Morgunblaðið - 30.05.2002, Page 18

SUÐURNES
18 FIMMTUDAGUR 30. MAÍ 2002 MORGUNBLAÐIÐ
ÞEGAR samþykkt þriggja ára fjár-
hagsáætlun verður sá rammi sem
meirihluti K-lista óháðra og Samfylk-
ingar og D-lista Sjálfstæðisflokks og
óháðra vinnur eftir næstu þrjú árin.
Málefnasamningur flokkanna var
undirritaður í gær.
Nýi meirihlutinn er skipaður
þremur fulltrúum K-lista og einum
fulltrúa D-lista og tekur við af hrein-
um meirihluta K-lista sem verið hef-
ur við völd í Sandgerði undanfarin
átta ár. Ákveðið er að Sigurður Valur
Ásbjarnarson verði áfram bæjar-
stjóri. Óskar Gunnarsson, efsti mað-
ur K-lista, verður forseti bæjar-
stjórnar 1. ár kjörtímabilsins, Reynir
Sveinsson, bæjarfulltrúi D-listans,
annað árið og síðustu tvö árin verður
fulltrúi K-listans aftur forseti. Reynir
verður formaður bæjarráðs fyrsta og
þriðja ár kjörtímabilsins en fulltrúi
K-listans annað og fjórða árið. List-
arnir skipta með sér formennsku og
fulltrúum í nefndum og stjórnum.
Vetraríþróttasvæði hannað
Eins og fyrr segir er gildandi
þriggja ára áætlun fjárhagsrammi
meirihlutans næstu þrjú árin. Óskar
Gunnarsson segir að fylgt verði fast
eftir því stórátaki sem gert hafi verið
í uppbyggingu skóla- og æskulýðs-
mála á síðustu árum.
Fram kemur í málefnasamningi að
á þessu ári verði aukið við fjárveit-
ingu til grunnskólans vegna búnaðar-
kaupa fyrir náttúru- og myndlistar-
stofur, fyrir allt að 2,5 milljónir kr.,
ráðist í hönnun vetrarútivistarsvæðis
fyrir fjölskylduna við gamla malar-
völlinn og varið til þess 2,5 milljónum
króna og ráðist í framkvæmdir við
stækkun bílastæða við leikskólann.
Reynir Sveinsson segir að ekki séu
framundan neinar stórframkvæmdir
á vegum bæjarfélagsins. Frekar
verði hugað að þörfum íbúanna fyrir
þjónustu og umhverfismálum. Nefnir
hann að staldrað verði við fram-
kvæmdir við höfnina þegar þeim
stórframkvæmdum, sem nú standa
yfir, lýkur en brugðist verði við að-
stæðum sem upp kunna að koma.
Lögð er áhersla á að snúa vörn í
sókn í atvinnumálum og að bæjar-
stjórn og atvinnuráð komi að því.
Meðal annars er hugmyndin að
kaupa þjónustu fagaðila til að auka
fjölbreytni í atvinnulífinu.
K-listinn og D-listinn töpuðu hvor
sínum bæjarfulltrúanum í kosning-
unum. Spurður að því hvort ekki
hefði verið eðlilegra að gefa þeim
framboðum, sem bættu við sig fylgi,
tækifæri til að taka við stjórninni
segir Óskar að þau hafi fengið sitt
tækifæri en ekki tekist að mynda
meirihluta. Vísar hann þar til við-
ræðna Framsóknarflokks, Sandgerð-
islistans og Sjálfstæðisflokksins.
Reynir telur að samvinna K-lista og
D-lista eigi að geta gengið vel í þágu
bæjarbúa, samstarf þeirra hafi verið
farsælt þegar þeir unnu saman 1990
til 1994.
Morgunblaðið/Helgi Bjarnason
Óskar Gunnarsson, forseti bæjarstjórnar Sandgerðis, og Reynir Sveins-
son sem verður formaður bæjarráðs standa hér við rostunginn, tákn
Sandgerðis, í Fræðasetrinu, að lokinni undirritun málefnasamnings.
