Dagblaðið Vísir - DV - 10.11.1988, Blaðsíða 13
HABER G “
SKEIFUNNI 5A SÍMI 91 8 47 88
FIMMTUDAGUR 10. NÓVEMBER 1988.
Fréttir
„Verkfræðilegur glæpur“
Síur
i urvali
Andrúmsloft glæps
Höfundur: Juan Benet
Þýðandi: Guöbergur Bergsson
Útgefandi: Aimenna bókafélagiö.
„Á sjóðheitum morgni fannst lík
af manni á torginu í Bocentellas."
Þannig hefst Andrúmsloftið hans
Juan Benets. Litlu síðar segir: „Líkið
fannst á þorpstorginu, sat á jörðinni,
höfuðið seigt niður á bringu með
stráhatt, og hallaði bakinu að undir-
stöðu drykkjarbrunnsins, fótleggirn-
ir teygðir fram og fæturnir berir,
glenntir sundur eins og klukkan
væri tvö, iljarnar svartar... ,Á miöj-
um hálsinum, beint fyrir neðan hök-
una, var svart gat eftir byssukúlu
sem haíði farið út um hnakkann,
gegnum annað miklu smærra.“
Þarmeð er tónninn geíinn: Við höf-
um glæp, lík og ráögátu. Við setjum
okkur í stellingar og bíðum eftir
spæjaranum, hinum dapurlega ein-
fara með röntgenaugun og tölvuheil-
ann, og glímu hans við yfirmennina,
kerfið, glæponana - og konur. Við
flettum og flettum en þessi maður
lætur heldur betur á sér standa. Við
lesum bókina til enda og komumst
að því að sjálfur spæjarinn hefur
allsekki ratað inní þessa sögu. Hins-
vegar kynnumst við manni sem
nefndur er Medína höfuðsmaður og
Á daginn ritstýrir Benet fljótum Spánar.
Bókmenntir
FI4AM
Juan Benet: Nokkrar atburðarásir i
gangi í einu.
hefur reyndar til að bera nokkra af
eiginleikum hins dæmigerða spæj-
ara: hann er einfari og ber hlýjan hug
til kvenna. Og hann er þaraðauki á
höttunum eftir misindismönnum en
hið merkilega er að þeir koma þessu
líki á torginu bara ekkert við að þ'ví
er virðist.
Lesandinn spæjar
Við erum leidd fram og aftur um
sögusviðið og kynnt fyrir ótal per-
sónum sem jafnvel eiga það til að
ganga undir fleiri nöfnum en einu
og hver atburðurinn rekur annan.
Þannig eru í raun nokkrar atburða-
rásir í gangi í einu og lesandinn er á
köflum þreyttur einsog lax á króki
veiöimanns, með ýmsum hliðarspor-
um í frásögninni og svo virðist á
stundum að líkið, sem kemur fyrir í
fyrstu setningu sögunnar, sé með
öllu gleymt. En þegar örvilnun les-
andans er umþaðbil að nálgast há-
markið fara þessir ósamstæöu at-
burðir aö renna saman í eina mynd
og lesandinn verður fyrir því, sem
Skandinavar, frændur og vinir okkar
Guðbergs, kalla Aha-opplevelse - í
nánast annarri hverri málsgrein.
Lesandinn er alltíeinu orðinn leyni-
löggan og hlotnast að lokum heiður-
Kjartan Arnason
inn aö lausn gátunnar. Hvort málið
komst nokkurntíma í hendur
„réttra“ yfirvalda liggur algjörlega á
milli hluta og skiptir engu. En það
sem meira er um vert: hérumbil al-
veg í lokin er framið annað morð svo
óvænt og fyrirvaralaust að lesandinn
gapir og glennir augu og les aftur og
aftur en fær engu breytt; sagan flarar
út einsog ekkert hafi í skorist og les-
arinn situr uppi með nýja þraut.
