í stöð-
ugri baráttu við þann hugsunar-
hátt ökumanna að allt í lagi sé að
aka bíl eftir að hafa drukkið og að
aka of hratt. Hraðaksturinn er or-
sök margra slysa. Þar teljum við
okkur þó hafa áorkaö einhveiju
með hraöamælingum en betur má
ef duga skal,“ sagði lögreglan á
Selfossi í samtali við DV.
Mikill umferðarþungi
Að í Árnessýslu sé hæsta slysa-
tíðni utan Reykjavíkur þykir lög-
reglunni á Selfossi ekki óeðlilegt
ef tekið er mið af umferðarþungan-
um í sýslunni sem er sá mesti utan
höfuðborgarsvæðisins. Lögreglan
telur að hraðamælingar hafi dregið
úr hraðanum á vegunum í kringum
Selfoss og hafa menn haft á orði
að hann sé ekki meiri en annars
staðar á landinu. Þó séu mjög ugg-
vænlegir toppar eins og síðastlið-
inn föstudag þegar maður var tek-
inn á 130 kílómetra hraða á snjó-
blautum veginum í Grímsnesi.
„Nú er í gangi herferð hjá okkur
þar sem við skrifum niður áminn-
ingar við öll brot, hversu smá sem
þau eru, og höldum þeim upplýs-
ingum til haga. Ef menn láta ekki
segjast og brjóta sífellt af sér kemur
það illa niður á þeim þegar upp er
staðið. Annaðhvort fara menn eftir
umferðarreglunum eins og þær
leggja sig eða ekki. Undanfari
stórra slysa er einmitt þegar fólk
fer að láta ýmsar, að þess mati
„minni háttar", reglur lönd og
HEFUR ÞÚ AUGU í HNAKKANUM?
Hefur þú ekki oft óskaö þess aö þú hefðir augu í
hnakkanum? Eftiriitsmaöurinn frá Sony gerir þér kleyft
aö fylgjast meö tveimur stöðum samtímis.
Þú getur sparað stórlega meö því aö hafa
augun á réttum staö.
Sony HNS-16a
• Ljósnæm myndavél (5 lux)
• Innbyggöur hljóönemi
• 4 tommu skjár meö hátalara
• Heyrnartólstengi
• Video og hljóö úttak
• Rörsjá til aö sjá í gegnum hi
• Vegg- og borðfestingar
• 30 metra tengisnúra
Vegna sérstakra samninga viö Sony getum viö boðið
takmarkað magn af þessu undratæki á ótrúlegu tilboðsverði.
Rétt verð kr. 45.200.
Tilboðsverð kr. 21.500 stgr.
JAPISS
• BRAUTARHOLT 2 ■ KRINGLAN •
• AKUREYRI ■