K-listi óháðra og Samfylkingar og Sjálfstæðisflokkur mynda meirihluta
Áhersla á þjón-
ustu við íbúana
í stað stór-
framkvæmda
Sandgerði
BLÁA lónið hefur þróað nýja nátt-
úrulega andlitslínu, Balance Geo-
thermal Care. Þetta er fyrsta and-
litslínan undir vörumerkinu Blue
Lagoon Iceland en fyrir eru tvær lín-
ur frá sama framleiðanda, bað- og
spalína og meðferðarlína. Húðvör-
urnar, sem kynntar voru í gær, eru
árangur tíu ára þróunarstarfs og
rannsókna á áhrifum Bláa lónsins á
húðina.
Balance Geothermal Care-andlits-
línan grundvallast á einstökum nátt-
úrulegum efnum Bláa lónsins, segir í
fréttatilkynningu frá Bláa lóninu,
Bláalónsjarðsjónum, sem er ríkur af
söltum og steinefnum, sem nauðsyn-
leg eru húðinni til að starfa eðlilega
og viðhalda jafnvægi hennar og
frísklegu útliti, Bláalónsþörungnum,
sem er ríkur af fjölsykrum og vítam-
ínum sem hjálpa húðinni á náttúru-
legan máta að styrkja sínar eigin
varnir og öðrum sérvöldum náttúru-
legum efnum sem hreinsa, róa og
næra húðina.
Andlitsvörurnar henta öllum húð-
gerðum og hafa góð áhrif á við-
kvæma húð og húð sem er í ójafn-
vægi, að því er fram kemur.
Vörurnar eru ofnæmisprófaðar, lit-
ar- og ilmefnalausar.
Balance geothermal care-and-
litsvörulínan samanstendur af þrem-
ur vörutegundum: Balance-andlits-
hreinsi 150 ml, sem er mildur
tvívirkur húðhreinsir. Balance-raka-
kremi 30 ml, sem er létt rakagefandi
dag- og næturkrem fyrir venjulega
og blandaða húð. Balance-næringar-
kremi 30 ml, sem er nærandi dag- og
næturkrem fyrir venjulega og þurra
húð og húð sem er farin að eldast.
Balance Geothermal Care-vörurn-
ar eru fáanlegar í Heilsulindinni
Bláa lóninu, Íslandica í Flugstöð
Leifs Eiríkssonar, Hagkaupum
Smáralind, Lyfju Lágmúla, Lauga-
vegi, Smáratorgi og Smáralind,
Lyfjum & heilsu Austurstræti og
Kringlunni og Lyfjum & heilsu
Hafnarstræti Akureyri.
Fyrsta and-
litslínan frá
Bláa lóninu
Bláa lónið
RAUÐAKROSSDEILDIN í Grinda-
vík kom færandi hendi í Grunnskóla
Grindavíkur nú á dögunum þegar
öllum krökkum í 1. bekk voru gefnir
reiðhjólahjálmar. Með í för voru
vaskir lögregluþjónar sem fóru yfir
mikilvægi hjálmanotkunar.
„Okkur í Rauðakrossdeildinni er
umhugað um öryggi barna. Í haust
gáfum við skólahópum á leikskólum
bæjarins endurskinsborða sem við
vonumst til að hafi gefist vel. Ætl-
unin er að hafa þessi verkefni árviss.
Starfið í vetur hefur verið mjög öfl-
ugt, stanslaus fatasöfnun og gám-
urinn alltaf sneisafullur. Fjórar kon-
ur eru starfandi í heimsóknar-
þjónustu þar sem þær heimsækja
ákveðna einstaklinga. Þá er mjög
skemmtilegur saumahópur, „Föt
sem framlag“, sem starfað hefur í
vetur,“ sagði Guðfinna Bogadóttir,
formaður Rauðakrossdeildar
Grindavíkur.