Brúagerð og bókmenntir
Það er greinilega ekki lakara að
vera verkfræðingur þegar setja á
saman bók; hvort það er skilyrði er
svo aftur annað mál. Juan Benet
hefur lengi fengist við að hanna
virkjanir, vegi og hafnir í sínu
heimalandi, Spáni, og er allnokkur
spámaður á því sviði þar. T.d. mun
hann hafa átt við sköpunarverkið
með eftirminnilegum hætti þegar
hann tengdi saman stórfljótin Tagus
og Segúra og bætti þannig úr órétt-
látri dreifingu náttúrunnar á vatni,
einsog Guðbergur segir í eftirmála.
Benet fæddist í Madríd fyrir 61 ári
en rekur rætur sínar til Baskalands.
Juan Benet skrifar eftir vinnu þeg-
ar hann kemur heim í kofann sinn
eftir að hafa ritstýrt náttúrunni lið-
langan daginn. Hann hefur skrifað
um tíu skáldverk og árið 1980 hlaut
hann ein helstu bókmenntaverðlaun
Spánar fyrir Andrúmsloft glæps.
Guðbergur þýðir með ágætum,
stundum fékk ég þó á tilfinninguna
að honum hafi legið fullmikið á en
umfram annað er þýðingin liðug og
kemur andrúmslofti glæpsins vel til
skila.
Hátíöatónleikar í kvöld:
30 ára afmæli Pólýfónkórsins
Fjöldi manns tekur þátt í afmælis-
hijómleikum Pólýfónkórsins í ,Há-
skólabíói í kvöld. í kórnum eru nú
um 100 meðlimir. Þar viö bætist Sin-
fóníuhljómsveitin og loks sjö ein-
söngvarar. Tveir þeirra, þau Sigríður
Ella Magnúsdóttir og Gunnar Guð-
björnsson, koma frá útlöndum til aö
vera með. Efnisskráin nær yfir 400
ára tímabil sem hefst á Monteverdi
og lýkur með Carl Orff.
Tónleikarnir áttu að vera í vor en
þá veiktist stjórnandinn, Ingólfur
Guðbrandsson, skyndilega. Það var
hann sem stofnaði kórinn upphaf-
lega og stjórnar afmælistónleikunum
í kvöld.
PurolatOE
KÓPAVOGSKAUPSTAÐUR
m
Hugmyndasamkeppni
um skipulag
í Fífuhvammslandi.
Kópavogskaupstaður efnir til hugmyndasamkeppni um skipulag í Fífuhvamms-
landi. Um er að ræða almenna keppni samkvæmt samkeppnisreglum Arkitektafé-
lags íslands.
s
ssvæðið.
Keppnissvæðið er dalur, Fífuhvammsland, sem afmarkast af Reykjanesbraut, fyrir-
huguðum Arnarnesvegi og bæjarmörkum Reykjavíkurog Kópavogs.
Keppnislýsin
Keppnislýsing er ókeypis, en önnur gögn fást afhent hjá trúnaðarmanni dómnefndar
gegn 5.000 króna skilatiyggingu. Skila skal tillögum til trúnaðarmanns í síðasta lagi
þriðjudaginn 28. febrúar 1989 kl. 18:00 að íslenskum tíma.
Verðlaun.
Heildarupphæð verðlauna er 6 milljónir króna. Veitt verða þrenn verðlaun þar sem 1.
verðlaun eru að minnsta kosti 3 milljónir króna. Auk þess hefur dómnefnd heimild til
að kaupa tillögur til viðbótar fyrir samtals 1 milljón króna.,
Heimild til þátttöku hafa allir íslenskir ríkisborgarar.
Trúnaðarmaður.
Trúnaðarmaður dómnefndar er Ólafur Jensson, framkvæmdastjóri Byggingaþjón-
ustunnar, Hallveigarstíg 1, pósthólf 1191,121 Reykjavík, sími 29266. Heimasími
39036.
Dómnefnd.
Dómnefnd skipa: Tilnefnd af Kópavogsbæ: Kristinn Ó. Magnússon, verkfræðingur,
Ólöf Þorvaldsdóttir, skipulagsnefndarmaður og Richard Björgvinsson, bæjarfulltrúi.
Tilnefnd af Arkitektafélagi Islands: Guðrún Jónsdóttir, arkitekt og Hróbjartur Hró-
bjartsson, arkitekt. Ritari dómnefndarer Birgir H. Sigurðsson, skipulagsfræðingur.
Bæjarstjóri.
-ihh