Þá eru hefðbundin verkefni alltaf
í gangi, s.s. blóðsöfnun og aðstoð við
fjölskyldur og einstaklinga, tomból-
ur hjá unga fólkinu, barnfóstru-
námskeið og fleira.
Morgunblaðið/Garðar Páll Vignisson
Krakkarnir í 1. bekk með hjálmana ásamt lögregluþjónum, kennurum og fulltrúa RKÍ í Grindavík.
Rauði krossinn gaf hjálma
Grindavík
SUMARHÚSAHVERFI er að rísa á
Þóroddsstöðum við Sandgerði. Ingi-
mar Sumarliðason er að ljúka bygg-
ingu þriggja húsa sem hann byrjar
að leigja út á næstunni og Sandgerð-
isbær mun einnig úthluta lóðum á
svæðinu til einstaklinga.
Ingimar Sumarliðason, trillukarl á
Þóroddsstöðum, og Rannveig Páls-
dóttir kona hans hyggjast byggja
upp ferðaþjónustu á staðnum. Fengu
þau leigða lóð hjá Sandgerðisbæ fyr-
ir sjö sumarbústaði, auk þjónustu-
húss. Þjónustuhúsið er komið og ver-
ið er að ljúka byggingu þriggja
bústaða og byrja þau að leigja út
húsin og selja gistingu í júní.
Ingimar segir að vinnan við sjó-
mennskuna hafi dregist saman
vegna breytingar á kvóta smábáta. Í
haust hafi verið svo komið að hann
treysti sér ekki til að gera út á leigu-
kvóta á línu. Ástandið hafi að vísu að-
eins lagast með svokölluðum ráð-
herrakvóta. Hann segist þó hafa hug
á að snúa sér alfarið að ferðaþjónust-
unni svo fremi sem hún gangi vel, en
gott sé að hafa sjómennskuna með á
meðan verið sé að byggja þessa nýju
atvinnu upp.
Nýr valkostur
Ingimar og Rannveig segja að
nánast engir sumarbústaðir séu til
leigu sunnan Hvalfjarðar og vestan
Hellisheiðar. Því sé tímabært að
bjóða upp á þessa þjónustu á Suð-
urnesjum, það sé gott fyrir höfuð-
borgarbúa að fá nýjan kost. Húsin
verða leigð allt árið.
Aðstaðan á Þóroddsstöðum er að
mörgu leyti góð. Mikið fuglalíf, fal-
legar gönguleiðir í nágrenninu og
golfvöllur Sandgerðinga í túnjaðrin-
um. Þau bæta því við að stutt sé í
skemmtilega sögustaði og alla þjón-
ustu og afþreyingu í Sandgerði,
Garði og Reykjanesbæ.
Hugmynd þeirra hjóna er að setja
upp heita potta ef staðurinn fæst
tengdur við hitaveituna. Rannveig er
að koma sér upp nuddstofu á bænum
og mun bjóða upp á þá þjónustu fyrir
sumarbústaðagesti og íbúa svæðis-
ins.
Byggja sumarhús
til að leigja út allt árið
Morgunblaðið/Helgi Bjarnason
Ingimar Sumarliðason er að byggja upp ferðaþjónustu á Þóroddsstöðum.
Sandgerði
INNRITUN fyrir nemendur sem nú
þegar eru í Tónlistarskóla Reykja-
nesbæjar er í dag, fimmtudag, og á
morgun, föstudag, frá klukkan 12 til
18. Rangar upplýsingar um þetta
voru í upphafi fréttar sem birtist á
Suðurnesjasíðunni í gær og er beðist
velvirðingar á því.
Innritun fyrir nýja nemendur
verður síðan mánudaginn 3. júní, frá
kl. 12 til 18. Innritað er á skrifstofu
skólans, Austurgötu 13 í Keflavík.
Innritun
í dag
Reykjanesbær
♦ ♦ ♦